Santhosh Kumar Joginipally | రాష్ట్ర ప్ర‌జ‌ల‌కు శుభాకాంక్ష‌లు.. కేసీఆర్‌కు ప్ర‌త్యేక వంద‌నాలు: మాజీ ఎంపీ సంతోష్‌కుమార్ ట్వీట్‌

Santhosh Kumar Joginipally | త్రినేత్ర‌.న్యూస్‌: బీఆర్ఎస్ (BRS) పార్టీ ఆవిర్భావ దినోత్స‌వం (Formation Day) సంద‌ర్భంగా రాజ్యసభ మాజీ సభ్యుడు సంతోష్ కుమార్ జోగినిపల్లి రాష్ట్ర ప్ర‌జ‌ల‌కు శుభాకాంక్ష‌లు తెలియ‌జేశారు. బీఆర్ఎస్ పార్టీ స్థాపనకు 25 సంవత్సరాలు పూర్తైన సందర్భంగా పార్టీ సభ్యులు, మద్దతుదారులందరికీ విషెస్ చెబుతూ ట్వీట్ చేశారు. ఆవిర్భావ‌ దినోత్సవాన్ని పురస్కరించుకుని సంతోష్ కుమార్ ఒక మొక్కను నాటారు.

 

కేసీఆర్ అచంచ‌ల సంక‌ల్పం వ‌ల్లే తెలంగాణ‌..

2001లో ప్రారంభమైన బీఆర్ఎస్ ప్రయాణం తెలంగాణ రాష్ట్ర సాధనలో కీలక పాత్ర పోషించిందని ఆయన పేర్కొన్నారు. తెలంగాణ రాష్ట్ర సాధనలో విశిష్ట పాత్ర పోషించిన పార్టీ అధినేత కేసీఆర్ ప్రత్యేకంగా ధ‌న్య‌వాదాలు తెలిపారు. కేసీఆర్ దూరదృష్టి నాయకత్వం, అచంచల సంకల్పం వల్లే ఈరోజు తెలంగాణ రాష్ట్ర క‌ల సాకార‌మైంద‌ని కొనియాడారు. ప్రజల పట్ల ఆయన నిబద్ధత సమాజంలో అభివృద్ధి, ఆత్మగౌరవం, ఐక్యతకు మార్గదర్శకమైందని చెప్పారు.

ప‌చ్చ‌ని భ‌విష్య‌త్ కోసం ఒక మొక్క‌..

ఈ ఆవిర్భావ‌ దినోత్సవాన్ని పురస్కరించుకుని సంతోష్ కుమార్ ఒక మొక్కను నాటారు. పచ్చని, ఆరోగ్యకరమైన భవిష్యత్తు కోసం ఇది ఒక చిన్న అడుగు అని ఆయ‌న‌ పేర్కొన్నారు. ప్రకృతి పట్ల ప్రేమను పెంపొందించుకోవాలని సూచించారు. పర్యావరణ పరిరక్షణ మన అందరి బాధ్యత అని మ‌రోమారు గుర్తు చేశారు. తెలంగాణ ఆత్మతో ముందుకు సాగుతూ, స్థిరమైన అభివృద్ధి, సౌహార్దం, శ్రేయస్సు సాధించాలని ఆయన ఆకాంక్షించారు. ఈ సంద‌ర్భంగా ఆయ‌న “జై తెలంగాణ” అంటూ నిన‌దించారు.