Sunil Kanugolu | కాంగ్రెస్ వ్యూహకర్తగా సునీల్ కనుగోలు కంటిన్యూ.. దళపతి విజయ్ స్ట్రాటజిస్ట్ ఎంట్రీపై క్లారిటీ

• కాంగ్రెస్ పార్టీ ఎలక్షన్ స్ట్రాటజీని పర్యవేక్షించనున్న సునీల్ కనుగోలు బృందం
• ప్రస్తుతం పంజాబ్, గోవా రాష్ట్రాల్లో ఎన్నికల వ్యూహాలపై పనిచేస్తున్న కనుగోలు టీమ్
• తమిళనాడులో టీవీకే అధినేత, సీఎం విజయ్‌ వ్యూహకర్త జాన్ ఆరోకియాసామి కాంగ్రెస్‌తో కలుస్తారన్న ప్రచారం అవాస్తవం
• ఈ మేరకు సీనియర్ కాంగ్రెస్ నేతలు ఈ రూమర్లపై స్పష్టత

Sunil Kanugolu | త్రినేత్ర.న్యూస్ : కాంగ్రెస్ పార్టీ రాబోయే ఎన్నికల వ్యూహాల కోసం తమ పాత వ్యూహకర్తనే నమ్ముకుంది. పార్టీ ఎలక్షన్ స్ట్రాటజీ (Election Strategy) బాధ్యతలను సునీల్ కనుగోలు (Sunil Kanugolu) టీమ్‌కే మళ్లీ అప్పగించినట్లు స్పష్టమవుతోంది. ఆయన స్థానంలోకి కొత్త స్ట్రాటజిస్ట్ వస్తున్నారంటూ జరుగుతున్న ప్రచారానికి కాంగ్రెస్ సీనియర్ నేతలు చెక్ పెట్టారు.

ప్రస్తుతం సునీల్ కనుగోలు బృందం పంజాబ్, గోవా రాష్ట్రాల్లో పార్టీ బలోపేతంపై ఫోకస్ పెట్టింది. ఆయా రాష్ట్రాల్లో రాబోయే ఎన్నికల కోసం గ్రౌండ్ లెవెల్‌లో సర్వేలు, క్యాంపెయిన్ ప్లానింగ్ వంటి కీలక పనుల్లో ఈ టీమ్ (Team) యాక్టివ్‌గా పనిచేస్తోంది.

ఇదిలా ఉంటే.. తమిళనాడులో దళపతి విజయ్‌కు చెందిన టీవీకే (TVK) పార్టీకి వ్యూహకర్తగా వ్యవహరిస్తున్న జాన్ ఆరోకియాసామి (John Arokiasamy) కాంగ్రెస్‌లో చేరబోతున్నారంటూ గత కొన్ని రోజులుగా జోరుగా ప్రచారం జరిగింది. గ్రాండ్ ఓల్డ్ పార్టీకి ఆయనే కొత్త స్ట్రాటజిస్ట్‌గా వస్తున్నారని ఊహాగానాలు వినిపించాయి.

అయితే, ఈ వార్తలను కాంగ్రెస్ (Congress) సీనియర్ నాయకులు పూర్తిగా కొట్టిపారేశారు. ఆ ప్రచారంలో ఏమాత్రం వాస్తవం లేదని, అవన్నీ ఫేక్ న్యూస్ (Fake news) అని తేల్చి చెప్పారు. పార్టీ ప్రధాన వ్యూహకర్తగా సునీల్ కనుగోలు మాత్రమే కొనసాగుతారని, వేరే వారిని తీసుకునే ఆలోచన లేదని వారు స్పష్టం చేశారు.