Noida Airport | జేవార్ ఎయిర్‌పోర్ట్ ప్రారంభోత్స‌వానికి స‌న్నాహాలు.. హాజ‌రుకానున్న ప్ర‌ధాని మోదీ..!

Noida Airport | ఉత్త‌ర‌ప్ర‌దేశ్‌లో కొత్త‌గా నిర్మించిన నోయిడా ఇంట‌ర్నేష‌న‌ల్ ఎయిర్‌పోర్టును ప్ర‌ధాని న‌రేంద్ర మోదీ అధికారికంగా ప్రారంభించ‌నున్నారు. మార్చి 28, 29 తేదీల్లో ప్రారంభోత్స‌వానికి స‌న్నాహాలు చేస్తున్న‌ట్లు అధికార వ‌ర్గాలు తెలిపాయి. అనంత‌రం బ‌హిరంగ‌స‌భ‌లో ప్ర‌ధాని పాల్గొంటార‌ని చెప్పాయి. కార్య‌క్ర‌మానికి హాజ‌ర‌య్యే అతిథుల కోసం అడిష‌న‌ల్ క‌మిష‌న‌ర్ రాజీవ్ మిశ్రా స‌హా ఇత‌ర అధికారులు ఎయిర్‌పోర్ట్ ప్రాంగ‌ణాన్ని ప‌రిశీలించి, ప్రారంభోత్సవ సన్నాహకాలను అంచనా చేశారు.

జిల్లా మేజిస్ట్రేట్ మెధా రూపం ప్రారంభోత్సవానికి సంబంధించి పర్యావరణ కమిటీ సమావేశాన్ని నిర్వహించారు. స‌భ కోసం జర్మన్‌ శైలి హ్యాంగర్ నిర్మాణ పనులు ఇప్పటికే ప్రారంభమయ్యాయి. ఈ హ్యాంగర్‌లో సభ జ‌రుగుతుంది. ఇదిలా ఉండ‌గా.. ఈ ఎయిర్‌పోర్ట్ నుంచి తొలి ద‌శ‌లో బెంగ‌ళూరు, ముంబ‌యి, కోల్‌క‌తాకు స‌ర్వీసులు న‌డువ‌నున్నాయి. ఇండిగో, ఎయిర్ ఇండియా ఎక్స్‌ప్రెస్ విమాన సేవ‌లు ప్రారంభంపై చ‌ర్చ‌లు జ‌రిపారు. తొలి ద‌శ‌లో జేవార్ ఎయిర్‌పోర్ట్ నుంచి సుమారు ప‌ది న‌గ‌రాల‌కు స‌ర్వీసుల‌ను ప్రారంభించేందుకు ఏర్పాట్లు జ‌రుగుతున్నాయి.