Sudarsan Pattanaik Sand Art on Earth Hour | ఎర్త్ అవర్‌కి 20 ఏళ్లు: పూరీ బీచ్‌లో సుదర్శన్ పట్నాయక్ అద్భుత సైకత శిల్పం

• ఎర్త్ అవర్ (Earth Hour) 20వ వార్షికోత్సవం
• ఒడిశాలోని పూరీ బీచ్‌లో సుదర్శన్ పట్నాయక్ ప్రత్యేక సైకత శిల్పం
• డబ్ల్యూడబ్ల్యూఎఫ్-ఇండియా (WWF-India) భాగస్వామ్యంతో ఈ ఆర్ట్ రూపకల్పన
• 2007లో ఆస్ట్రేలియాలోని సిడ్నీలో ప్రారంభమైన ఎర్త్ అవర్ ప్రయాణం
• మార్చి 28 న రాత్రి 8:30 నుంచి 9:30 గంటల వరకు అనవసర లైట్లు ఆర్పివేసి భూమిపై ప్రేమను చాటుకోవాలని విజ్ఞప్తి

Sudarsan Pattanaik Sand Art on Earth Hour | త్రినేత్ర.న్యూస్ : వాతావరణ మార్పులపై ప్రపంచవ్యాప్తంగా అవగాహన పెంచుతున్న 'ఎర్త్ అవర్' (Earth Hour) విజయవంతంగా 20 ఏళ్లు పూర్తి చేసుకుంది. ఈ సందర్భాన్ని పురస్కరించుకుని ప్రముఖ సైకత శిల్పి సుదర్శన్ పట్నాయక్ ఒడిశాలోని పూరీ సముద్ర తీరంలో ఒక ప్రత్యేకమైన సైకత శిల్పాన్ని రూపొందించారు. గత రెండు దశాబ్దాలుగా పర్యావరణ పరిరక్షణ కోసం సాగుతున్న ఈ గ్లోబల్ ఉద్యమ ప్రయాణాన్ని తన అద్భుతమైన కళాకృతి ద్వారా ఆయన ఆవిష్కరించారు.

2007 సిడ్నీ నుంచి 190 దేశాల వరకు

ఈ సందర్భంగా సుదర్శన్ పట్నాయక్ తన ఎక్స్ ఖాతాలో ట్వీట్ చేశారు. "ఎర్త్ అవర్ 20 వసంతాలు పూర్తి చేసుకుంటోంది. 2007లో సిడ్నీలో ప్రారంభమైన ఈ ప్రయాణం, 2026 నాటికి ప్రపంచం నలుమూలలా ఎలా విస్తరించిందో తెలిపేందుకే ఈ కళాకృతిని రూపొందించాం. నా కళ ద్వారా నేను చేసే ఒక చిన్న విజ్ఞప్తి ఏమిటంటే.. మార్చి 28 న రాత్రి 8.30 నుంచి 9.30 గంటల వరకు ప్రతి ఒక్కరూ తమ ఇళ్లలోని అనవసర లైట్లను ఆర్పివేయాలి" అని కోరారు. డబ్ల్యూడబ్ల్యూఎఫ్-ఇండియా (WWF-India) భాగస్వామ్యంతో తాను ఈ శిల్పాన్ని తీర్చిదిద్దినట్లు తెలిపారు.

భూమి కోసం ఒక గంట

మనం నివసిస్తున్న ఈ భూమి పట్ల మన బాధ్యతను నెరవేర్చాలని సుదర్శన్ పట్నాయక్ పిలుపునిచ్చారు. "లైట్లు ఆర్పివేద్దాం.. భూమి పట్ల మన నిబద్ధతను చాటుకుందాం. ఈరోజు రాత్రి 8:30 నుంచి 9:30 గంటల వరకు మాతో చేరండి, భూమి కోసం ఒక గంటను కేటాయించండి" అని ఆయన ప్రజలందరినీ కోరారు.

Celebrating 20 years of #EarthHour with my sand art at Puri Beach .
In collaboration with @WWFINDIA , this artwork reflects the journey of Earth Hour—from Sydney in 2007 to a global movement across 190+ countries, inspiring climate action worldwide.
Let’s switch off the lights… pic.twitter.com/wO5vJoDyrl

— Sudarsan Pattnaik (@sudarsansand) March 28, 2026