Prabhas | బాహుబ‌లి మూవీపై వెబ్‌సిరీస్ – ఎవ‌రికి తెలియ‌ని సీక్రెట్స్ చెప్ప‌బోతున్న‌ ప్ర‌భాస్‌, అనుష్క‌

Prabhas |  ప్ర‌భాస్ హీరోగా రాజ‌మౌళి ద‌ర్శ‌క‌త్వంలో రూపొందిన బాహుబ‌లి, బాహుబ‌లి 2 సినిమాలు తెలుగు సినిమా ఖ్యాతిని ఇంట‌ర్నేష‌న‌ల్ లెవెల్‌కు తీసుకెళ్లాయి . వెయ్యి కోట్ల వ‌సూళ్ల‌ను సాధించే స‌త్తా తెలుగు సినిమాల‌కు ఉంద‌ని బాహుబ‌లితోనే ఫ‌స్ట్ టైమ్ రాజ‌మౌళి, ప్ర‌భాస్ నిరూపించారు. తెలుగు సినిమా చ‌రిత్ర‌ను బాహుబ‌లికి ముందు...బాహుబ‌లికి త‌ర్వాత అని చెప్పుకునేలా చేశారు. టాలీవుడ్‌లో పాన్ ఇండియ‌న్ క‌ల్చ‌ర్ బాహుబ‌లి, బాహుబ‌లి 2 సినిమాల‌తోనే మొద‌లైంది.

టార్చ్‌బేర‌ర్‌...

తాజాగా బాహుబ‌లి మూవీపై ఓ డాక్యుమెంట‌రీ సిరీస్ ప్రేక్ష‌కుల ముందుకు రాబోతుంది. బాహబ‌లి ది టార్చ్‌బేర‌ర్ పేరుతో రూపొందిన ఈ సిరీస్ జూన్ 26 నుంచి నెట్‌ఫ్లిక్స్‌లో స్ట్రీమింగ్ కాబోతుంది. ఈ సిరీస్ స్ట్రీమింగ్ డేట్‌ను నెట్‌ఫ్లిక్స్ ఆదివారం అఫీషియ‌ల్‌గా ప్ర‌క‌టించింది.

ప్ర‌భాస్...రానా...

ఈ డాక్యుమెంట‌రీ సిరీస్‌లో ప్ర‌భాస్‌, రానా, అనుష్క‌, త‌మ‌న్నా, డైరెక్ట‌ర్ రాజ‌మౌళితో పాటు బాహుబ‌లిలో న‌టించిన కొంద‌రు యాక్ట‌ర్ల‌, ఈ సినిమాకు ప‌నిచేసిన టెక్నీషియ‌న్లు క‌నిపించ‌బోతున్నారు.

తెలియ‌ని సీక్రెట్స్‌...

బాహుబ‌లి, బాహుబ‌లి 2 సినిమాల నిర్మాణంలో తెర వెనుక ఏం జ‌రిగింది? షూటింగ్‌లో ఎలాంటి అనుభ‌వాలు ఎదుర‌య్యాయి? అన్న‌ది బాహుబ‌లి ది టార్చ్‌బేర‌ర్ డాక్యుమెంట‌రీలో యాక్ట‌ర్లు, టెక్నీషియ‌న్లు అభిమానుల‌తో పంచుకోనున్నార‌ట‌. ఇప్ప‌టివ‌ర‌కు ఎవ‌రికి తెలియ‌ని ప‌లు సీక్రెట్స్‌ను ప్ర‌భాస్‌, అనుష్క ఈ డాక్యుమెంట‌రీలో రివీల్ చేయ‌నున్నార‌ట‌. బాహుబ‌లి క‌థ‌కు ఎలా అంకురార్ప‌ణ ప‌డింది? ప్ర‌భాస్ ఈ సినిమాలోకి ఎలా ఎంట‌ర‌య్యాడ‌న్న‌ది కూడా రాజ‌మౌళి వివ‌రించ‌నున్నార‌ట‌.ప్ర‌స్తుతం మ‌హేష్ బాబుతో వార‌ణాసి సినిమా చేస్తోన్నారు రాజ‌మౌళి. మ‌రోవైపు ప్ర‌భాస్ క‌ల్కి 2, స్పిరిట్‌, ఫౌజీ సినిమాల షూటింగ్‌ల‌తో బిజీగా ఉన్నాడు.