Traffic Restrictions | ట్రాఫిక్ అల‌ర్ట్‌.. మే 20 వ‌ర‌కు ఎర్ర‌మంజిల్ నుంచి పంజాగుట్ట వ‌ర‌కు ఆంక్ష‌లు

Traffic Restrictions | త్రినేత్ర‌.న్యూస్‌: హైద‌రాబాద్ (Hyderabad) వాహ‌న‌దారుల‌కు బిగ్ అల‌ర్ట్‌ (Traffic Alert). న‌గ‌రంలో మ‌రోచోట ట్రాఫిక్ ఆంక్ష‌లు (Traffic Restrictions) అమ‌ల్లోకి వ‌చ్చాయి. ఇప్ప‌టికే ఉప్ప‌ల్‌, గ‌చ్చిబౌలి ప్రాంతాల్లో దారి మ‌ళ్లింపులు, రోడ్ల మూసివేత‌లు కొన‌సాగుతున్నాయి. తాజాగా ఎర్రమంజిల్ మెట్రో స్టేషన్ నుంచి పంజాగుట్ట వైపు వాహ‌నాల రాక‌పోక‌ల‌పై ఆంక్ష‌లు విధించారు. మే 20 వ‌ర‌కు ఈ ఆంక్ష‌లు అమ‌లులో ఉంటాయ‌ని ట్రాఫిక్ పోలీసులు స్ప‌ష్టం చేశారు.

ఎర్రమంజిల్ మెట్రో స్టేషన్ నుంచి పంజాగుట్ట జంక్షన్ వరకు ఒకవైపు, పంజాగుట్ట మార్కెట్ నుంచి ఏషియన్ గ్యాస్ట్రో ఎంట్రాలజీ వరకు మరోవైపు భూగర్భ డ్రైనేజీ పనులు సాగుతున్నాయి. ఈ నేప‌థ్యంలో వాహ‌నాలు నెమ్మ‌దిగా క‌దిలే అవ‌కాశం ఉందని, ప్రత్యామ్నాయ మార్గాలను ఎంచుకోవాలని సూచించారు. అనివార్యమైన పరిస్థితుల్లో ప్రయాణికులకు ఏవైనా ఇబ్బందులు ఎదురైతే ట్రాఫిక్ హెల్ప్​లైన్ నంబర్ 90102 03626ను సంప్ర‌దించాల‌న్నారు.