Cyberabad Traffic Police | రేపు, ఎల్లుండి త్వ‌ర‌గా లాగౌట్ అవ్వండి.. టెకీల‌కు సైబ‌రాబాద్ పోలీసుల సూచ‌న‌

Cyberabad Traffic Police | త్రినేత్ర న్యూస్ : ఈ నెల 4, 5 తేదీల్లో హైద‌రాబాద్ న‌గ‌రంలో మోస్తరు నుంచి భారీ వ‌ర్షాలు కురిసే అవ‌కాశం ఉన్నందున సైబ‌రాబాద్ పోలీసులు ఐటీ ఉద్యోగుల‌ను అప్ర‌మ‌త్తం చేశారు. ట్రాఫిక్ ర‌ద్దీని దృష్టిలో ఉంచుకుని ఉద్యోగులు త్వ‌ర‌గా లాగౌట్ కావాల‌ని సూచించారు. వీలైతే మ‌ధ్యాహ్నం 2 గంట‌ల నుంచి సాయంత్రం 4 గంట‌ల వ‌ర‌కు ద‌శ‌లవారీగా లాగౌట్ కావాల‌ని పోలీసులు తెలిపారు.

త్వ‌ర‌గా లాగౌట్ అయితే ఎలాంటి ఇబ్బందులు ఎదుర్కోకుండా ఉద్యోగులు సుర‌క్షితంగా ఇంటికి చేరుకోవ‌చ్చు అని పోలీసులు పేర్కొన్నారు. వీలైతే ఐటీ కంపెనీలు త‌మ ఉద్యోగ‌స్తుల‌కు వ‌ర్క్ ఫ్ర‌మ్ హోమ్ వెసులుబాటు క‌ల్పించాల‌ని పోలీసులు సూచించారు.