CNG Price Hike | మ‌ళ్లీ పెరిగిన సీఎన్జీ ధ‌ర‌లు.. కిలోపై రూ.3.89 భారం..

CNG Price Hike | త్రినేత్ర‌.న్యూస్‌: సీఎన్జీ ధ‌ర‌లు (CNG Price Hike) మ‌ళ్లీ పెరిగాయి. దేశ రాజధాని ఢిల్లీ సహా పరిసర ప్రాంతాల్లో (Delhi NCR) సీఎన్జీ (CNG) ధరల‌ను పెంచుతూ కంపెనీలు నిర్ణ‌యం తీసుకున్నాయి. ఇంద్రప్రస్థ గ్యాస్ లిమిటెడ్ (IGL) కిలో సీఎన్జీపై రూ.3.89 పెంచుతున్నట్లు ప్రకటించింది. పెరిగిన ధ‌రలు ఉదయం 6 గంటల నుంచే అమల్లోకి వచ్చాయి. దీంతో ఢిల్లీలో కిలో సీఎన్జీ ధర రూ. 86.98కి చేరింది. అంతర్జాతీయంగా ఎల్‌ఎన్జీ ధరలు తీవ్రంగా పెరిగినప్పటికీ, సీఎన్జీ సరఫరాలో ఎలాంటి అంతరాయం కలగకుండా చూసేందుకు ఈ స్వల్ప సవరణ చేసిన‌ట్లు ఐజీఎల్ వెల్ల‌డించింది.

కాగా, ఈ ఏడాది సీఎన్‌జీ ధ‌ర‌లు పెర‌గ‌డం ఇది ఐదోసారి. మే నెలలో కేవలం పది రోజుల వ్యవధిలో నాలుగు దశల్లో మొత్తం కిలోకు రూ.6 చొప్పున ధరలు పెంచిన ఐజీఎల్.. తాజాగా మరోసారి ధరలను పెంచింది. దీంతో ఆటోలు, ట్యాక్సీలు, స‌రుకు ర‌వాణా వాహ‌నాల నిర్వ‌హ‌ణ ఖ‌ర్చులు భారీగా పెర‌గ‌నున్నాయి.