Rahul Gandhi on Fuel Hike | ఎన్నికలవగానే జేబులకు చిల్లులు.. మోదీ ‘ఇన్‌ఫ్లేషన్ మ్యాన్’: పెట్రోల్ ధరల పెంపుపై రాహుల్ ఫైర్

Rahul Gandhi on Fuel Hike | త్రినేత్ర.న్యూస్ : ఎన్నికల హడావిడి ముగియగానే సామాన్యుడిపై ధరల భారం పడుతోంది. సోమవారం ఉదయం ప్రభుత్వ చమురు సంస్థలు (OMCs) మరోసారి పెట్రోల్, డీజిల్ ధరలను భారీగా పెంచడంతో.. కాంగ్రెస్ అగ్రనేత, లోక్‌సభ ప్రతిపక్ష నాయకుడు రాహుల్ గాంధీ కేంద్రంపై, ముఖ్యంగా ప్రధాని నరేంద్ర మోదీపై తీవ్ర స్థాయిలో విరుచుకుపడ్డారు. కేవలం పది రోజుల వ్యవధిలోనే ఏకంగా నాలుగు సార్లు ఇంధన ధరలు పెరగడంపై ఆగ్రహం వ్యక్తం చేస్తూ, ప్రధానిని "ఇన్‌ఫ్లేషన్ మ్యాన్" (Mehangai Maanav - ద్రవ్యోల్బణ మనిషి) అంటూ తన ఎక్స్ ఖాతాలో సెటైర్లు వేశారు.

ఇన్‌స్టాల్‌మెంట్లలో జేబులు గుల్ల చేస్తున్నారు

"మెహంగాయ్ మానవ్ మోదీ మరోసారి దాడికి దిగారు. సామాన్యుల జేబులను గుల్ల చేసేందుకు ఇన్‌స్టాల్‌మెంట్లలో (Installments) పెట్రోల్, డీజిల్ ధరలు పెంచుతున్నారు" అని రాహుల్ ఆరోపించారు. దేశం మీదికి రాబోయే ఆర్థిక సంక్షోభం (Economic storm) గురించి తాను నెలల క్రితమే హెచ్చరించానని, కానీ మోదీ మాత్రం ఎన్నికల ప్రచారంలో బిజీగా ఉన్నారని విమర్శించారు. తీరా ఎన్నికలు ముగియగానే సామాన్యుడిపై ఏకంగా రూ.8 మేర భారం మోపారని మండిపడ్డారు.

"ఈ ధరల పెంపు ఇలాగే కొనసాగుతుంది. ఎన్నికల సమయంలో పెద్ద పెద్ద హామీలు గుప్పించడం, ఆ తర్వాత ప్రజల జేబులపై దాడులు చేయడమే మోదీ పని" అని రాహుల్ ఘాటుగా వ్యాఖ్యానించారు.

అదే బాటలో ఖర్గే విమర్శలు

మరోవైపు కాంగ్రెస్ జాతీయ అధ్యక్షుడు మల్లికార్జున్ ఖర్గే కూడా కేంద్రం తీరును తప్పుబట్టారు. ఇంధన దోపిడీ (Fuel Loot) ఇంకా ముగియలేదన్నారు. "బీజేపీ చేస్తున్న ఈ దోపిడీ వల్ల రైతుల నుంచి చిన్న, సూక్ష్మ పరిశ్రమల (MSMEs) వరకు ప్రతి వర్గం ఇబ్బందులు పడుతోంది. పెట్రోల్ ధరలు పెరిగిన ప్రతిసారీ అది నేరుగా సామాన్యుల ఇంటి బడ్జెట్‌పై తీవ్ర ప్రభావం (Cascading effect) చూపుతుంది" అని ఆవేదన వ్యక్తం చేశారు.

10 రోజుల్లోనే రూ.8 పెంపు.. ఎలాగంటే?

కేవలం పది రోజుల వ్యవధిలోనే చమురు ధరలు పెరగడం ఇది నాలుగోసారి. వరుస పెంపుల వివరాలు ఇలా ఉన్నాయి.

మే 15: పెట్రోల్, డీజిల్‌పై లీటర్‌కు రూ.3 పెంపు.

మే 19: లీటర్‌కు 90 పైసల పెంపు.

మే 23: పెట్రోల్‌పై 87 పైసలు, డీజిల్‌పై 91 పైసల పెంపు.

తాజాగా (సోమవారం): పెట్రోల్‌పై రూ.2.61, డీజిల్‌పై రూ.2.71 పెంపు.

ధరలు ఎందుకు పెరుగుతున్నాయి?

అంతర్జాతీయంగా ముడి చమురు (Global crude oil) ధరలు పెరగడం, డాలర్‌తో రూపాయి మారకపు విలువల హెచ్చుతగ్గులు, అలాగే పశ్చిమాసియా (West Asia)లో కొనసాగుతున్న ఉద్రిక్తతల కారణంగా ఆయిల్ సప్లై చైన్‌లో ఆటంకాలు తలెత్తుతున్నాయని మార్కెట్ వర్గాలు చెబుతున్నాయి.

కారణాలు ఏమైనప్పటికీ.. ఈ వరుస పెంపుల వల్ల దేశంలో రవాణా (Logistics & Transportation) ఖర్చులు అమాంతం పెరిగిపోయి, నిత్యావసరాల ధరలు (Retail inflation) మరింత భగ్గుమనే ప్రమాదం ఉందని ఆర్థిక నిపుణులు విశ్లేషిస్తున్నారు.

महंगाई मानव मोदी का फिर से हमला।

पेट्रोल-डीज़ल के दाम किश्तों में बढ़ाते हैं - ताकि चुपके-चुपके आपकी जेब कटती रहे।

मैं महीनों से आर्थिक तूफान आने की बात कह रहा था। पर मोदी जी तब हमेशा की तरह चुनाव में व्यस्त थे - और चुनाव खत्म होते ही पेट्रोल-डीजल ₹8 महंगा कर दिया।

और, ये…

— Rahul Gandhi (@RahulGandhi) May 25, 2026