Uttam Kumar Reddy | ఆంధ్రోళ్ల‌కు అమ్ముడుపోయింది బీఆర్ ఎస్ వాళ్లే

Uttam Kumar Reddy | మాజీ మంత్రి హరీశ్రావు (Harish Rao) తన పేరులో గోబెల్స్ చేర్చుకోవాలని మంత్రి ఉత్తమ్ కుమార్ రెడ్డి (Uttam Kumar Reddy) సూచించారు. కాళేశ్వరం (Kaleshwaram) విషయంలో పదే పదే అబద్ధాలు మాట్లాడుతున్నారని దుయ్యబట్టారు. ఉత్తమ్ విలేకరులతో చిట్చాట్ మాట్లాడుతూ నీటిప్రాజెక్టుల (Irrigation Projects) విషయంలో హరీశ్రావు చేసిన వ్యాఖ్యలపై మండిపడ్డారు. తెలంగాణ ప్రజల తలలను తాకట్టు పెట్టి కాళేశ్వరం కట్టారని, అది కూలిపోయిందని అన్నారు. కాళేశ్వరం పేరుతో రాష్ట్రాన్ని సర్వనాశనం చేశారు. బీఆర్ఎస్ నాయకులు సిగ్గుతో తలవంచుకోవాలని చెప్పారు. రాష్ట్రంలో ఇప్పుడు నడుస్తున్న ప్రాజెక్టులు నిర్మించింది కాంగ్రెస్ పార్టీయేనని గుర్తు చేశారు. కాళేశ్వరం నుంచి ఐదేళ్లలో 70 టీఎంసీ మాత్రమే నీళ్లను ఉపయోగించారని పేర్కొన్నారు. హరీష్ రావు అతి తెలివితేటలు వాడటం ప్రజలు గమనిస్తున్నారని అన్నారు. కృష్ణా జలాల విషయంలో 2014 నుంచి 2020 వరకు అపెక్స్ కౌన్సిల్ భేటీలో కేసీఆరే సంతకాలు పెట్టారని అన్నారు. పాలమూరు, డిండి, SLBCలను కేసీఆర్ ఎందుకు పూర్తి చెయ్యలేదని ప్రశ్నించారు. కేసీఆర్, హరీష్ రావు బరితెగించి మాట్లాడుతున్నారని దుయ్యబట్టారు. కేసీఆర్ చేసిన అప్పులు తీర్చడానికి ఏడాదికి రూ. 20వేల కోట్లు కడుతున్నామని చెప్పారు. ముందు తెలంగాణ ప్రజలకు క్షమాపణ చెప్పాలని డిమాండ్ చేశారు. పాలమూరుకు ఇప్పటికీ పూర్తిగా పర్యావరణం అనుమతులు రాలేదని అన్నారు. పదేళ్ళ పాటు పాలమూరు పూర్తి చేయకుండా అక్కడి ప్రజలను మోసం చేసింది కేసీఆరేనని ఆరోపించారు. 90శాతం పనులు పూర్తి అయితే... ఒక్క ఎకరాకు నీళ్లు ఎందుకు ఇయ్యలేదని ప్రశ్నించారు. పాలమూరు మాత్రమే కాదు అన్ని ప్రాజెక్టులు తిరిగేందుకు తాము సిద్ధమని స్పష్టం చేశారు. 2020లో జరిగిన KRMB మీటింగ్లో 45 టీఎంసీలు తెలంగాణకు సరిపోతాయని కేసీఆర్ ఒప్పుకున్నారని చెప్పారు. కేసీఆర్ 34శాతం కావాలని అంటే... తాము వచ్చాక 70శాతం వాటా కావాలని లేఖ రాసామని తెలిపారు. కేసీఆర్, హరీష్ రావులు ద్రోహం, కుట్రలతో ఏపీ కి నీళ్లు అప్పగించారని ఆరోపించారు. వాళ్లిద్దరూ తీస్మార్ఖాన్లని అన్న ఆయన రాయలసీమ లిఫ్ట్ ఇరిగేషన్ లో ఏపీతో కుమ్మకై రోజుకు 3టీఎంసీ అప్పగించారని మండిపడ్డారు. రాయలసీమ లిఫ్ట్ ఇరిగేషన్ పనులను తాము అధికారంలోకి వచ్చాక ఆపించామని చెప్పారు. ఆంధ్రోళ్లకు అమ్ముడు పోయింది బీఆర్ఎస్ వాళ్లేనని అన్నారు. నీళ్లు, కాంట్రాక్టులు అన్నీ ఆంధ్రోళ్లకు అమ్మారని విమర్శించారు. కేసీఆర్ మాట్లాడితే కాంట్రాక్టర్ లు అంటున్నాడు... మొత్తం లెక్కలు తీస్తే అసలు విషయం తెలుస్తదని అన్నారు. కాంట్రాక్టర్ల కోసం కమిషన్లకు కక్కుర్తి పడి ఆపేక్స్ లో తక్కువ వాటాకు ఒప్పుకున్నారని ధ్వజమెత్తారు. అబద్దాలు మాట్లాడేందుకు హరీశ్ రావుకు నోరు ఎలా వస్తుందని ప్రశ్నించారు. నల్గొండ జిల్లాకు అన్యాయం చేసేందుకు కేసీఆర్ డిండికి అనుమతి ఇవ్వలేదని ఆరోపించారు.

Uttam Kumar Reddy | ఆంధ్రోళ్ల‌కు అమ్ముడుపోయింది బీఆర్ ఎస్ వాళ్లే

FOLLOW US

ట్యాగ్స్:

సంబంధిత వార్తలు

BRSLP | శాస‌న‌స‌భ‌లో బీఆర్ఎస్ఎల్పీ డిప్యూటీ ఫ్లోర్ లీడ‌ర్లు వీరే..

Harish Rao | రేవంతే జ‌ల‌ద్రోహి: హ‌రీశ్‌రావు

Harish Rao | మంత్రి ఉత్త‌మ్‌కుమార్ రెడ్డివి ఉత్త మాట‌లు: మాజీ మంత్రి హ‌రీశ్‌రావు

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Gig Workers Flash Strike | నేడే గిగ్ వ‌ర్క‌ర్ల దేశ‌వ్యాప్త మెరుపు స‌మ్మె.. ప్ర‌భావం ఎలా ఉండబోతుంది..?

Leo Horoscope | 2026లో సింహ రాశి వారికి అష్ట‌మ శ‌నితో పోరాటం..! చేయాల్సిన ప‌రిహారాలు ఇవే..!!

Damien Martyn | అత్యంత విష‌మంగా ఆస్ట్రేలియ‌న్ మాజీ క్రికెట‌ర్ ఆరోగ్యం.. ఐసీయూలో చికిత్స‌..

POPULAR LINKS

Horoscope | డిసెంబ‌ర్ 31 రాశిఫ‌లాలు.. ఈ రాశి వారికి ఊహించ‌ని ఖ‌ర్చులు..!

Jio Small Data Packs | జియోలో రూ.30 లోపు ల‌భిస్తున్న ప్లాన్లు ఇవే.. వీటితో ఏమేం బెనిఫిట్స్ వ‌స్తాయంటే..?