Agni-3 Missile | అగ్ని-3 బాలిస్టిక్‌ మిస్సైల్‌ టెస్ట్‌ విజయవంతం..!

Agni-3 Missile | భారత్ శుక్రవారం మధ్యశ్రేణి బాలిస్టిక్ క్షిపణి ‘అగ్ని-3’ను విజయవంతంగా పరీక్షించింది. ఒడిశాలోని చాందీపూర్‌లో ఉన్న ఇంటిగ్రేటెడ్ టెస్ట్ రేంజ్ నుంచి నిర్వహించారు. ఈ క్షిపణికి సంబంధించిన అన్ని ఆపరేషన్, సాంకేతిక ప్రమాణాలు పూర్తిగా చేరుకుంది. ఈ ప్రయోగాన్ని దేశంలోని వ్యూహాత్మక అణు ఆస్తులను పర్యవేక్షించే స్ట్రాటజిక్ ఫోర్సెస్ కమాండ్ ఆధ్వర్యంలో నిర్వహించారు. అగ్ని-3 అనేది అణ్వాయుధ సామర్థ్యం గల మధ్యశ్రేణి బాలిస్టిక్ మిస్సైల్‌. భారత నౌకాదళం స్వదేశీంగా అభివృద్ధి చేసింది. ఈ క్షిపణి 3వేల నుంచి 3,500 కిలోమీటర్ల దూరంలో ఉన్న లక్ష్యాలను ఖచ్చితంగా ఛేదించే సామర్థ్యం ఉన్నది.

పాకిస్తాన్‌తో పాటు చైనా సగం వరకు మిస్సైల్‌ రేజ్‌ ఉంటుంది. ఈ క్షిపణి పరిమాణం కూడా చాలా పెద్దది. ఇది 17 మీటర్లు పొడవు, 2 మీటర్లు వ్యాసం కలిగి ఉండి, ఒక సెకనులో ఐదు కిలోమీటర్ల దూరం దూసుకెళ్తుంది. 50 టన్నుల బరువున్న ఈ క్షిపణి ఘన ఇంధనంతో పనిచేసే రెండు దశల ఇంజిన్‌ ఉంటుంది. ఈ క్షిపణి 1.5 టన్నుల బరువున్న వార్‌హెడ్‌ను మోసుకెళ్లే సామర్థ్యం కలిగి ఉంది. ఈ క్షిపణి రెండు దశల ఘన ఇంధన వ్యవస్థపై ఆధారపడి ఉంటుంది. మొదటి దశ ఇంధనం పూర్తిగా దగ్ధమైన తర్వాత రెండో దశ ప్రారంభమవుతుంది. ఇటీవల అగ్ని శ్రేణికి చెందిన ఇతర క్షిపణుల అప్‌గ్రేడ్ వేరియంట్లను పరీక్షించింది.