UPI Transaction Charges | కేంద్రం రహస్యంగా తలుపులు తెరిచింది

రూ.2,000 దాటిన యూపీఐ పేమెంట్స్‌పై ఛార్జీలు విధించేందుకు కేంద్రం రహస్యంగా తలుపులు తెరిచిందని రాహుల్ గాంధీ ఆరోపించారు. అసలు ప్రభుత్వ లెక్కేంటి? పూర్తి వివరాలు!

Jagadeesh

National | Published On Sep 15, 2026, 3.12 pm IST

UPI Transaction Charges | కేంద్రం రహస్యంగా తలుపులు తెరిచింది

సంక్షిప్త సారాంశం

రూ.2,000 వరకు జరిగే యూపీఐ లావాదేవీలు, రూపే డెబిట్ కార్డుల చెల్లింపులపై ఎలాంటి రుసుము వసూలు చేయవద్దని బ్యాంకులను కేంద్ర ప్రభుత్వం ఆదేశించింది. అయితే, రూ.2,000 పైబడిన మర్చంట్ లావాదేవీలపై ఎండీఆర్ (MDR) రుసుము విధించేందుకు కేంద్రం రంగం సిద్ధం చేసిందని ప్రతిపక్ష నేత రాహుల్ గాంధీ ఆరోపించారు. వ్యాపారులపై ఈ రుసుము విధిస్తే, అంతిమంగా వస్తువుల ధరలు పెంచి సామాన్య ప్రజల జేబుల నుంచే వసూలు చేస్తారని కాంగ్రెస్ విమర్శించింది. సైబర్ సెక్యూరిటీ పటిష్టత, డిజిటల్ మౌలిక సదుపాయాల నిర్వహణ, స్వయం సమృద్ధి కోసమే యూపీఐ ఫ్రేమ్‌వర్క్‌లో మార్పులు తెచ్చినట్లు కేంద్ర వర్గాలు స్పష్టం చేశాయి.

యూపీఐ లావాదేవీలపై ఛార్జీల బాదుడు మొదలవుతోందా?
కేంద్రం తాజా నిర్ణయంపై రాహుల్ గాంధీ ఫైర్

UPI Transaction Charges | త్రినేత్ర.న్యూస్ : దేశంలో అత్యంత ఆదరణ పొందిన డిజిటల్ చెల్లింపుల వ్యవస్థ 'యూపీఐ' (UPI) లావాదేవీలపై కేంద్ర ప్రభుత్వం తీసుకున్న నిర్ణయం ఇప్పుడు దేశవ్యాప్తంగా తీవ్ర రాజకీయ దుమారానికి దారితీసింది. రూ.2,000 వరకు జరిగే యూపీఐ లావాదేవీలు, రూపే డెబిట్ కార్డుల ద్వారా చేసే పేమెంట్స్‌పై ఎలాంటి రుసుములు వసూలు చేయవద్దని బ్యాంకులు, పేమెంట్ సర్వీస్ ప్రొవైడర్లకు కేంద్రం స్పష్టమైన ఆదేశాలు జారీ చేసింది. అయితే, రూ.2,000 దాటిన లావాదేవీలపై వ్యాపారుల నుంచి ఎండీఆర్ (Merchant Discount Rate - MDR) వసూలు చేసేందుకు కేంద్రం రహస్యంగా తలుపులు తెరిచిందంటూ లోక్‌సభ ప్రతిపక్ష నేత రాహుల్ గాంధీ తీవ్ర స్థాయిలో విరుచుకుపడ్డారు.

అంతిమంగా భారం పడేది సామాన్యుడిపైనే: రాహుల్ గాంధీ

కేంద్రం జారీ చేసిన నోటిఫికేషన్‌పై 'ఎక్స్' వేదికగా స్పందించిన రాహుల్ గాంధీ.. ప్రధాని నరేంద్ర మోదీపై తీవ్ర ఆరోపణలు చేశారు. "యూపీఐపై ఛార్జీలు విధించేందుకు మోదీ ప్రభుత్వం దొడ్డిదారిన ప్రణాళిక వేసింది. రూ.2,000 దాటిన మర్చంట్ లావాదేవీలపై ఇకపై ఎండీఆర్ విధించవచ్చు. లావాదేవీల సంఖ్య పరంగా ఇవి కేవలం 5 శాతమే కావొచ్చు, కానీ మొత్తం యూపీఐ లావాదేవీల విలువలో ఇవి ఏకంగా 65 శాతం వాటాను కలిగి ఉన్నాయి" అని రాహుల్ వివరించారు.

కస్టమర్ల నుంచి ఎలాంటి ఛార్జీలు తీసుకోమని ప్రభుత్వం చెబుతున్నప్పటికీ, వ్యాపారులపై పడే ఈ రుసుముల భారం చివరకు వస్తువుల ధరల రూపంలో నేరుగా సామాన్య వినియోగదారుడి జేబుల నుంచే పోతుందని ఆయన స్పష్టం చేశారు. భారత్‌లో జీరో-ఎండీఆర్ (Zero-MDR) విధానాన్ని వ్యతిరేకిస్తూ వచ్చిన అమెరికన్ పేమెంట్ కంపెనీల ఒత్తిళ్లకు ప్రధాని మోదీ తలొగ్గారని రాహుల్ విమర్శించారు. మరోవైపు, కాంగ్రెస్ అధ్యక్షుడు మల్లికార్జున ఖర్గే కూడా ఈ నిర్ణయంపై ఆగ్రహం వ్యక్తం చేస్తూ.. ఇది సామాన్యుడిపై వేస్తున్న సరికొత్త 'డిజిటల్ పేమెంట్స్ టాక్స్' అని అభివర్ణించారు.

కేంద్రం అసలు ఉద్దేశం ఏమిటి?

గతంలో యూపీఐ పేమెంట్ ఎంత పెద్ద మొత్తమైనా సరే, ఎలాంటి రుసుము ఉండేది కాదు. అయితే, పేమెంట్ అండ్ సెటిల్‌మెంట్ సిస్టమ్స్ చట్టం-2007లోని సెక్షన్ 10Aకి ఇటీవల చేసిన సవరణల ద్వారా యూపీఐ ఆధారిత ఎలక్ట్రానిక్ చెల్లింపులపై ఎండీఆర్ విధించే వెసులుబాటు కల్పించారు. దీనిపై నేషనల్ పేమెంట్స్ కార్పొరేషన్ ఆఫ్ ఇండియా (NPCI) ఆధ్వర్యంలోని స్టీరింగ్ కమిటీ త్వరలోనే స్పష్టమైన రేట్లను నిర్ణయించనుంది.

ఈ నిర్ణయానికి గల కారణాలను వివరిస్తూ.. దేశంలో యూపీఐ లావాదేవీల సంఖ్య విపరీతంగా పెరిగిపోయిందని, సైబర్ సెక్యూరిటీని బలోపేతం చేయడానికి, ఫ్రాడ్ కంట్రోల్ చర్యలకు, సాంకేతిక మౌలిక సదుపాయాల ఆధునికీకరణకు నిరంతరం నిధులు అవసరమని ప్రభుత్వ వర్గాలు తెలిపాయి. కేవలం ప్రభుత్వ సబ్సిడీలపైనే ఆధారపడటం దీర్ఘకాలంలో సాధ్యం కాదని, మార్కెట్ విస్తరణ, స్వయం సమృద్ధి కోసమే సమతుల్యమైన రెవెన్యూ మోడల్‌ను రూపొందిస్తున్నట్లు స్పష్టం చేశాయి.

मोदी सरकार ने चुपचाप UPI पर फ़ीस लगाने का रास्ता खोल दिया है।

अब ₹2,000 से ऊपर के merchant UPI लेन-देन पर MDR लगाया जा सकता है। इन ट्रांजैक्शंस की संख्या भले ही सिर्फ़ 5% हो, लेकिन UPI के कुल transaction value का करीब 65% इन्हीं में है।

सरकार कहती है कि ग्राहक से कोई फ़ीस नहीं…

— Rahul Gandhi (@RahulGandhi) September 15, 2026

Find us on