Elon Musk Net Worth in Rupees | రూ. 9,49,50,50,00,00,000: ఎలాన్ మస్క్ ‘ట్రిలియన్ డాలర్ల’ ఆస్తితో ఏమేం కొనొచ్చో తెలుసా?

• ప్రపంచంలోనే తొలి 'ట్రిలియనీర్' (Trillionaire) గా ఎలాన్ మస్క్ సరికొత్త రికార్డు సృష్టించే అవకాశం
• భారత కరెన్సీలో మస్క్ ఆస్తి విలువ సుమారు రూ. 9,49,50,50,00,00,000 కు చేరొచ్చని అంచనా
• ఈ సంపద తైవాన్, సింగపూర్ లాంటి ఎన్నో దేశాల జీడీపీ (GDP) కంటే కూడా ఎక్కువ
• ఈ డబ్బుతో ప్రపంచంలోని టాప్-50 స్పోర్ట్స్ టీమ్స్‌ను సునాయాసంగా కొనేయొచ్చు

Elon Musk Net Worth in Rupees | త్రినేత్ర.న్యూస : ప్రపంచ కుబేరుడు, టెస్లా (Tesla) సీఈవో ఎలాన్ మస్క్ (Elon Musk) త్వరలో ఎవరికీ సాధ్యంకాని మరో చారిత్రక మైలురాయిని చేరుకోబోతున్నారు. ప్రపంచంలోనే మొట్టమొదటి 'ట్రిలియనీర్' (Trillionaire) గా ఆయన సరికొత్త రికార్డు సృష్టించే అవకాశం ఉంది. ప్రస్తుత అంచనాల ప్రకారం, బిలియనీర్ ఆంట్రప్రెన్యూర్ అయిన మస్క్ నెట్ వర్త్ (Net worth) త్వరలోనే 1 ట్రిలియన్ డాలర్ల (1 Trillion Dollars) మార్కును దాటనుంది.

రూపాయల్లో చెప్పాలంటే..

ప్రస్తుత ఎక్స్ఛేంజ్ రేట్ ప్రకారం భారత కరెన్సీలో ఇది అక్షరాలా రూ. 9,49,50,50,00,00,000(రూ. 9.49 లక్షల కోట్లు). ఆయన సంపదలో ఎక్కువ భాగం టెస్లా షేర్లు, ఆప్షన్ల (సుమారు $273 బిలియన్లు) రూపంలోనే ఉంది. భవిష్యత్తులో స్పేస్‌ఎక్స్ (SpaceX) ఐపీఓ (IPO) కు వస్తే, మస్క్ ఆస్తికి మరో $841 బిలియన్లు జతకలవొచ్చని సీఎన్ఎన్ (CNN) రిపోర్ట్ అంచనా వేస్తోంది. బ్యాంక్ అకౌంట్‌లో ఉండే క్యాష్ (Cash) లా కాకుండా, మస్క్ సంపద అంతా ఆయన కంపెనీల షేర్ల రూపంలోనే (Ownership stakes) ఉంటుంది. మార్కెట్ పెర్ఫార్మెన్స్ ఆధారంగా దీని విలువ మారుతూ ఉంటుంది.

మస్క్ ఆస్తి ఏ స్థాయిలో ఉందో అర్థం చేసుకోవాలంటే.. ప్రపంచంలోని ఎన్నో దేశాల ఆర్థిక వ్యవస్థల కంటే ఆయన ఒక్కడి ఆస్తే ఎక్కువ. ఆ వివరాలు ఇవే..

దేశాల ఆర్థిక వ్యవస్థల కంటే ఎక్కువ

మస్క్ ట్రిలియన్ డాలర్ల ఆస్తిని ఇతర దేశాలతో పోలిస్తే ఆశ్చర్యపోవాల్సిందే. ప్రపంచంలో కేవలం కొన్ని దేశాలు మాత్రమే మస్క్ సంపద కంటే ఎక్కువ వార్షిక ఆదాయాన్ని (Economic output) ఉత్పత్తి చేస్తున్నాయి. తైవాన్ ($977 బిలియన్లు), ఐర్లాండ్ ($779 బిలియన్లు), స్వీడన్ ($760 బిలియన్లు), సింగపూర్ ($660 బిలియన్లు) లాంటి ఎన్నో దేశాల మొత్తం ఆర్థిక వ్యవస్థలు మస్క్ ఆస్తికి సరిపోవు.

టాప్ బిలియనీర్ల ఆస్తులు కలిపినా..

అమెజాన్ ఫౌండర్ జెఫ్ బెజోస్, ఒరాకిల్ ఫౌండర్ లారీ ఎల్లిసన్, గూగుల్ కో-ఫౌండర్లు లారీ పేజ్, సెర్గీ బ్రిన్.. ఇలా ప్రపంచంలోని దిగ్గజ టెక్ బిలియనీర్ల (Tech billionaires) ఆస్తులన్నీ కలిపితే సుమారు $1.09 ట్రిలియన్లు ఉంటుంది. అంటే వీళ్లందరి ఆస్తులు కలిపితే గానీ మస్క్ ఒక్కడి ఆస్తికి సమానం కాదన్నమాట.

మ్యాన్‌హట్టన్, హ్యూస్టన్ ఆస్తుల కంటే ఎక్కువే..

వాల్ స్ట్రీట్‌కు కేరాఫ్ అడ్రస్ అయిన మ్యాన్‌హట్టన్ (Manhattan) వార్షిక ఆర్థిక ఉత్పత్తి $1 ట్రిలియన్ కంటే కొంచెం ఎక్కువే. అలాగే అమెరికాలోని మూడో అతిపెద్ద నగరమైన, ఆయిల్ అండ్ గ్యాస్ ఇండస్ట్రీకి హబ్ అయిన హ్యూస్టన్ (Houston) లో ఉన్న మొత్తం నివాస, వాణిజ్య ఆస్తుల విలువ $879 బిలియన్లు. ఇవన్నీ ఎలాన్ మస్క్ ట్రిలియన్ డాలర్ల ఆస్తి ముందు చిన్నవే.

స్పోర్ట్స్ టీమ్స్ అన్నీ కొనేయొచ్చు!

ఈ ఆస్తితో క్రీడా లోకంలో ఏమేం చేయొచ్చంటే.. ప్రపంచంలోని టాప్ 50 స్పోర్ట్స్ టీమ్స్‌ (Sports teams) మొత్తం విలువ సుమారు $353 బిలియన్లు అని ఫోర్బ్స్ (Forbes) అంచనా. మస్క్ ట్రిలియన్ డాలర్లతో పోలిస్తే ఇది మూడో వంతు కంటే తక్కువే. అంటే తనకున్న డబ్బుతో ప్రపంచంలో ఉన్న దాదాపు అన్ని ప్రధాన ప్రొఫెషనల్ స్పోర్ట్స్ జట్లను ఆయన సునాయాసంగా కొనేయొచ్చు.