Venezuelan Oil | భారత్‌కు వెనిజులా ముడి చమురు.. అమెరికా నియంత్రణలోనే విక్రయాలు!

Venezuelan Oil | వెనిజులా ఇప్పుడు అమెరికా చేతుల్లో ఉంది. వెనిజులా అధ్యక్షుడిని బందీగా చేసుకొని యూఎస్ ప్రెసిడెంట్ ట్రంప్ గేమ్స్ ఆడుతున్నాడు. అమెరికా ఆంక్షల కారణంగా వెనిజులా చమురు వాణిజ్యం నిలిచిపోయింది. దీని వల్ల వెనిజులా ఆర్థిక వ్యవస్థ కూడా అతలాకుతలం అయింది. మరోవైపు రష్యా నుంచి ఛీప్ ఆయిల్ కొనుగోలు చేయొద్దని.. వెనిజులా ఆయిల్ కొనుగోలు చేయాలన్నట్లుగా యూఎస్ సర్కారు భారత్కి ఇన్డైరెక్ట్గా హెచ్చరికలు జారీ చేసింది. రష్యా నుంచి కొనుగోలు ఆపకపోతే 500 శాతం టారిఫ్ విధిస్తామని కూడా బెదిరిస్తున్న నేపథ్యంలో ఇందన అవసరాల కోసం భారత్.. వెనిజులా నుంచి ముడి చమురును కొనుగోలు చేయడానికి సిద్ధంగా ఉంటే, తాము అమ్మడానికి రెడీ అని వైట్ హౌస్ తాజాగా ప్రకటించింది. అయితే.. యూఎస్ సర్కారు తీసుకొచ్చిన సరికొత్త నియంత్రణ చట్రం ( US controlled framework) ద్వారానే జరుగుతుందని ట్రంప్ సర్కారు స్పష్టం చేసింది. అమెరికా నియంత్రణలోనే విక్రయాలు జరుగుతాయని యూఎస్ ఇంధన శాఖ కార్యదర్శి క్రిస్టోఫర్ రైట్ ధృవీకరించారు. వెనిజులా చమురు ప్రపంచ మార్కెట్లలోకి తిరిగి వెళ్లేలా తాము అనుమతిస్తామని, అమ్మకాల పర్యవేక్షణ మాత్రం యూఎస్ చేతుల్లోనే ఉంటుందన్నారు. చమురు అమ్మకాల ద్వారా వచ్చే డబ్బు కూడా నేరుగా యూఎస్ నియంత్రణలోని ఖాతాల్లోకే చేరుతుందన్నారు. దాని వల్ల ఆ నిధులు ఎక్కడా అక్రమ మార్గంలోకి వెళ్లకుండా వెనిజులా ప్రజల సంక్షేమానికి ఉపయోగపడేలా చూస్తామని క్రిస్టోఫర్ హామీ ఇచ్చారు. ప్రస్తుతం నిల్వ ఉన్న చమురును విక్రయించేందుకే అమెరికా ఆంక్షల వల్ల వెనిజులా చమురు నిల్వలు అలాగే ఉండిపోయాయి. ఉత్పత్తి కూడా ఆగిపోయింది. ప్రస్తుతం వెనిజులాలో 30 నుంచి 50 మిలియన్ బ్యారెళ్ల చమురు నిల్వలు ఉన్నాయి. వాటిని ఎలాగైనా ప్రపంచదేశాలకు అమ్మి తద్వారా ఆదాయ మార్గాలు పెంచుకోవాలని యూఎస్ ప్రయత్నాలు చేస్తోంది. అందుకే వెనిజులా చమురు రంగాన్ని పునరుద్ధరించడం కోసం పెద్ద ఆయిల్ కంపెనీలు 100 బిలియన్ డాలర్ల పెట్టుబడులను అక్కడ పెట్టేందుకు సిద్ధంగా ఉన్నాయని డొనాల్డ్ ట్రంప్ ప్రకటించాడు. భారత్కి కలిగే ప్రయోజనం ఏంటి? ఒకప్పుడు వెనిజులా నుంచే ముడి చమురును భారత్ దిగుమతి చేసుకునేది. భారత్లో ఉన్న రిలయన్స్ రిఫైనరీ కంపెనీలు వెనిజులా నుంచి దిగుమతి అయ్యే బరువైన ముడి చమురును శుద్ది చేసేందుకు అనుకూలంగా ఉంటాయి. ఓవైపు రష్యా చమురు కొనుగోలుపై ఆంక్షల ఒత్తిడి పెరుగుతున్న నేపథ్యంలో వెనిజులా నుంచి చమురు దిగుమతి చేసుకునే అవకాశం లభిస్తే భారత్కి ఇంధన వనరులను వైవిధ్యపరుచుకోవడానికి ఇది గొప్ప అవకాశం అనే చెప్పుకోవచ్చని చమురు నిపుణులు చెబుతున్నారు. అమెరికా ప్రకటనపై రిలయన్స్ సంస్థ కూడా స్పందించింది. నిబంధనలకు అనుగుణంగా చమురు కొనుగోలు చేసే అంశంపై పరిశీలన చేస్తామని స్పష్టం చేసింది. యూఎస్ అధికారులు కూడా చమురు విక్రయాల విధివిధానాలను రూపొందిస్తున్నారు.