Black Magic | ఉప్ప‌ల్ మ్యాచ్‌లో బ్లాక్ మ్యాజిక్ క‌ల‌క‌లం..! దూబే అవుట్ కావ‌డానికి అభిమానే కార‌ణ‌మా? వీడియో వైర‌ల్‌..!

Black Magic | ఐపీఎల్‌ 2026లో భాగంగా శనివారం జరిగిన మ్యాచ్‌లో సన్‌రైజర్స్ హైదరాబాద్ మరో విజయాన్ని అందుకుంది. ఉప్పల్‌లోని రాజీవ్ గాంధీ అంతర్జాతీయ స్టేడియంలో చెన్నై సూపర్ కింగ్స్‌పై 10 పరుగుల తేడాతో గెలిచిన ఎస్‌ఆర్‌హెచ్ ఈ సీజన్‌లో తన మూడో విజయం నమోదు చేసింది. ఈ మ్యాచ్‌లో బ్యాటింగ్‌తో పాటు బౌలింగ్, ఫీల్డింగ్‌లోనూ హైదరాబాద్ జట్టు సమష్టిగా రాణించింది. ఇదిలా ఉండగా, సీఎస్కే ఇన్నింగ్స్ సమయంలో ఓ విచిత్ర ఘటన చర్చనీయాంశంగా మారింది. గ్యాలరీలో ఉన్న ఓ అభిమానితో సంబంధించిన వీడియో ప్రస్తుతం సోషల్ మీడియాలో హల్‌చల్ చేస్తోంది. వీడియోలో ప్ర‌కారం.. చెన్నై బ్యాటర్ శివం దూబే క్రీజులో ఉన్న సమయంలో ఓ సన్‌రైజర్స్ అభిమాని చేతిలో నిమ్మకాయ పట్టుకుని ఏదో మంత్రాలు జపిస్తున్నట్లు క‌నిపించాడు.

Black magic live 😭 pic.twitter.com/rzJYd6kjti

— Out Of Context Cricket (@GemsOfCricket) April 19, 2026

అదే సమయంలో సాకిబ్ హుస్సేన్ వేసిన బంతికి దూబే క్లీన్ బౌల్డ్ కావడం వీడియోలో క‌నిపించింది. ఆ అభిమానితో దీనికి సంబంధం ఉందన్నట్టు సోషల్ మీడియాలో చర్చ మొదలైంది. దూబే ఔట్ కావడంతో ఆ అభిమాని ఆనందోత్సాహాల్లో మునిగిపోయిన దృశ్యాలు కూడా వైరల్ అవుతున్నాయి. ఈ వైరల్ వీడియోపై అభిమానుల నుండి మిశ్రమ స్పందనలు వచ్చాయి. కొంద‌రు స‌ర‌దాగా చేయ‌గా.. యాదృశ్చికంగా బ్యాట్స్‌మెన్ అవుట్ అయ్యాడ‌ని పేర్కొన్నారు. మ‌రికొంద‌రు ఇలాంటి పట్టించుకోవ‌ద్ద‌ని పేర్కొన్నారు. మ‌రికొంద‌రు “బ్లాక్ మ్యాజిక్ ప్రభావమే” అంటూ సెటైరిక‌ల్‌గా స్పందించ‌గా.. మ‌రికొంద‌రు చెన్నై ఓటమికి ఆ అభిమానినే కారణమంటూ చమత్కరిస్తున్నారు. ఇంకొందరు మంత్రాలతో మ్యాచులు గెలువ‌లేమంటూ స్పందించారు. ఇదిలా ఉండ‌గా.. ఈ ఘ‌ట‌న‌పై చెన్నై జ‌ట్టు యాజ‌మాన్యం బీసీసీఐకి ఫిర్యాదు చేసిందంటూ సోష‌ల్ మీడియాలో లేఖ వైర‌ల్ అవుతోంది. ఇందులో ఎంత మేర‌కు వాస్త‌వం ఉన్న‌ది అనేది తెలియ‌రాలేదు.

Is this for real? Black Magic Complaint in #IPL? #CSK pic.twitter.com/osUuqcSmED

— Mohit Grover ਮੋਹਿਤ ਗਰੋਵਰ (@mgmohitgrover) April 19, 2026