Peanuts | ప‌ల్లీల‌ను తిన‌డం వ‌ల్ల గుండెకు హాని క‌లుగుతుందా..? అస‌లు వీటిని ఎలా తింటే మంచిది..?

Peanuts | పల్లీలను మనం రోజువారి ఆహారంలో భాగంగా వివిధ రకాలుగా తింటూనే ఉంటాం. ఉదయం తినే బ్రేక్ఫాస్ట్లోకి చట్నీని పల్లీలతో చేస్తారు. ఇక కూరల్లోనూ పల్లీలను వేస్తుంటారు. అలాగే స్వీట్ల తయారీలోనూ వీటిని ఉపయోగిస్తారు. అయితే వాస్తవానికి పల్లీలు మన ఆరోగ్యానికి మంచివేనా..? వీటిని అసలు ఎలా తినాలి..? ఏ విధంగా తింటే నష్టం కలుగుతుంది..? వీటిని తినడం గుండెకు మంచిది కాదా..? వంటి అనేక సందేహాలు చాలా మందికి వస్తుంటాయి. అయితే దీనికి వైద్యులు సమాధానం చెబుతున్నారు. హైదరాబాద్ అపోలో హాస్పిటల్ వైద్యుడు డాక్టర్ సుధీర్ కుమార్ పల్లీలపై చాలా మందికి ఉండే అపోహలు, ఇతర విషయాల గురించి సోషల్ మీడియా ద్వారా వెల్లడించారు. ఆయన చెప్పిన ప్రకారం.. పల్లీలు మన ఆరోగ్యానికి మేలే చేస్తాయి. కానీ వాటిని ఏవిధంగా తింటున్నాం, ఎంత మోతాదులో తింటున్నాం అనే విషయాలను గుర్తుంచుకోవాలని చెప్పారు. ఆరోగ్యానికి మేలే.. పల్లీలను తినడం వల్ల మన ఆరోగ్యానికి ఎంతో మేలు జరుగుతుందని డాక్టర్ సుధీర్ కుమార్ తెలిపారు. పల్లీలలో అన్శాచురేటెడ్ ఫ్యాట్స్ ఉంటాయి. ఇవి మన శరీరంలో ఉండే చెడు కొలెస్ట్రాల్ లేదా ఎల్డీఎల్ను తగ్గిస్తాయి. మంచి కొలెస్ట్రాల్ లేదా హెచ్డీఎల్ను పెంచుతాయి. అలాగే పల్లీల్లో ప్లాంట్ స్టెరాల్స్ అనే సమ్మేళనాలు ఉంటాయి. ఇవి పేగుల్లో కొలెస్ట్రాల్ శోషణను అడ్డుకుంటాయి. దీని వల్ల శరీరంలో కొలెస్ట్రాల్ చేరదు. అలాగే వీటిల్లో ఉండే ఫైబర్, ప్రోటీన్లు మన లిపిడ్ ప్రొఫైల్ను మెరుగు పరుస్తాయి. పొట్ట నిండుగా ఉన్న భావను కలిగిస్తాయి. దీని వల్ల బరువును తగ్గించుకోవడం తేలికవుతుంది. అలాగే పల్లీల్లో ఉండే యాంటీ ఆక్సిడెంట్లు మన హృదయ సంబంధ వ్యవస్థకు రక్షణను అందిస్తాయి. వీటిని తరచూ తినడం వల్ల ఎల్డీఎల్ను తగ్గించుకోవచ్చని, దీంతో గుండె జబ్బులు వచ్చే అవకాశాలు చాలా తక్కువగా ఉంటాయని చెప్పారు. ఎలా తింటున్నామన్నదే ముఖ్యం.. అయితే పల్లీలను ఎలా తింటున్నామనేదే ముఖ్యమని డాక్టర్ సుధీర్ కుమార్ అన్నారు. సాల్టెడ్ పీనట్స్ పేరిట వేయించి ఉప్పు చల్లిన పల్లీలను చాలా మంది తింటుంటారని, ఇవి ఆరోగ్యానికి హాని చేస్తాయని తెలిపారు. వీటిని తినడం వల్ల బీపీ పెరుగుతుందని, హైబీపీ వస్తుందని అన్నారు. అలాగే వేయించిన పల్లీలను తింటే వాటిల్లో ఉండే ట్రాన్స్ ఫ్యాట్స్, ఆక్సీకరించబడిన నూనెల కారణంగా శరీరంలో కొవ్వు చేరుతుందని, దీంతో బరువు పెరుగుతామని అన్నారు. ఇలాంటి పల్లీలను తినడం వల్ల గుండె జబ్బులు వచ్చే ప్రమాదం పెరుగుతుందన్నారు. ఇక చక్కెరతోపాటు పల్లీలను కలిపి తిన్నా కూడా ఆరోగ్యానికి హాని కలుగుతుందని, దీంతో ఇన్సులిన్ నిరోధకత పెరిగి టైప్ 2 డయాబెటిస్ వచ్చే ప్రమాదం ఉంటుందని హెచ్చరించారు. అయితే పల్లీలను ఉప్పు లేకుండా పెనంపై కాస్త వేయించి తినవచ్చని, వాటికి చక్కెర కూడా కలపవద్దని సూచించారు. అలాగే పల్లీలను ఉడకబెట్టి కూడా తినవచ్చని, ఇక వీటికి కూడా ఉప్పు కలపవద్దని తెలిపారు. ఇలా పల్లీలను రెండు రకాలుగా తినవచ్చని సూచించారు. అనేక పోషకాలు.. ఇక పల్లీలను ఆరోగ్యకరమైన రీతిలో తిన్నా కూడా మోతాదులోనే తినాలని డాక్టర్ సుధీర్ కుమార్ తెలిపారు. గుప్పెడు పల్లీలు లేదా 25 నుంచి 30 గ్రాముల మోతాదులో వాటిని రోజూ తినవచ్చని సూచించారు. ఆరోగ్యకరమైన విధానంలో పల్లీలను తింటున్నా మోతాదుకు మించి తింటే ప్రయోజనాలు కలగవని, దాంతో నష్టమే కలుగుతుందని తెలిపారు. కనుక పల్లీల ద్వారా ప్రయోజనాలు పొందాలంటే ఆయా విషయాలను గుర్తుంచుకోవాలని ఆయన చెప్పారు. ఇక పల్లీలను తినడం వల్ల అనేక పోషకాలు సైతం లభిస్తాయి. ఆరోగ్యకరమైన మోనో, పాలీ అన్శాచురేటెడ్ కొవ్వులతోపాటు ఓలియిక్, లినోలియిక్ యాసిడ్లు, ప్రోటీన్లు, బయోటిన్, కాపర్, నియాసిన్, ఫోలేట్, మాంగనీస్, విటమిన్ ఇ, థయామిన్, ఫాస్ఫరస్, మెగ్నిషియం వంటి అనేక పోషకాలను వీటి ద్వారా మనం పొందవచ్చు. ఇవి మనకు అనేక విధాలుగా దోహదపడతాయి. Are Peanuts GOOD or BAD for Cholesterol? Peanuts are good for cholesterol, when eaten in the right form and quantity. How do peanuts help cholesterol? 1. Peanuts are rich in unsaturated fats, which help lower LDL (“bad”) cholesterol and support HDL (“good”) cholesterol. 2.… — Dr Sudhir Kumar MD DM (@hyderabaddoctor) December 13, 2025

Peanuts | ప‌ల్లీల‌ను తిన‌డం వ‌ల్ల గుండెకు హాని క‌లుగుతుందా..? అస‌లు వీటిని ఎలా తింటే మంచిది..?

FOLLOW US

ట్యాగ్స్:

సంబంధిత వార్తలు

Green Apple | గ్రీన్ యాపిల్ రోజూ మన డైట్‌లో ఉండాల్సిందే.. ఎందుకంటే..?

Bad Breath | మీ నోరు త‌ర‌చూ దుర్వాస‌న వ‌స్తుందా..? జాగ్ర‌త్త‌.. అది క్యాన్స‌ర్ కావ‌చ్చు..!

Phone Beside Head | ఫోన్‌ను త‌ల ప‌క్క‌న పెట్టి నిద్రిస్తే క్యాన్స‌ర్ వ‌స్తుందా..?

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Ukraine Drones Attack On Moscow | మాస్కోపై ఉక్రెయిన్ డ్రోన్ల దాడి.. ధ్రువీక‌రించిన ర‌ష్యా..

Gig Workers Flash Strike | నేడే గిగ్ వ‌ర్క‌ర్ల దేశ‌వ్యాప్త మెరుపు స‌మ్మె.. ప్ర‌భావం ఎలా ఉండబోతుంది..?

Leo Horoscope | 2026లో సింహ రాశి వారికి అష్ట‌మ శ‌నితో పోరాటం..! చేయాల్సిన ప‌రిహారాలు ఇవే..!!

POPULAR LINKS

Damien Martyn | అత్యంత విష‌మంగా ఆస్ట్రేలియ‌న్ మాజీ క్రికెట‌ర్ ఆరోగ్యం.. ఐసీయూలో చికిత్స‌..

Horoscope | డిసెంబ‌ర్ 31 రాశిఫ‌లాలు.. ఈ రాశి వారికి ఊహించ‌ని ఖ‌ర్చులు..!