Venezuela Oil Reserves | ప్రపంచ చమురు నిధి వెనిజులా: అపారమైన నిల్వలు ఉన్నా తప్పని సవాళ్లు

Venezuela Oil Reserves | ప్రపంచంలోనే అత్యధిక చమురు నిల్వలు ఉన్న దేశంగా వెనిజులాకు రికార్డు ఉంది. అయినా కూడా ఆ దేశం ప్రస్తుతం ఆర్థిక సంక్షోభంలో చిక్కుకుంది. యూఎస్ వల్ల వెనిజులా చమురు నిల్వలు అలాగే ఉండిపోయాయి. చమురు ఉత్పత్తి కూడా నిలిచిపోయింది. ఆర్థిక వ్యవస్థకు వెన్నెముకగా నిలవాల్సిన చమురు ఉన్నా, రాజకీయ, వాణిజ్య ఆంక్షల వల్ల ఆ దేశం ఇబ్బందుల్లో పడింది.

వెనిజులా వద్ద సుమారు 303 బిలియన్ బ్యారెళ్ల చమురు నిల్వలు ఉన్నాయి. ప్రపంచం మొత్తం నిల్వలతో పోల్చితే 17 శాతానికి సమానం.

భారీగా తగ్గిన ఉత్పత్తి

ఒకప్పుడు మిలియన్ల కొద్దీ బ్యారెళ్ల చమురును ఉత్పత్తి చేసిన వెనిజులా, నేడు అందులో కొంత భాగాన్ని మాత్రమే ఉత్పత్తి చేస్తోంది. దీనికి ప్రధాన కారణాలు మౌలిక సదుపాయాల కొరత, పరిపాలనా లోపాలు, నిర్వహణ లోపాలు, అంతర్జాతీయ ఆంక్షలు అని తెలుస్తోంది.

అమెరికా జోక్యం

చమురు సరఫరాపై పట్టు సాధించేందుకు, చైనా వంటి ప్రత్యర్థులను అడ్డుకునేందుకు, తమ ఇంధన భద్రతను బలోపేతం చేసుకునేందుకు అమెరికా ఈ ప్రాంతంలో తన ప్రభావాన్ని చూపుతోంది. అమెరికా విధిస్తున్న ఆంక్షల వల్ల చమురు వాణిజ్య మార్గాలు మారిపోయి, చైనా వంటి దేశాలు ప్రధాన కొనుగోలుదారులుగా తెరపైకి వచ్చాయి. తన పవర్‌ని బలోపేతం చేసుకోవడానికి, లాటిన్ అమెరికాలో తన ప్రభావాన్ని నిలబెట్టుకోవడానికి అమెరికా కూడా ఈ సరఫరాపై పట్టు సాధించేందుకు ప్రయత్నిస్తోంది.

ప్రపంచ దేశాల చమురు నిల్వలు (బిలియన్ బ్యారెళ్లలో):

ప్రపంచవ్యాప్తంగా వివిధ దేశాల వద్ద ఉన్న చమురు నిల్వల వివరాలు కింది విధంగా ఉన్నాయి

దేశం - చమురు నిల్వలు (బిలియన్ బ్యారెల్స్)

వెనిజులా - 303

సౌదీ అరేబియా - 267

ఇరాన్ - 209

కెనడా - 163

ఇరాక్, -145

యూఏఈ - 113

కువైట్ - 102

రష్యా - 80

లిబియా - 48.4

యూఎస్(అమెరికా) - 45

నైజీరియా - 37

కజకిస్తాన్ - 30

చైనా - 28

ఖతర్ - 25

బ్రెజిల్ - 15.9

అల్జీరియా - 12.2

ఈక్వడార్ - 8.3

అంగోలా - 8

అజెర్బేజన్ - 7

మెక్సికో - 5.8

నార్వే - 5.4

ఈజిప్ట్ - 3.3

అర్జెంటినా - 3

మలేషియా - 2.7

కొలంబియా - 2

ఆస్ట్రేలియా - 1.8

యూకే - 1.5

బ్రునెయ్ - 1.1

డెన్మార్క్ - 0.4