Kanchi Cafe | ఇక కొండాపూర్‌లోనూ ‘కంచి కేఫ్‌’.. నోరూరురిస్తున్న వంట‌కాలు..!

Kanchi Cafe | త్రినేత్ర‌.న్యూస్ : ఆహార ప్రియుల‌కు శుభ‌వార్త‌. అది కూడా ద‌క్షిణాది వంట‌కాల‌ను అమితంగా ఇష్ట‌ప‌డే ఫుడ్ ల‌వ‌ర్స్‌కు మరింత హ్యాపీనెస్. ఎందుకంటే.. సౌత్ ఇండియ‌న్ వంట‌కాల‌కు ప్ర‌సిద్ధి గాంచిన కంచి కేఫ్‌.. ఇప్పుడు మ‌న కొండాపూర్‌లో అందుబాటులోకి వ‌చ్చింది.

హైటెక్ సిటీకి స‌మీపంలోని కొండాపూర్‌లో నూత‌నంగా ఏర్పాటు చేసిన కంచి కేఫ్‌ను శేరిలింగంప‌ల్లి ఎమ్మెల్యే అరికెపూడి గాంధీ బుధ‌వారం ప్రారంభించారు. ద‌క్షిణాది వంట‌కాల‌ను కొండాపూర్ ప్ర‌జ‌ల‌కు, సాఫ్ట్‌వేర్ ఉద్యోగుల‌కు అందుబాటులోకి తీసుకొచ్చినందుకు కంచి కేఫ్ నిర్వాహ‌కుల‌ను ఎమ్మెల్యే అభినందించారు.

అనంత‌రం కంచి కేఫ్ నిర్వాహ‌కులు మాట్లాడుతూ.. ఇప్ప‌టికే హైటెక్ సిటీ, మ‌ణికొండ‌, కొంప‌ల్లి, నాగోల్, న‌ల్ల‌గండ్ల‌, క‌ర్నూల్‌లో అందుబాటులోకి వ‌చ్చాయ‌న్నారు. త్వ‌ర‌లోనే హ‌నుమ‌కొండ‌తో పాటు గోవాలో త‌మ కేఫ్‌ను అందుబాటులోకి తీసుకువ‌స్తామ‌న్నారు. కంచి కేఫ్‌లో దోశ‌, ఇడ్లీ, త‌ట్టె ఇడ్లీ, ఫిల్ట‌ర్ కాఫీతో పాటు ద‌క్షిణాదికి చెందిన ఇత‌ర టిఫిన్స్‌ను కూడా అందుబాటులో ఉన్నాయ‌న్నారు.