August 12 Solar Eclipse 2026 | ఒకే రోజు 4 అరుదైన ఖగోళ వింతలు! ఆకాశంలో 6 గ్రహాల పరేడ్, పరిపూర్ణ సూర్యగ్రహణం.. భారత్‌లో కనిపిస్తుందా?

August 12 Solar Eclipse 2026 | త్రినేత్ర.న్యూస్ : ఖగోళ శాస్త్ర ప్రియులకు, ఆకాశంలో వింతలను తిలకించే వారికి ఆగస్టు 12 ఒక అద్భుతమైన రోజు కానుంది. కేవలం 24 గంటల వ్యవధిలోనే నాలుగు అరుదైన ఖగోళ సంఘటనలు ఒకదాని వెనుక ఒకటి చోటుచేసుకోనున్నాయి. సూర్యోదయానికి ముందే ఆరు గ్రహాల కలయికతో మొదలై, పగటిపూట పరిపూర్ణ సూర్యగ్రహణం, రాత్రి వేళ మిలమిలా మెరిసే ఉల్కాపాతం వరకు ఆకాశంలో ఒక అద్భుతమైన షో ఆవిష్కృతం కాబోతోంది.

ఆకాశంలో 6 గ్రహాల పరేడ్ (6-Planet Alignment)

ఆగస్టు 12 ఉదయం సూర్యోదయానికి ముందే ఆకాశంలో ఒక అరుదైన దృశ్యం ఆవిష్కృతమవుతుంది. జూపిటర్ (గురుడు), మెర్క్యురీ (బుధుడు), మార్స్ (కుజుడు), యూరేనస్, శాటర్న్ (శని), నెప్ట్యూన్ అనే ఆరు గ్రహాలు తూర్పు ఆకాశంలో ఒకే వరుసలో దర్శనమిస్తాయి. సరైన వాతావరణం ఉంటే వీటిని టెలిస్కోప్ లేదా బైనాక్యులర్స్ సహాయంతో స్పష్టంగా చూడవచ్చు.

పగలే రాత్రిగా మారే 'పరిపూర్ణ సూర్యగ్రహణం' (Total Solar Eclipse)

గ్రహాల పరేడ్ ముగిసిన కొన్ని గంటల్లోనే పరిపూర్ణ సూర్యగ్రహణం ఏర్పడనుంది. చందమామ.. సూర్యుడికి భూమికి మధ్య సరిగ్గా అడ్డుగా రావడం వల్ల సూర్యుడి కాంతి పూర్తిగా కప్పబడి పగటిపూటే చీకటి అలుముకుంటుంది.

ఎక్కడ కనిపిస్తుంది?: గ్రీన్‌లాండ్, ఐస్‌లాండ్, స్పెయిన్ ల గుండా ఈ గ్రహణ మార్గం సాగుతుంది.

ఐరోపాలో అరుదైన రికార్డు: 1999 తర్వాత ప్రధాన ఐరోపా (Mainland Europe) ఖండంలో కనిపిస్తున్న తొలి పరిపూర్ణ సూర్యగ్రహణం ఇదే కావడం విశేషం.

భారత్‌లో ఈ గ్రహణం కనిపిస్తుందా?

భారతీయ ఖగోళ ప్రేమికులకు ఇది కొంత నిరాశ కలిగించే విషయమే. ఈ సూర్యగ్రహణం భారతదేశంలో కనిపించదు.

భారత కాలమానం (IST) ప్రకారం ఈ గ్రహణం ఆగస్టు 12 రాత్రి 9:04 గంటలకు ప్రారంభమై, ఆగస్టు 13 తెల్లవారుజామున 2:15 గంటల వరకు కొనసాగుతుంది. రాత్రి సమయం కావడమే కాకుండా, మన దేశం గ్రహణ మార్గానికి దూరంగా ఉండటమే దీనికి కారణం. అయితే, నాసా (NASA), ఇతర ప్రముఖ అంతర్జాతీయ అంతరిక్ష సంస్థలు నిర్వహించే ఆన్‌లైన్ లైవ్ స్ట్రీమింగ్ ద్వారా భారతీయులు ఈ అద్భుతాన్ని డిజిటల్ తెరలపై వీక్షించవచ్చు.

రాత్రి వేళ ఉల్కల వర్షం (Perseid Meteor Shower), అమావాస్య

ఈ రోజు రాత్రి అమావాస్య కావడంతో ఆకాశం ఎలాంటి వెన్నెల వెలుగులు లేకుండా పూర్తిగా చీకటిగా ఉంటుంది. ఇది 'పెర్సీడ్స్ ఉల్కాపాతం' (Perseid Meteor Shower) చూడటానికి అత్యంత అనుకూలమైన వాతావరణాన్ని అందిస్తుంది. చీకటి ఆకాశంలో నిమిషానికి పదుల సంఖ్యలో ఉల్కలు (Shooting Stars) మిలమిలా మెరుస్తూ కిందకు రాలడం కంటికి విందుగా నిలుస్తుంది.

🌒 Mañana tendrá lugar el primer eclipse solar total visible desde España en más de un siglo.

🌍 Durante unos minutos, la brusca disminución de la luz alterará el comportamiento de aves, mamíferos, insectos y plantas.

🧵 Descubre cómo reaccionará la #Biodiversidad 👇 pic.twitter.com/2Yqh7QQrEi

— Fundación Biodiversidad (@FBiodiversidad) August 11, 2026

భారత్‌లో పరిపూర్ణ సూర్యగ్రహణం మళ్లీ ఎప్పుడు?

భారతదేశం నుంచి పరిపూర్ణ సూర్యగ్రహణాన్ని ప్రత్యక్షంగా చూడాలంటే మనం సుదీర్ఘకాలం వేచి చూడక తప్పదు. తదుపరి పరిపూర్ణ సూర్యగ్రహణం మార్చి 20, 2034 న సంభవిస్తుంది. ఈ గ్రహణ మార్గం భారతదేశంతో పాటు పాకిస్తాన్, అఫ్గానిస్తాన్, ఇరాన్, ఈజిప్ట్ తదితర దేశాల గుండా వెళ్తుంది.

On Aug. 12, a total solar eclipse will cross Iceland and Spain. NASA will be there!

The U.S. won’t see totality this time, so we’re bringing the science to you. Follow along this week! ☀️https://t.co/gWolno6fNN pic.twitter.com/4ROPK2aHt9

— NASA Solar System (@NASASolarSystem) August 5, 2026