Delhi Fire | భారీ అగ్నిప్రమాదం.. కాలిబూడిదైన ఎల‌క్ట్రానిక్ వ‌స్తువులు.. రూ.లక్షల్లో నష్టం..!

Delhi Fire | దేశ రాజ‌ధాని ఢిల్లీలో అగ్నిప్ర‌మాదాలు (Delhi Fire) ఆందోళ‌న క‌లిగిస్తున్నాయి. తాజాగా ఓ బ‌హుళ అంత‌స్తుల ఎల‌క్ట్రానిక్స్ షోరూమ్ (electronics showroom)లో భారీ అగ్నిప్ర‌మాదం సంభ‌వించింది. ఈ ప్ర‌మాదంలో రూ.ల‌క్ష‌ల విలువైన వ‌స్తువులు అగ్నికి ఆహుత‌య్యాయి.

జ‌న‌క్‌పురి (Janakpuri) ప్రాంతంలోని ఉత్త‌మ్ న‌గ‌ర్‌-న‌జాఫ్‌గ‌ఢ్ రోడ్డులోని విజ‌య్ సేల్స్ షోరూమ్‌లో (Vijay Sales showroom) బుధ‌వారం తెల్ల‌వారుజామున ఈ అగ్నిప్ర‌మాదం సంభ‌వించింది. కాసేప‌టికే మంట‌లు స‌మీప ప్రాంతాల‌కు వ్యాపించాయి. ప‌క్క‌నే ఉన్న బాటా షోరూమ్‌కు (Bata showroom) కూడా అంటుకున్నాయి. అప్ర‌మ‌త్త‌మైన స్థానికులు వెంట‌నే అధికారుల‌కు స‌మాచారం అందించారు. రంగంలోకి దిగిన ఫైర్ సిబ్బంది (Delhi Fire Service) 15 ఫైర్ ఇంజిన్ల‌తో మంట‌ల‌ను ఆర్పేందుకు తీవ్రంగా శ్ర‌మించారు. 4:15 గంట‌ల‌కు మంట‌లు చెల‌రేగ‌గా ఉద‌యం 6:30 గంట‌ల‌కు అదుపులోకి వ‌చ్చాయి. అదృష్ట‌వ‌శాత్తూ ఈ ప్ర‌మాదంలో ఎలాంటి ప్రాణ న‌ష్టం సంభ‌వించ‌లేదు. ఎవ‌రికీ గాయాలు కూడా కాలేద‌ని ఢిల్లీ ఫైర్ స‌ర్వీస్ అధికారి ఒకరు వెల్ల‌డించారు.

రూ.లక్షల్లో నష్టం

ఈ ప్ర‌మాదంలో భారీగా ఆస్తి న‌ష్టం సంభవించింది. సుమారు 350 చ‌ద‌ర‌పు గ‌జాల విస్తీర్ణంలో ఉన్న ఈ భ‌వంతిలోని బేస్‌మెంట్‌, గ్రౌండ్ ఫ్లోర్‌, పై మూడు అంత‌స్తుల్లో ఉన్న ఎల‌క్ట్రానిక్ వ‌స్తువులు, ఫ‌ర్నిచ‌ర్ పూర్తిగా కాలి బూడిద‌య్యాయి. న‌ష్టం రూ.ల‌క్ష‌ల్లో ఉంటుంద‌ని అగ్నిమాప‌క శాఖ అధికారులు అంచ‌నా వేస్తున్నారు. అగ్నిప్ర‌మాదానికి గ‌ల కార‌ణాలు తెలియ‌రాలేదు. దీనిపై అధికారులు ద‌ర్యాప్తు చేప‌ట్టారు.

Also Read..

ప్రైమ్ వీడియోస్‌లో యాడ్స్ వివాదం.. చ‌ట్ట‌ప‌ర‌మైన చిక్కుల్లో అమెజాన్‌

ఇదే నా సిక్స్ ప్యాక్.. బేబీ బంప్ ఫొటో షేర్ చేసిన స‌మంత‌

వాష్‌రూమ్స్‌లో న‌గ‌దు దాచి.. గుట్టుచ‌ప్పుడు కాకుండా త‌ర‌లించాం.. ద‌ర్యాప్తులో సంచ‌ల‌న విష‌యాలు వెల్ల‌డించిన నిందితుడు