wedding | ఫ్రాన్స్ అబ్బాయితో అల్మోరా అమ్మాయి గ్రాండ్ వెడ్డింగ్‌

wedding | ఫ్రాన్స్ (France) దేశానికి చెందిన అబ్బాయితో ఉత్త‌రాఖండ్ అల్మోరా (Almora)కు చెందిన ఓ అమ్మాయికి గ్రాండ్‌గా వెడ్డింగ్ జ‌రిగింది. ఉత్తరాఖండ్ (Uttarakhand)కు చెందిన శ్రీపూర్ణ జోషి (Shreepurna Joshi) ఫ్రాన్స్‌లో ఉద్యోగం చేస్తోంది. అక్క‌డ ఒహేల్వై (Ohelail) అనే యువ‌కుడితో ప‌రిచయం ఏర్ప‌డింది. ఆ ప‌రిచ‌యం కాస్తా ప్రేమ‌కు దారి తీసింది. కొన్ని రోజులు ప్రేమించుకున్న ఈ జంట‌.. కుటుంబ స‌భ్యుల అంగీకారంతో వివాహ బంధంతో ఒక్క‌టైంది.

వీరి వివాహం అల్మోరాలో హిందూ సంప్ర‌దాయం (Hindu traditions) ప్ర‌కారం అంగ‌రంగ వైభ‌వంగా జ‌రిగింది. అల్మోరాలోని ప్రసిద్ధ పర్యాటక ప్రాంతమైన కౌసార్ దేవి రిసార్ట్‌లో ఈ వేడుక జరిగింది. ఈ వేడుక‌కు వ‌రుడి కుటుంబ స‌భ్యులు, ఫ్రెండ్స్ కూడా వ‌చ్చారు. ఇరు కుటుంబ స‌భ్యులు, బంధు మిత్రుల స‌మక్షంలో ఈ జంట మూడు ముళ్ల బంధంతో ఒక్క‌టైంది. ఇందుకు సంబంధించిన ఫొటోలు, వీడియోలు వైర‌ల్‌గా మారాయి. ఈ ఫొటోలు చూసిన ప‌లువురు కొత్త జంట‌కు శుభాకాంక్ష‌లు చెబుతున్నారు.