Khanapur Municipality | ఖానాపూర్ మున్సిపాలిటీ బీజేపీదే.. బీఆర్ఎస్ మ‌ద్ద‌తుతో కైవ‌సం

త్రినేత్ర‌.న్యూస్‌: నిర్మల్‌ జిల్లా ఖానాపూర్‌ మున్సిపల్‌ (Khanapur Muncipality) ఛైర్మన్‌ (Chairman) ఎన్నిక నిన్న జ‌ర‌గాల్సి ఉండ‌గా నేటికి వాయిదా ప‌డింది. దీంతో ఎప్పుడెప్పుడా అని ఎదురు చూస్తున్న‌ ఉత్కంఠకు తెర దించారు. బీఆర్ఎస్ స‌పోర్ట్‌ (BRS support) తో ఛైర్‌పర్సన్‌గా భాజపా (BJP) అభ్యర్థి అంకం మౌనిక (Mounika) ఎన్నికైంది. ఆమెకు మ‌ద్ద‌తుగా భాజపా-బీఆర్‌ఎస్‌ కౌన్సిలర్లు చేతులెత్తగా ఎన్నిక సుఖాంత‌మైంది. కాగా వైఎస్‌ ఛైర్మన్‌గా బీఆర్‌ఎస్‌ అభ్యర్థి మహ్మద్‌ సోయల్ (Mahammad Soyal) ను ఎన్నుకున్నారు.

ఖానాపూర్‌ మున్సిపాలిటీలో మొత్తం 12 కౌన్సిలర్‌ స్థానాలుండ‌గా బీఆర్‌ఎస్‌ 4, భాజపా 4, కాంగ్రెస్‌ 3, స్వతంత్రులు ఒక స్థానాల్లో విజ‌యం సాధించారు. స్వతంత్ర అభ్యర్థితో పాటు ఎక్స్‌ అఫీషియో ఓటుతో కాంగ్రెస్‌ బలం ఐదుకు చేరుకుంది. ఈ క్ర‌మంలో కాషాయ పార్టీకి బీఆర్‌ఎస్‌ మద్దతు తెలిపింది. దీంతో ఎన్నిక లాంఛ‌న‌మైంది. ఈ నేప‌థ్యంలో ఎమ్మెల్యే వెడ్మ బొజ్జుకు పరాభవం త‌ప్ప‌లేదు.