Brahmotsavam 2026 | రథంపై రాజసం.. అశ్వంపై దివ్య తేజం.. క‌నులపండువ‌గా వెంక‌న్న బ్ర‌హ్మోత్స‌వం..

01/33

Brahmotsavam 2026 | తిరుమ‌ల శ్రీవారి సాలకట్ల బ్రహ్మోత్సవాలు భక్తిభావంతో అంగరంగ వైభవంగా సాగుతున్నాయి. ఎనిమిదో రోజు ఉదయం ఉభయదేవేరులతో కలిసి శ్రీమలయప్ప స్వామివారు రథంపై తిరుమాడ వీధుల్లో విహరించగా.. రాత్రి కల్కి అలంకారంలో అశ్వ వాహనంపై భక్తులకు దివ్యదర్శనమిచ్చారు.

02/33

ఉదయం రథోత్సవం, రాత్రి అశ్వ వాహనసేవను తిలకించేందుకు వేలాది మంది భక్తులు తరలివచ్చారు. ఉదయం 7 నుంచి 9 గంటల వరకు సాగిన రథోత్సవంలో భక్తులు పెద్ద సంఖ్యలో పాల్గొని రథాన్ని లాగారు. ‘గోవిందా.. గోవిందా’ నామస్మరణతో తిరుమాడ వీధులు మార్మోగాయి.

03/33

అడుగడుగునా భక్తులు కర్పూర హారతులు సమర్పిస్తూ స్వామివారిని దర్శించుకున్నారు. రాత్రి అశ్వ వాహనంపై కల్కి అలంకారంలో మలయప్ప స్వామివారి వాహనసేవ కనులపండువగా సాగింది.

04/33

ముందు గజరాజులు.. వెనుక భజనలు, కోలాటాలు, మంగళవాయిద్యాలు, జీయ్యంగార్ల ఘోష నడుమ స్వామివారి ఊరేగింపు వైభవంగా జరిగింది. భక్తుల గోవిందనామస్మరణతో తిరుమల ఆధ్యాత్మిక శోభను సంతరించుకుంది.

05/33

అశ్వ వాహనం ఇంద్రియ నియంత్రణకు ప్రతీకగా భావిస్తారు. కల్కి స్వరూపంలో స్వామివారి దర్శనం.. కలియుగ దోషాలకు దూరంగా ఉంటూ నామసంకీర్తనను ఆశ్రయించి భగవంతుడి అనుగ్రహం పొందాలనే ఆధ్యాత్మిక సందేశాన్ని అందించింది.

06/33

రథోత్సవం, అశ్వ వాహనసేవతో బ్రహ్మోత్సవాల వైభవం మరింత ఇనుమడించింది. ఉత్స‌వాల్లో భాగంగా బుధ‌వారం చ‌క్ర‌స్నానం కార్య‌క్ర‌మం నిర్వ‌హించ‌నున్నారు. ఈ మేర‌కు తిరుమ‌ల తిరుప‌తి దేవ‌స్థానం ఏర్పాట్లు పూర్తి చేసింది.