NEET UG 2026 Re-Exam | నీట్ రీ-ఎగ్జామ్ పూర్తి : ఫిజిక్స్ టఫ్.. బయాలజీ ఈజీ.. విద్యార్థుల కోసం ప్రధాని మోదీ ఆసక్తికర నిర్ణయం

NEET UG 2026 Re-Exam | త్రినేత్ర.న్యూస్ : దేశవ్యాప్తంగా ఆదివారం మధ్యాహ్నం 2 గంటల నుంచి సాయంత్రం 5:15 వరకు జరిగిన నీట్ యూజీ 2026 రీ-ఎగ్జామ్ ప్రశాంతంగా ముగిసింది. మే 3న జరిగిన పరీక్షలో 'పేపర్ లీక్' ఆరోపణలు రావడంతో, పాత పరీక్షను రద్దు చేసిన నేషనల్ టెస్టింగ్ ఏజెన్సీ ఈరోజు కట్టుదిట్టమైన భద్రతా ఏర్పాట్ల నడుమ రీ-ఎగ్జామ్ నిర్వహించింది. దేశవిదేశాల్లోని 5,440 సెంటర్లలో దాదాపు 22 లక్షల మంది అభ్యర్థులు ఈ పరీక్షకు హాజరయ్యారు.

పేపర్ అనాలసిస్: ఫిజిక్స్ కాస్త కష్టం

పరీక్ష ముగిసిన వెంటనే బయటకు వచ్చిన విద్యార్థులు పేపర్ ఎలా ఉందో పంచుకున్నారు. మెజారిటీ విద్యార్థుల అభిప్రాయం ప్రకారం.. ఓవరాల్‌గా పేపర్ ‘మోడరేట్’గా ఉంది. ఫిజిక్స్ ప్రశ్నలు కొంచెం లెంగ్తీగా ఉండటమే కాకుండా, గత పరీక్ష కంటే కాస్త కష్టంగా వచ్చాయని ఢిల్లీ, శ్రీనగర్ సెంటర్ల విద్యార్థులు తెలిపారు. కెమిస్ట్రీ మోడరేట్‌గా అంటే మరీ కష్టం కాకుండా, మరీ సులువుగా కాకుండా బ్యాలెన్స్‌డ్‌గా ఉంది. బయాలజీ సెక్షన్ విద్యార్థులకు బాగా ఊరటనిచ్చింది. ప్రశ్నలు చాలా ఈజీగా వచ్చాయని అభ్యర్థులు సంతోషం వ్యక్తం చేశారు.

#WATCH | Srinagar, Jammu and Kashmir: Candidates leave the examination centre following the conclusion of the NEET-UG re-examination

A candidate says, "The paper was very good. My preparation was very good, only Physics was a little difficult. Otherwise, it was good overall.… pic.twitter.com/9VtrnRMlWP

— ANI (@ANI) June 21, 2026

#WATCH | Delhi: Candidates leave the examination centre following the conclusion of the NEET-UG re-examination

A candidate says, "The exam was quite moderate. Physics was quite lengthy. A little bit tougher than last time. Biology was good and Chemistry was moderate." pic.twitter.com/o8enkyGniv

— ANI (@ANI) June 21, 2026

విద్యార్థుల కోసం ప్రధాని మోదీ వెయిటింగ్

నీట్ విద్యార్థులు ట్రాఫిక్ జామై సెంటర్లకు చేరుకోవడంలో ఎలాంటి ఇబ్బందులు పడకూడదనే ఉద్దేశంతో ప్రధాని నరేంద్ర మోదీ ఒక కీలక నిర్ణయం తీసుకున్నారు. ఆదివారం మధ్యాహ్నం 1:15 గంటల ప్రాంతంలో ఢిల్లీ ఎయిర్‌పోర్ట్‌కు చేరుకున్న ఆయన.. ఎగ్జామ్ ప్రారంభమయ్యే మధ్యాహ్నం 2 గంటల వరకు నేరుగా తన నివాసానికి వెళ్లకుండా ఎయిర్‌పోర్ట్‌లోనే ఉండిపోయారు. తన కాన్వాయ్ వల్ల ట్రాఫిక్ ఆంక్షలు విధించి, తద్వారా విద్యార్థులు లేట్ అవ్వకూడదనే ఆయన ఈ నిర్ణయం తీసుకున్నట్లు తెలిసింది.

లీకేజీలకు చెక్.. మున్నెన్నడూ లేని విధంగా సెక్యూరిటీ

పేపర్ లీక్ మచ్చను చెరిపేసుకునేందుకు ఎన్టీఏ ఈసారి అత్యున్నత స్థాయి భద్రతా చర్యలు చేపట్టింది. ఎగ్జామ్ పేపర్లను నేరుగా ఇండియన్ ఎయిర్ ఫోర్స్ విమానాల్లో తరలించారు. దేశవ్యాప్తంగా 95 వేల ఎగ్జామ్ రూముల్లో ఏకంగా 1,38,560 సీసీటీవీ కెమెరాలు ఏర్పాటు చేసి ఢిల్లీ నుంచి లైవ్ ఫీడ్ ద్వారా మానిటర్ చేశారు. ఎలక్ట్రానిక్ గాడ్జెట్స్ పనిచేయకుండా 51,311 జామర్లను ఇన్‌స్టాల్ చేశారు. ఫేస్ అథెంటికేషన్, బయోమెట్రిక్ వెరిఫికేషన్ ద్వారా అభ్యర్థులను క్షుణ్ణంగా తనిఖీ చేశాకే లోపలికి అనుమతించారు.

ఎగ్జామ్ రోజున చోటుచేసుకున్న కొన్ని ప్రత్యేక ఘటనలు

పక్కటెముకలు విరిగినా.. ఎగ్జామ్ రాసింది

జూన్ 14న జరిగిన రోడ్డు ప్రమాదంలో తీవ్రంగా గాయపడి, 9 పక్కటెముకలు విరిగిన సృష్టి దూబే అనే విద్యార్థిని.. ఎన్టీఏ ప్రత్యేక ఏర్పాట్లు చేయడంతో అంబులెన్స్, మెడికల్ సపోర్ట్‌తో పరీక్ష రాసింది. కేంద్ర విద్యాశాఖ మంత్రి ధర్మేంద్ర ప్రధాన్ స్వయంగా ఆమె తల్లిదండ్రులకు ఫోన్ చేసి ధైర్యం చెప్పారు.

VIDEO | Union Education Minister Dharmendra Pradhan (@dpradhanbjp) speaks with the parents of NEET aspirant Shrishti Dubey, who was critically injured in a road accident days before the exam, and assures support to help her appear for the NEET UG re-examination.

Shrishti,… pic.twitter.com/ejrIGuyZtk

— Press Trust of India (@PTI_News) June 21, 2026

యాక్సిడెంట్ వల్ల లేట్.. నో ఎంట్రీ

మధ్యప్రదేశ్‌లో పరీక్ష కేంద్రానికి వస్తుండగా రోడ్డు ప్రమాదానికి గురైన ఓ విద్యార్థి.. ఫస్ట్ ఎయిడ్ చేయించుకుని కాస్త ఆలస్యంగా సెంటర్‌కు చేరుకున్నాడు. అయితే, నిబంధనల ప్రకారం టైమ్ దాటిపోయిందని అధికారులు అతడిని లోపలికి అనుమతించలేదు.

బురఖా వివాదం

రాజస్థాన్‌లోని అజ్మీర్‌లో బురఖా ధరించి వచ్చిన ఓ విద్యార్థినిని మొదట సిబ్బంది అడ్డుకున్నారు. నిబంధనలపై కొంత గందరగోళం తలెత్తడంతో.. ఆ తర్వాత ఉన్నతాధికారులు జోక్యం చేసుకుని ఆమెను పరీక్షకు అనుమతించారు.

అబుదాబి సెంటర్ మిస్టేక్

నాగ్‌పూర్‌కు చెందిన ఒక అభ్యర్థికి పొరపాటున అబుదాబిలో సెంటర్ పడిన విషయం తెలిసిందే. అయితే, ఆ తర్వాత ఎన్టీఏ దాన్ని నాగ్‌పూర్‌కే మార్చింది. ఈ టెన్షన్ వల్ల ఆ విద్యార్థి రాత్రంతా వాంతులు చేసుకున్నాడని, అయినా సరే ఎగ్జామ్ బాగా రాశాడని అతడి తండ్రి తెలిపారు.