Kangana Ranaut on Rahul Gandhi | లోక్‌సభలో రాహుల్ ‘మ్యాజిక్’ వ్యాఖ్యల దుమారం: ఆయన ప్రసంగం వినడం పెద్ద తలనొప్పి అన్న కంగనా రనౌత్

Kangana Ranaut on Rahul Gandhi | త్రినేత్ర.న్యూస్ : లోక్‌సభలో ప్రతిపక్ష నేత రాహుల్ గాంధీ చేసిన వ్యాఖ్యలపై బీజేపీ ఎంపీ, బాలీవుడ్ నటి కంగనా రనౌత్ (Kangana Ranaut) తీవ్ర స్థాయిలో విరుచుకుపడ్డారు. ప్రధాని నరేంద్ర మోదీని ఉద్దేశించి రాహుల్ 'మాంత్రికుడు' (Magician) అని చేసిన వ్యాఖ్యలను ఆమె తప్పుబట్టారు. ఈ టైమ్‌లో రాహుల్ ప్రసంగం వినడం సభలో పెద్ద తలనొప్పిగా మారిందని కంగనా ఎద్దేవా చేశారు.

చిన్ననాటి ట్రామాతో బాధపడుతున్నారు: కంగనా

పార్లమెంట్ వెలుపల మీడియాతో మాట్లాడిన కంగనా రనౌత్.. రాహుల్ గాంధీపై సెటైర్లు వేశారు. "ఆయన మాటలు వినడం చాలా తలనొప్పిగా అనిపించింది. చిన్నతనంలో ఆయన చూసిన మ్యాజిక్ షోల తాలూకు ట్రామాను (Childhood trauma) ఇంకా అనుభవిస్తున్నారు. సభలో ఆయన ప్రవర్తన విసుగు తెప్పించింది. ఆయనను ఆపాలని చైర్ కూడా కోరింది. ఆయన పార్లమెంట్‌ను ఒక అపహాస్యంగా మార్చారు," అని కంగనా విమర్శించారు.

ఇంతకీ రాహుల్ గాంధీ ఏమన్నారు?

లోక్‌సభలో మహిళా రిజర్వేషన్ బిల్లుపై జరిగిన చర్చలో రాహుల్ గాంధీ ప్రధాని మోదీని ఉద్దేశించి సంచలన వ్యాఖ్యలు చేశారు. "దేశ రాజకీయాల్లో జరుగుతున్న పరిణామాలను చూసి మీరు (బీజేపీ) భయపడుతున్నారు. మీ బలం తగ్గుతోందని ఆందోళన చెందుతున్నారు. అందుకే భారత ఎన్నికల మ్యాప్‌ను మార్చాలని ప్రయత్నిస్తున్నారు. అస్సాం, జమ్మూ కాశ్మీర్‌లో ఇది చేశారు, ఇప్పుడు దేశమంతటా చేయాలని ఊహించుకుంటున్నారు. కానీ దానికి రాజ్యాంగ సవరణ అవసరం," అని రాహుల్ అన్నారు.

అలాగే, "నిజం ఏమిటంటే ఆ మాంత్రికుడు (Magician) పట్టుబడ్డాడు. బాలాకోట్ మాంత్రికుడు, పెద్ద నోట్ల రద్దు మాంత్రికుడు, సింధూర్ మాంత్రికుడు దొరికిపోయాడు. ఆ మాంత్రికుడికి, ఒక వ్యాపారవేత్తకు మధ్య ఉన్న భాగస్వామ్యం గురించి అందరికీ తెలుసు," అని రాహుల్ ఆరోపించారు.

తీవ్రంగా స్పందించిన బీజేపీ నేతలు

రాహుల్ వ్యాఖ్యలపై బీజేపీ నేతలు తీవ్ర అభ్యంతరం వ్యక్తం చేశారు. ప్రధాని పట్ల రాహుల్ తప్పుడు పదజాలం వాడుతున్నారని, బాలాకోట్ దాడులు, ఆపరేషన్ సింధూర్ గురించి ప్రస్తావించడం ద్వారా దేశాన్ని, సైన్యాన్ని అవమానిస్తున్నారని కేంద్ర పార్లమెంటరీ వ్యవహారాల మంత్రి కిరణ్ రిజిజు (Kiren Rijiju) మండిపడ్డారు.

రక్షణ మంత్రి రాజ్‌నాథ్ సింగ్ (Rajnath Singh) సైతం సభలో జోక్యం చేసుకుని రాహుల్ తీరును తప్పుబట్టారు. "ప్రధాని గురించి ప్రతిపక్ష నేత వాడుతున్న పదాలు చాలా దురదృష్టకరం. దీన్ని ఎంత ఖండించినా తక్కువే. పదేపదే ఆయనను 'మాంత్రికుడు' అని పిలవడం దేశ ప్రజలను అవమానించడమే. ఆ పదాలను రికార్డుల నుంచి తొలగించాలని కోరుతున్నాను. రాహుల్ గాంధీ క్షమాపణ చెప్పాలి," అని రాజ్‌నాథ్ సింగ్ డిమాండ్ చేశారు.

#WATCH | Delhi: On Rahul Gandhi's speech in Lok Sabha, BJP MP Kangana Ranaut says, "It was such a headache to listen to him. He is going through his childhood traumas. It was a nuisance. The Chair also asked him to stop. He has made a mockery of the Parliament." pic.twitter.com/wIZ8dfDYqI

— ANI (@ANI) April 17, 2026