Artificial Intelligence in War | మోడ్రన్ వార్‌ఫేర్‌లో సరికొత్త అస్త్రం.. ఖమేనీని హతమార్చడంలో ‘క్లాడ్ ఏఐ (Claude AI)’ కీలక పాత్ర

Artificial Intelligence in War | త్రినేత్ర.న్యూస్ : యుద్ధం అనగానే మనకు గుర్తొచ్చేది సైనికులు, తుపాకులు, ట్యాంకులు, బాంబుల మోత. రష్యా-ఉక్రెయిన్ యుద్ధం (Russia-Ukraine War) ప్రారంభ దశలో మనం చూసింది కూడా ఇదే. కానీ కాలం మారింది. ఇప్పుడు యుద్ధ భూమిలో శత్రువును మట్టికరిపించడానికి తుపాకుల కన్నా అత్యంత శక్తివంతమైన ఆయుధం ఒకటి వచ్చి చేరింది.. అదే ఆర్టిఫిషియల్ ఇంటెలిజెన్స్ (Artificial Intelligence - AI).

ఫిబ్రవరి 28, 2026న ఇరాన్ సుప్రీం లీడర్ అయతుల్లా అలీ ఖమేనీని (Ali Khamenei) అమెరికా, ఇజ్రాయెల్ బలగాలు సంయుక్తంగా హతమార్చిన తీరు ప్రపంచాన్ని విస్మయానికి గురిచేసింది. ఈ దాడిలో వారు ప్రయోగించిన క్షిపణుల కన్నా, ఆ దాడులను ప్లాన్ చేయడానికి వాడిన 'ఏఐ (AI)' టెక్నాలజీ గురించే ఇప్పుడు ప్రపంచవ్యాప్తంగా చర్చ జరుగుతోంది. అసలు అమెరికా మిలిటరీ వాడిన ఆ టెక్నాలజీ ఏంటి? అది ఇరాన్ నాయకత్వాన్ని ఎలా దెబ్బకొట్టింది?

పాత యుద్ధాలకు, మోడ్రన్ వార్‌ఫేర్‌కు తేడా ఇదే!

భారత వాయుసేన చేసిన 'ఆపరేషన్ సింధూర్' (Operation Sindhoor) లో మనం ఏఐ, మిసైల్ టెక్నాలజీ కలయికను కొంతవరకు చూశాం. పాకిస్తాన్ రాడార్లను ఏమార్చడానికి అప్పట్లో మనం చిన్న ఎయిర్ క్రాఫ్ట్ లను వాడాం. కానీ ఇరాన్ పై జరిగిన దాడి పూర్తిగా భిన్నమైనది. ఇది ముఖాముఖి యుద్ధం కాదు, కేవలం ఏఐ అల్గారిథమ్స్ నడిపించిన 'డిజిటల్ కంబాట్'.

ఈ ఆపరేషన్ లో అమెరికా.. శాన్ ఫ్రాన్సిస్కోకు చెందిన ఆంత్రోపిక్ (Anthropic) అనే సంస్థ రూపొందించిన క్లాడ్ (Claude) అనే అత్యాధునిక ఏఐ మోడల్‌ను వాడినట్లు నివేదికలు స్పష్టం చేస్తున్నాయి. ఇది మనం రెగ్యులర్ గా వాడే చాట్‌జీపీటీ (ChatGPT) లాంటిది కాదు, అత్యంత లోతైన ఇంటెలిజెన్స్ డేటాను ప్రాసెస్ చేయగల హై-ఎండ్ మిలిటరీ వర్షన్.

ఆంత్రోపిక్ క్లాడ్ (Anthropic Claude AI) ఎలా పనిచేసింది?

ఖమేనీ ఎక్కడ ఉంటున్నాడు? ఏ సమయానికి బయటకు వస్తున్నాడు? ఏ కారు వాడుతున్నాడు? లాంటి వివరాలను తెలుసుకోవడానికి ఇజ్రాయెల్ ఇంటెలిజెన్స్ (Mossad), అమెరికన్ సీఐఏ (CIA) గత ఏడాది కాలంగా ఖమేనీ కదలికలను ట్రాక్ చేశాయి. సాటిలైట్ ఇమేజెస్, ట్రాఫిక్ కెమెరాలు, ఫోన్ కాల్స్ డేటా, మరియు వాట్సాప్/టెలిగ్రామ్ లాంటి ఇంటర్సెప్షన్స్ ద్వారా భారీ డేటాను సేకరించాయి.

ఒక మనిషి మెదడు ఇంతటి భారీ డేటాను విశ్లేషించి, ఒక నిర్దిష్టమైన ప్యాటర్న్ (Pattern) ను కనిపెట్టడానికి నెలల సమయం పడుతుంది. కానీ అమెరికా ఈ డేటాను మొత్తాన్ని క్లాడ్ ఏఐ ప్లాట్‌ఫామ్‌లో వేసి విశ్లేషించింది. ఈ ఏఐ కేవలం నిమిషాల్లోనే ఖమేనీ దినచర్యను ఒక ప్యాటర్న్ లాగా విడగొట్టి చూపించింది. "ప్రతి శనివారం ఉదయం 11 గంటలకు ఆయన కాంపౌండ్‌లోనే ఒక మీటింగ్ జరుగుతుంది" అన్న విషయాన్ని ఏఐ పక్కాగా కనిపెట్టింది.

టార్గెట్ ఐడెంటిఫికేషన్ అండ్ బ్యాటిల్ సిమ్యులేషన్

క్లాడ్ ఏఐ కేవలం సమాచారాన్ని విశ్లేషించడానికే పరిమితం కాలేదు. అది మూడు ముఖ్యమైన పనులు చేసింది:

1. ఇంటెలిజెన్స్ అసెస్‌మెంట్ (Intelligence Assessment): శత్రువుల బలాబలాలు, వారి రాడార్ సిస్టమ్స్ ఎక్కడ ఉన్నాయి, వాటిని ఎలా నిర్వీర్యం చేయాలి అనేది అంచనా వేసింది.
2. టార్గెట్ ఐడెంటిఫికేషన్ (Target Identification): ఖమేనీ ఎక్కడ ఉన్నాడు? అతనితో పాటు ఎంతమంది కమాండర్లు ఉన్నారు? వారి బాడీ లాంగ్వేజ్, కారు నంబర్లతో సహా పక్కాగా గుర్తుపట్టింది. గతంలో ఇరాన్ టాప్ కమాండర్ కాసిం సులేమానీని కూడా అచ్చం ఇలాగే కారు ప్యాటర్న్ ను బట్టి డ్రోన్ దాడిలో చంపారు.
3. బ్యాటిల్ సిమ్యులేషన్ (Battle Simulation): దాడికి ముందు ఏం జరగబోతోందో ఏఐ ముందే ఊహించింది. ఏ మిసైల్ ఎక్కడ పడాలి? ముందుగా ఏ టార్గెట్‌ను కొట్టాలి? అనేది సెకన్ల వ్యవధిలో ప్లాన్ చేసింది.

"స్పీడ్ ఆఫ్ థాట్".. ఊహకందని వేగం!

న్యూకాజిల్ యూనివర్సిటీకి చెందిన సీనియర్ లెక్చరర్ క్రెయిగ్ జోన్స్ (Craig Jones) తెలిపిన వివరాల ప్రకారం, ఈ ఏఐ టెక్నాలజీ "స్పీడ్ ఆఫ్ థాట్ (Speed of Thought)" కంటే వేగంగా పనిచేస్తుంది. అంటే మనం ఆలోచించే లోపే, ఏఐ శత్రువును ఎలా కొట్టాలో నిర్ణయించేస్తుంది. దీనివల్ల "కిల్ చైన్ (Kill Chain)" సమయం తగ్గిపోయింది. ఒక టార్గెట్‌ను గుర్తించడం, చట్టపరమైన అనుమతులు తీసుకోవడం, దాడి చేయడం.. ఈ మొత్తం ప్రాసెస్ గతంలో రోజులు, వారాలు పట్టేది. కానీ ఇప్పుడు ఏఐ పుణ్యమా అని సెకన్లలోనే జరిగిపోతోంది.  తొలి 12 గంటల్లోనే ఇజ్రాయెల్, అమెరికా కలిసి దాదాపు 900 స్ట్రైక్స్ చేశాయంటే, ఏఐ ఎంత వేగంగా టార్గెట్లను ఇచ్చిందో అర్థం చేసుకోవచ్చు.

సముద్రం నడిబొడ్డు నుంచి ఇరాన్ ఇంటర్నెట్ బంద్!

ఖమేనీపై భౌతికంగా బాంబులు పడటానికి ముందు, సముద్రంలో ఉన్న అమెరికన్ వార్ షిప్స్ (USS అబ్రహం లింకన్, గెరాల్డ్ ఆర్ ఫోర్డ్) నుంచి సైబర్ నిపుణులు ఇరాన్ పై సైబర్ దాడి చేశారు. ఏఐ సాయంతో ఇరాన్ ఎలక్ట్రిసిటీ గ్రిడ్‌లను, ఇంటర్నెట్ నెట్‌వర్క్‌లను హ్యాక్ చేసి క్షణాల్లో డిసేబుల్ చేశారు. దీనివల్ల ఇరాన్ రాడార్ సిస్టమ్స్ పని చేయలేదు. దాడి జరుగుతోందని ఇరాన్ సైన్యానికి తెలిసేలోపే, ఇజ్రాయెల్ నుంచి వచ్చిన 200లకు పైగా ఫైటర్ జెట్స్ (Fighter Jets) ఖమేనీ కాంపౌండ్ పై విరుచుకుపడ్డాయి. రాత్రిపూట దాడులు జరుగుతాయని ఇరాన్ అనుకుంటే, పక్కా ప్లానింగ్ తో పగటిపూటే ఈ దాడిని ఏఐ డిజైన్ చేసింది.

నైతికతపై ప్రశ్నలు.. ఆంత్రోపిక్ ఏఐతో అమెరికా గొడవ

మిలిటరీ దాడుల్లో ఏఐని వాడటంపై ఇప్పుడు ప్రపంచవ్యాప్తంగా నైతిక ప్రశ్నలు తలెత్తుతున్నాయి. మనుషుల ప్రాణాలు తీసే నిర్ణయాలను ఒక కంప్యూటర్ ప్రోగ్రామ్‌కు ఎలా వదిలేస్తారని నిపుణులు ప్రశ్నిస్తున్నారు. దీన్నే వాళ్లు "కాగ్నిటివ్ ఆఫ్-లోడింగ్ (Cognitive Off-loading)" అంటున్నారు. అంటే మనిషి తన బాధ్యతను యంత్రం మీద పెట్టేసి, తప్పు జరిగితే యంత్రానిదే అని తప్పించుకునే ప్రమాదం ఉంది.

వాస్తవానికి క్లాడ్ ఏఐని తయారు చేసిన ఆంత్రోపిక్ సంస్థకు, అమెరికా రక్షణ శాఖ (Pentagon) కు మధ్య ఈ విషయమై పెద్ద గొడవ జరిగింది. స్వతంత్రంగా దాడులు చేసే ఆయుధాల కోసం తమ ఏఐని వాడవద్దని ఆంత్రోపిక్ సంస్థ తెగేసి చెప్పింది. దీంతో అమెరికా పెంటగాన్.. ఆంత్రోపిక్ ను పక్కనబెట్టి, చాట్‌జీపీటీ సృష్టికర్త సామ్ ఆల్ట్‌మాన్ (Sam Altman) కు చెందిన ఓపెన్ ఏఐ (OpenAI) తో మిలిటరీ అవసరాల కోసం కొత్త ఒప్పందం కుదుర్చుకుంది.

ఏది ఏమైనా ఇరాన్ లో జరిగిన ఈ దాడి, భవిష్యత్తు యుద్ధాలు ఎలా ఉండబోతున్నాయో చెప్పకనే చెబుతోంది. ట్యాంకులు, తుపాకుల కంటే డేటా (Data), అల్గారిథమ్స్ (Algorithms) అత్యంత భయంకరమైన ఆయుధాలుగా మారబోతున్నాయి. ఈ టెక్నాలజీ మంచికి వాడితే ఎంత లాభమో, సైనిక అవసరాల కోసం వాడితే అంతకంటే వేగంగా వినాశనాన్ని సృష్టిస్తుందని అనడంలో ఎలాంటి సందేహం లేదు.