Fire Accident | హైద‌రాబాద్ న‌గ‌రంలో మ‌రో భారీ అగ్నిప్ర‌మాదం

Fire Accident | త్రినేత్ర‌.న్యూస్ : రాష్ట్ర రాజ‌ధాని హైద‌రాబాద్ న‌గ‌రాన్ని వ‌రుస‌గా అగ్నిప్ర‌మాదాలు వెంటాడుతున్నాయి. మూడు నాలుగు రోజుల క్రితం చందాన‌గ‌ర్ ఫ‌ర్నీచ‌ర్ షాపులో, టోలిచౌకీలోని ఓ టైర్ల దుకాణంలో అగ్నిప్ర‌మాద ఘ‌ట‌న‌లు మరువ‌క ముందే మ‌రో భారీ అగ్నిప్ర‌మాదం జ‌రిగింది.

తాజాగా సోమ‌వారం మ‌ధ్యాహ్నం ఫ‌ల‌క్‌నుమా ప్యాలెస్ స‌మీపంలోని ఓ ఫ‌ర్నీచ‌ర్ షాపులో మంట‌లు చెల‌రేగాయి. అగ్నికీల‌లు భారీగా ఎగిసిప‌డ్డాయి. క్ష‌ణాల్లోనే మంట‌లు ఫ‌ర్నీచ‌ర్ షాపును వ్యాపించాయి. దీంతో ద‌ట్ట‌మైన పొగ‌లు అలుముకోవ‌డంతో స్థానికులు తీవ్ర భ‌యాందోళ‌న‌కు గుర‌య్యారు. అంతేకాకుండా ఫ‌ర్నీచ‌ర్ షాపు వెనుకాలే.. ఇండియ‌న్ గ్యాస్ గోదాం ఉండ‌డంతో మ‌రింత భ‌యాందోళ‌న‌కు గుర‌య్యారు. కానీ స‌కాలంలో అగ్నిమాప‌క సిబ్బంది స్పందించి మంట‌ల‌ను అదుపు చేసింది. దీంతో పెను ప్ర‌మాదం త‌ప్పింది. స్థానికులు, పోలీసులు ఊపిరి పీల్చుకున్నారు.

https://x.com/HYDTP/status/2033504276312441061