Punjab Paper Leak | పంజాబ్‌లో పేపర్ లీక్ చిచ్చు: విద్యా శాఖ మంత్రి రాజీనామాకు బీజేపీ డిమాండ్

• పంజాబ్‌లో వరుస పేపర్ లీక్‌లు జరుగుతున్నాయని, విద్యాశాఖ మంత్రి హర్జోత్ సింగ్ బైన్స్ రాజీనామా చేయాలని బీజేపీ డిమాండ్
• ఆప్ (AAP) ప్రభుత్వ నాలుగున్నరేళ్ల పాలనలో ఒక్క పేపర్ కూడా లీక్ కాలేదని తేల్చి చెప్పిన సీఎం భగవంత్ మాన్
• రెండు చోట్ల మాత్రమే కాపీయింగ్ (Cheating) జరిగిందని, వెంటనే చర్యలు తీసుకున్నామని సీఎం వెల్లడి
• నీట్ (NEET) వ్యవహారంతో కేంద్ర మంత్రి ధర్మేంద్ర ప్రధాన్ రాజీనామా చేసిన నేపథ్యంలో పంజాబ్‌లో మొదలైన పొలిటికల్ వార్

Punjab Paper Leak | త్రినేత్ర.న్యూస్ : దేశవ్యాప్తంగా కలకలం రేపిన 'నీట్' (NEET) పేపర్ లీక్ వ్యవహారంతో కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేసిన విషయం తెలిసిందే. అయితే ఈ ఎఫెక్ట్ ఇప్పుడు పంజాబ్ రాజకీయాలను కుదిపేస్తోంది. పంజాబ్‌లోనూ పలు ఎగ్జామ్స్ పేపర్లు లీక్ అయ్యాయని ఆరోపిస్తూ ఆమ్ ఆద్మీ పార్టీ (AAP) ప్రభుత్వాన్ని బీజేపీ టార్గెట్ చేసింది. విద్యాశాఖ మంత్రి హర్జోత్ సింగ్ బైన్స్ వెంటనే తన పదవికి రాజీనామా చేయాలని పట్టుబడుతోంది. ఈ ఆరోపణలను ముఖ్యమంత్రి భగవంత్ మాన్ తీవ్రంగా ఖండించారు.

బీజేపీ, కాంగ్రెస్ ఆరోపణలు ఇవే..

పంజాబ్ విద్యాశాఖ మంత్రి ఎప్పుడు రాజీనామా చేస్తారని బీజేపీ ప్రతినిధి ప్రదీప్ భండారీ ప్రశ్నించారు. "నైతిక బాధ్యత వహిస్తూ మంత్రి చేత అరవింద్ కేజ్రీవాల్ ఎప్పుడు రాజీనామా చేయిస్తారు?" అని నిలదీశారు. పంజాబ్‌లో 12వ తరగతి ఇంగ్లీష్ బోర్డ్ ఎగ్జామ్, పంజాబ్ స్టేట్ టీచర్ ఎలిజిబిలిటీ టెస్ట్ (PSTET), అగ్రికల్చర్ డెవలప్‌మెంట్ ఆఫీసర్ (ADO) పరీక్షల పేపర్లు లీక్ అయ్యాయని భండారీ ఆరోపించారు. అలాగే PSSSB గ్రూప్-బి రిక్రూట్‌మెంట్, నాయబ్ తహసీల్దార్ పరీక్షల్లోనూ భారీగా అవకతవకలు జరిగాయని విమర్శించారు.

When is the education minister of Punjab resigning? When will @ArvindKejriwal ask for resignation of Punjab's education minister for morality

Paper Leaks in Punjab:

- Naib Tehsildar Recruitment – Large-scale cheating using
Bluetooth devices.
- PSEB Class 12 English Board… pic.twitter.com/lt8bCOgsTS

— Pradeep Bhandari(प्रदीप भंडारी)🇮🇳 (@pradip103) July 26, 2026

మరోవైపు పంజాబ్ కాంగ్రెస్ చీఫ్ అమరీందర్ సింగ్ రాజా కూడా ఆప్ ప్రభుత్వంపై ఫైర్ అయ్యారు. గత నాలుగేళ్లలో 6 పెద్ద పేపర్ లీక్‌లు జరిగాయని, ఎంతోమంది విద్యార్థుల కలలు నాశనమయ్యాయని మండిపడ్డారు. విద్యార్థులకు సమాధానం చెప్పాల్సిన బాధ్యత ప్రభుత్వానికి ఉందన్నారు.

Today at Jantar Mantar, while @AamAadmiParty tries to sell its fake narrative of “justice for youth,” @IYCPunjab President @Shuvamsharmainc stood up for the students of Punjab and asked the question every young person deserves an answer to:

When will Punjab Education Minister… pic.twitter.com/Q9YIpkSHf2

— Amarinder Singh Raja Warring (@RajaBrar_INC) July 25, 2026

'ఒక్క పేపర్ కూడా లీక్ కాలేదు.. ఇది నా గ్యారెంటీ'

ప్రతిపక్షాల ఆరోపణలను ఆమ్ ఆద్మీ పార్టీ 'ఫేక్ న్యూస్' (Fake news) గా కొట్టిపారేసింది. తమ నాలుగున్నరేళ్ల పాలనలో ఒక్క పేపర్ కూడా లీక్ కాలేదని సీఎం భగవంత్ మాన్ స్పష్టం చేశారు.

"గత నాలుగున్నరేళ్లలో పంజాబ్‌లో ఎలాంటి పేపర్ లీక్ జరగలేదు. భవిష్యత్తులోనూ జరగదని నేను గ్యారెంటీ (Guarantee) ఇస్తున్నాను. కేవలం రెండు చోట్ల మాత్రమే కాపీయింగ్ (Cheating) జరుగుతున్నట్లు రిపోర్టులు వచ్చాయి. పది నిమిషాల్లోనే స్పందించి ఆ చీటింగ్ గ్యాంగ్‌లపై కఠిన చర్యలు తీసుకున్నాం" అని సీఎం వివరించారు.

పంజాబ్ ఆప్ నేత బల్తేజ్ పన్నూ కూడా బీజేపీ విమర్శలకు కౌంటర్ ఇచ్చారు. ఎగ్జామ్ హాల్‌లో కొందరు గాడ్జెట్స్ వాడుతూ పట్టుబడ్డారని, దానిపై యాక్షన్ తీసుకున్నామని తెలిపారు. "దీన్ని కావాలనే పేపర్ లీక్ అంటూ బీజేపీ, కాంగ్రెస్ రాద్ధాంతం చేస్తున్నాయి. కేంద్రంలోని బీజేపీ హయాంలో 90కి పైగా పేపర్లు లీక్ అయ్యాయి. ఆ వైఫల్యాన్ని కప్పిపుచ్చుకోవడానికే ఇతరులపై నెపం నెడుతున్నారు" అని ఆయన విమర్శించారు.

కాగా, ఢిల్లీలో నెల రోజుల పాటు జరిగిన నిరసనల అనంతరం కేంద్ర విద్యాశాఖ మంత్రిగా ఉన్న ధర్మేంద్ర ప్రధాన్ రాజీనామా చేయడంతో పంజాబ్‌లో ఈ రాజకీయ దుమారం రేగింది. ప్రస్తుతం కేంద్ర మంత్రి ప్రహ్లాద్ జోషికి విద్యాశాఖ బాధ్యతలు అప్పగించారు.

मुख्यमंत्री @BhagwantMann जी ने विपक्ष के झूठ और Fake News को किया Expose! pic.twitter.com/AkSiy8d1It

— AAP (@AamAadmiParty) July 26, 2026