DK Shivakumar | స‌గం కొరికిన యాపిల్స్‌ను జ‌నంపైకి విసిరిన సీఎం డీకే శివ‌కుమార్‌.. నెట్టింట దుమారం

DK Shivakumar | క‌ర్ణాట‌క ముఖ్య‌మంత్రి (Karnataka CM) డీకే శివ‌కుమార్ (DK Shivakumar)కు సంబంధించి సోష‌ల్ మీడియాలో ఓ వీడియో తెగ వైర‌ల్ అవుతోంది. అందులో ఆయ‌న యాపిల్ పండ్ల (Apples)ను ఓ బైట్‌ కొరికి ఆ త‌ర్వాత వాటిని జ‌నంపైకి విసిరారు. ఈ వీడియో నెట్టింట తీవ్ర దుమారం రేపుతోంది. దీనిపై నెటిజ‌న్ల నుంచి భిన్నాభిప్రాయాలు వ్య‌క్త‌మ‌వుతున్నాయి.

ముఖ్య‌మంత్రిగా బాధ్య‌త‌లు చేప‌ట్టిన త‌ర్వాత డీకే త‌న సొంత నియోజ‌కవ‌ర్గ‌మైన క‌న‌క‌పుర‌కు (Kanakapura) వెళ్లారు. అక్క‌డ హార‌హ‌ళ్లి ప్రాంతంలో ప‌ర్య‌టించారు. ఈ ప‌ర్య‌ట‌న సంద‌ర్భంగా డీకేకి స్థానికులు ఘ‌నంగా స్వాగ‌తం ప‌లికారు. వంద‌లాది తాజా యాపిల్ పండ్లు, పూల‌తో త‌యారు చేసిన ఓ భారీ గ‌జ‌మాల‌ను క్రేన్ సాయంతో డీకేకి బ‌హూక‌రించారు. ఆ త‌ర్వాత ఆ మాల‌లోని రెండు యాపిల్ పండ్ల‌ను తీసుకుని డీకే ఓ బైట్ కొరికారు. ఆ త‌ర్వాత వాటిని కార్య‌క‌ర్త‌ల‌పై విసిరేశారు. అక్క‌డున్న కొంద‌రు ఆ ఎంగిలి పండును మ‌హాప్ర‌సాదంగా భావించి దాన్ని చేజిక్కించుకునేందుకు ఎగ‌బ‌డ‌టం గ‌మ‌నార్హం.

ఇందుకు సంబంధించిన వీడియో సోష‌ల్ మీడియాలో వైర‌ల్‌గా మారింది. ఈ వీడియోపై భిన్నాభిప్రాయాలు వ్య‌క్త‌మ‌వుతున్నాయి. కొంద‌రు డీకేని స‌మ‌ర్థిస్తుండ‌గా.. మ‌రికొంద‌రు మాత్రం ఆగ్ర‌హం వ్య‌క్తం చేస్తున్నారు. ఎంగిలి యాపిల్‌ను జ‌నంపైకి విస‌ర‌డం ఏంటి..? అంటూ ప్ర‌శ్నిస్తున్నారు. ‘‘ఇది ప్రజాస్వామ్యం కాదు. రాచరికపు పోకడ..’’ అంటూ ఘాటు విమ‌ర్శ‌లు చేస్తున్నారు.

#Karnataka CM DK Shivakumar grabbed attention during a grand welcome in Harohalli, Kanakapura, when he plucked an apple from a massive apple garland, took a bite, and tossed the remaining fruit into the cheering crowd. pic.twitter.com/TThAPpDUJF

— Imran Khan (@KeypadGuerilla) June 9, 2026

Also Read..

కేర‌ళ మాజీ సీఎం పిన‌ర‌యి విజ‌య‌న్ కుమార్తెకు ఈడీ స‌మ‌న్లు

హ‌ర్మూజ్ స‌మీపంలో కూలిన యూఎస్ అపాచీ హెలికాప్ట‌ర్‌

డీకేకి త‌గ్గ‌ని త‌ల‌నొప్పి.. శాఖ‌ల కేటాయింపుల‌పై కొన‌సాగుతున్న మంత్రుల అల‌క‌.. ఢిల్లీకి క్యూ