Hyderabad Traffic Alerts | పాతబస్తీ వాసులకు ట్రాఫిక్ అలర్ట్: ఛత్రినాక – కందికల్ గేట్ రూట్‌లో వెళ్తున్నారా? అయితే ఈ డైవర్షన్స్ తెలుసుకోండి!

• హైదరాబాద్‌లోని ఛత్రినాక నుంచి కందికల్ గేట్ ఫ్లైఓవర్ వరకు సీసీ రోడ్డు పనులు
• జూలై 1, 2026 నుంచి పనులు పూర్తయ్యే వరకు ఈ రూట్‌లో వాహనాల రాకపోకలపై ఆంక్షలు
• ఉప్పుగూడ, లాల్ దర్వాజా, గౌలిపురా వైపు నుంచి వచ్చే వాహనదారులకు ట్రాఫిక్ మళ్లింపు
• ప్రయాణంలో అత్యవసర సహాయం కోసం 9010203626 ట్రాఫిక్ హెల్ప్‌లైన్‌ను సంప్రదించాలని పోలీసుల సూచన

Hyderabad Traffic Alerts | త్రినేత్ర.న్యూస్ : హైదరాబాద్ పాతబస్తీ (Old City) మీదుగా ప్రతిరోజూ ప్రయాణించే వారికి నగర ట్రాఫిక్ పోలీసులు (Traffic Police) కీలక అలర్ట్ జారీ చేశారు. ఓపీ ఛత్రినాక నుంచి కందికల్ గేట్ ఫ్లైఓవర్ (Kandikal Gate Flyover) ప్రారంభం వరకు సుమారు 225 మీటర్ల మేర సీసీ రోడ్డు నిర్మాణ పనులు చేపడుతున్నారు. ఈ నేపథ్యంలో జూలై 1 నుంచి పనులు పూర్తయ్యే వరకు ఆ రూట్‌లో భారీగా ట్రాఫిక్ డైవర్షన్స్ (Traffic diversions) అమలులో ఉంటాయని జాయింట్ సీపీ (ట్రాఫిక్) డి. జోయల్ డేవిస్ వెల్లడించారు.

ఛత్రినాక నుంచి చంద్రాయణగుట్ట ఫ్లైఓవర్ (ఓల్డ్ గుట్ట ఎక్స్ రోడ్) కు వెళ్లేందుకు ఇది ప్రధాన రహదారి కావడంతో నిత్యం రద్దీగా ఉంటుంది. వాహనదారులు ట్రాఫిక్ జామ్‌లో చిక్కుకోకుండా ఉండేందుకు పోలీసులు కింది ప్రత్యామ్నాయ మార్గాలను సూచించారు.

ముఖ్యమైన ట్రాఫిక్ మళ్లింపులు ఇవే

నల్లవాగు శ్మశానవాటిక (Graveyard) రూట్: ఇటువైపు నుంచి కందికల్ గేట్ ఫ్లైఓవర్ వైపు వెళ్లే అన్ని వాహనాలను నల్లవాగు శ్మశానవాటిక ‘యు-టర్న్’ (U-Turn) వద్ద ఓల్డ్ గుట్ట వైపు మళ్లిస్తారు.

లాల్ దర్వాజా (Lal Darwaza) రూట్: ఇక్కడి నుంచి ఓపీ ఛత్రినాక వైపు వచ్చే వాహనదారులను బాబా బార్ లేన్ (Baba Barlane) దగ్గర ఇంజిన్ బౌలి వైపు డైవర్ట్ చేస్తారు.

గౌలిపురా (Gowlipura) రూట్: ఈ మార్గం గుండా ఓపీ ఛత్రినాక వైపు వెళ్లే ప్రయాణికులను ఓపీ ఛత్రినాక వద్దే లాల్ దర్వాజా వైపు మళ్లిస్తారు.

ఉప్పుగూడ (Uppuguda) రూట్: ఇటు వైపు నుంచి ఓపీ ఛత్రినాక వైపు వెళ్లే వాహనాలకు అసలు అనుమతి లేదు (No Entry). ఈ వాహనాలను ముందుగానే పంచముఖి హనుమాన్ టెంపుల్ దగ్గర గౌలిపురా వైపు మళ్లిస్తారు.

పోలీసుల విజ్ఞప్తి

వాహనదారులు, స్థానికులు ఈ ట్రాఫిక్ ఆంక్షలను గమనించి తమ ప్రయాణాలను ప్లాన్ చేసుకోవాలని, వీలైనంత వరకు ఈ మార్గాలను అవాయిడ్ చేసి ప్రత్యామ్నాయ దారుల్లో వెళ్లాలని పోలీసులు విజ్ఞప్తి చేశారు.

ట్రాఫిక్ తాజా సమాచారం, అప్‌డేట్స్ కోసం హైదరాబాద్ ట్రాఫిక్ పోలీస్ ఫేస్‌బుక్ పేజీ లేదా ఎక్స్ ఖాతాలను ఫాలో కావాలని సూచించారు. ప్రయాణంలో ఎలాంటి ఎమర్జెన్సీ (Emergency) వచ్చినా, ట్రాఫిక్ జామ్‌లో ఇబ్బంది పడినా తక్షణ సహాయం కోసం ట్రాఫిక్ హెల్ప్‌లైన్ నెంబర్ 9010203626 కు కాల్ చేయాలని అధికారులు కోరారు.