Ponnam Prabhakar | మున్నూరు కాపు భవన నిర్మాణానికి 5 కోట్లు కేటాయించ‌డం సంతోష‌క‌రం: పొన్నం ప్ర‌భాక‌ర్‌

Ponnam Prabhakar | త్రినేత్ర న్యూస్‌: హైదరాబాద్ కోకాపేటలో మున్నూరు కాపు ఆత్మగౌరవ భవన (Munnuru Kapu Self-Respect Building) నిర్మాణానికి రూ.5 కోట్లు కేటాయించడం శుభ ప‌రిణామ‌మ‌ని మంత్రి పొన్నం ప్ర‌భాక‌ర్ అన్నారు. ఈ సంద‌ర్భంగా రాష్ట్ర ప్రభుత్వానికి ధన్యవాదాలు తెలిపే కార్య‌క్ర‌మం నిర్వ‌హించ‌డం సంతోష‌క‌ర‌మ‌న్నారు. జూబ్లీహిల్స్ ఎమ్మెల్యే కల్చరల్ సెంటర్‌లో మున్నూరు కాపు ఆధ్వర్యంలో గురువారం ఏర్పాటు చేసిన కార్య‌క్ర‌మంలో ఆయ‌న ముఖ్య అతిథిగా హాజ‌రై మాట్లాడారు.

ఈ కార్యక్రమంలో ప్రభుత్వ విప్ ఆది శ్రీనివాస్, ప్లానింగ్ కమిషన్ వైస్ చైర్మన్ గద్వాల విజయ లక్ష్మీ, ఎమ్మెల్సీ దండే విఠల్, మున్నూరు కాపు కార్పొరేషన్ చైర్మన్ బొమ్మ శ్రీరామ్ చక్రవర్తి, మాజీ ఎమ్మెల్యే దానం నాగేందర్, కరీంనగర్ జిల్లా గ్రంథాలయ సంస్థ చైర్మన్ సత్తు మల్లేశ్‌, వినయ్ కుమార్, బొంతు రామ్మోహన్, గాలి అనిల్ కుమార్, బీసీ సంక్షేమ శాఖ కమిషనర్ బాల మాయాదేవి, ఇతర ముఖ్య నేతలు, అధికారులు పాల్గొన్నారు.