Gujarat Unrecognized Political Parties | పోటీ చేసేది లేదు.. కానీ విరాళాల్లో వేల కోట్లు : గుజరాత్‌కు చెందిన ఈ ‘పేపర్ పార్టీల’ అసలు గుట్టు ఇదే..!

గుజరాత్‌కు చెందిన ఆరు చిన్న పార్టీలు 2024 ఎన్నికల్లో పోటీ చేసింది కేవలం 15 స్థానాల్లోనే. కానీ, విరాళాల్లో ఏకంగా జాతీయ పార్టీలనే దాటేశాయి. అసలేం జరిగింది?

Jagadeesh

National | Published On Sep 6, 2026, 3.04 pm IST

Gujarat Unrecognized Political Parties | పోటీ చేసేది లేదు.. కానీ విరాళాల్లో వేల కోట్లు : గుజరాత్‌కు చెందిన ఈ ‘పేపర్ పార్టీల’ అసలు గుట్టు ఇదే..!

సంక్షిప్త సారాంశం

గుజరాత్‌కు చెందిన ఆరు గుర్తింపు లేని చిన్న పార్టీలకు 2023-24లో ఏకంగా రూ.1,700 కోట్ల విరాళాలు వచ్చాయి. ఈ మొత్తం బీజేపీ మినహా దేశంలోని ప్రధాన జాతీయ పార్టీలు (కాంగ్రెస్, ఆప్ తదితర) సాధించిన విరాళాల (రూ.1,480 కోట్లు) కంటే ఎక్కువ కావడం గమనార్హం. వందల కోట్లు వసూలు చేసిన ఈ ఆరు పార్టీలు.. 2024 లోక్‌సభ ఎన్నికల్లో దేశవ్యాప్తంగా నిలబెట్టింది కేవలం 15 మంది అభ్యర్థులనే. పన్ను మినహాయింపుల ముసుగులో బ్లాక్ మనీని వైట్‌గా మార్చుకునేందుకు, ట్యాక్స్ ఎగవేతలకు పాల్పడేందుకు కొందరు ఆడుతున్న మనీ లాండరింగ్ గేమ్ అని బీబీసీ విచారణలో తేలింది.

Gujarat Unrecognized Political Parties | త్రినేత్ర.న్యూస్ : గుజరాత్‌లో కేవలం కాగితాలకే పరిమితమైన ఆరు గుర్తింపు లేని రాజకీయ పార్టీలు (RUPPs) సృష్టిస్తున్న విరాళాల సునామీ ఇప్పుడు దేశవ్యాప్తంగా హాట్ టాపిక్ అవుతోంది. ఎవరూ పేరు కూడా వినని ఈ పార్టీలకు వందల కోట్ల రూపాయల ఫండింగ్ ఎక్కడి నుంచి వస్తోందన్నది ఇప్పుడు చర్చనీయాంశంగా మారింది.

బీబీసీ న్యూస్ హిందీ (BBC News Hindi) చేసిన ఓ డీప్ ఇన్వెస్టిగేషన్ ప్రకారం.. 2023-24 ఆర్థిక సంవత్సరంలో ఈ ఆరు చిన్న పార్టీలు ఏకంగా రూ.1,700 కోట్ల విరాళాలు సేకరించాయి. ఇక్కడ షాకింగ్ విషయం ఏంటంటే.. అధికార బీజేపీని పక్కనపెడితే, దేశంలోని ఐదు జాతీయ పార్టీలు (కాంగ్రెస్, ఆప్, బీఎస్పీ, వామపక్షాలు) అన్నీ కలిపి వసూలు చేసిన విరాళాల (రూ.1,480 కోట్లు) కంటే ఈ ఆరు పార్టీలకు వచ్చిన డబ్బే ఎక్కువ.

పోటీకి దూరం.. విరాళాల్లో టాప్

సత్యవాది రక్షక్ పార్టీ, ఆమ్ జన్మత్ పార్టీ, గరీబ్ కల్యాణ్ పార్టీ, స్వాతంత్రత అభివ్యక్తి పార్టీ, భారతీయ నేషనల్ జనతాదళ్, న్యూ ఇండియా యునైటెడ్ పార్టీ.. ఇవే ఆ ఆరు పార్టీల పేర్లు. వీటిలో ఐదు పార్టీల హెడ్ క్వార్టర్స్ అహ్మదాబాద్‌లోని నరోడా ప్రాంతంలోనే ఉండటం విశేషం. ఈ ఆరు పార్టీలు 2024 లోక్‌సభ ఎన్నికల్లో దేశవ్యాప్తంగా నిలబెట్టింది కేవలం 15 మంది అభ్యర్థులనే. అందులో 'ఆమ్ జన్మత్ పార్టీ' (Aam Janmat Party) ఒక్కటే రూ.620 కోట్లు (కాంగ్రెస్ వసూలు చేసిన దానికి రెట్టింపు) విరాళాలు పొంది, కేవలం ఒకే ఒక్క అభ్యర్థిని బరిలోకి దించింది.

ఆఫీసులు క్లోజ్.. కానీ అకౌంట్లలోకి కోట్లు

రిపోర్టర్లు ఈ పార్టీల ఆఫీసుల వద్దకు వెళ్లి చూడగా, చాలా వరకు మూతపడి ఉన్నాయి. ఫ్లాట్లు, షాపుల్లో రిజిస్టర్ అయిన ఈ కార్యాలయాల్లో ఎలాంటి పొలిటికల్ యాక్టివిటీ (political activity) లేదు. ఆమ్ జన్మత్ పార్టీ అయితే మూసేశామని దాని ట్రెజరర్ స్వయంగా చెప్పారు. కానీ వారి బ్యాంక్ అకౌంట్లలోకి మాత్రం విరాళాలు (donations) ఈజీగా ట్రాన్స్‌ఫర్ అవుతున్నాయి.

ఇదంతా పన్ను ఎగవేత కోసమేనా?

అసలు యాక్టివిటీ లేని ఈ పార్టీలకు ఎందుకు కోట్లు ఇస్తున్నట్లు? దీని వెనుక ఉన్న అసలు రహస్యం పన్నుల మినహాయింపు (Tax exemptions) చట్టాలేనని నిపుణులు చెబుతున్నారు. చార్టర్డ్ అకౌంటెంట్ల ద్వారా.. దాతలు ఈ పార్టీలకు డొనేషన్స్ ఇచ్చి ఇన్ కమ్ టాక్స్ రాయితీలు పొందుతున్నారు. ఆ తర్వాత ఈ పార్టీలు కొంత 'సర్వీస్ ఛార్జీ'గా కట్ చేసుకుని, మిగతా డబ్బంతా వేరే రూపంలో దాతలకే వెనక్కి ఇచ్చేస్తున్నాయి.

ఇదొక పెద్ద మనీ లాండరింగ్ (Money laundering) స్కామ్ అని అసోసియేషన్ ఫర్ డెమోక్రటిక్ రిఫార్మ్స్ (ADR) రీసెర్చర్ శైలీ మహాజన్ అభిప్రాయపడ్డారు. "ఈ పార్టీలు ఎన్నికల్లో పోటీ చేయవు కానీ భారీగా ఫండ్స్ పొందుతాయి. ఇవి నిజమైన పార్టీలు కావు, షెల్ కంపెనీల కోసం పనిచేసే పావులు మాత్రమే" అని ఆయన వ్యాఖ్యానించారు.

ఇప్పటికే ఆదాయ పన్ను శాఖ ఇలాంటి నకిలీ విరాళాలను గుర్తించి దాడులు కూడా చేస్తోంది. ఎన్నికల సంఘం (ECI) సైతం ఎన్నికల్లో పోటీ చేయని 800 పైగా ఇలాంటి 'పేపర్ పార్టీల' గుర్తింపును రద్దు చేసింది. అయినా కొందరు బ్రోకర్లు పరోక్షంగా ఈ పార్టీలను నడుపుతూ వందల కోట్ల ట్యాక్స్ ఎగవేతలకు పాల్పడుతున్నారని తాజా రిపోర్ట్ స్పష్టం చేస్తోంది.

पिछले लोकसभा चुनाव से पहले, साल 2023-24 के वित्त वर्ष में कई छोटे दलों को काफ़ी ज़्यादा चंदा प्राप्त हुआ.
बीबीसी की टीम ने लगभग दो महीने इस मामले में पड़ताल की, उन्होंने छह ऐसे दलों के बारे में पता किया, जिन्हें 'रजिस्टर्ड अनरिकग्नाइज़्ड पॉलिटिकल पार्टीज़' यानी RUPPs कहते हैं.… pic.twitter.com/QfVdsDHkxn

— BBC News Hindi (@BBCHindi) September 4, 2026