Hyderabad Traffic Advisory | ఆదివారం నీట్ పరీక్ష రాసే అభ్యర్థులకు అలర్ట్.. హైదరాబాద్‌లో ఆ రూట్లలో భారీగా ట్రాఫిక్ ఆంక్షలు

• ఆగస్టు 30 (ఆదివారం) ఉదయం 5:00 నుంచి 11:30 గంటల వరకు హైదరాబాద్ మారథాన్-2026 నిర్వహణ
• మాదాపూర్, హైటెక్ సిటీ, రాయదుర్గం, గచ్చిబౌలి మార్గాల్లో ట్రాఫిక్ ఆంక్షలు, డైవర్షన్లు అమలు
• అదే రోజు నీట్-పీజీ పరీక్ష ఉన్నందున అభ్యర్థులు మారథాన్ రూట్లను నివారించాలని పోలీసుల సూచన
• పరీక్షా కేంద్రాలకు సకాలంలో చేరుకునేందుకు ప్రత్యామ్నాయ మార్గాలను ఎంచుకుని ముందుగానే బయలుదేరాలని విజ్ఞప్తి

Hyderabad Traffic Advisory | త్రినేత్ర.న్యూస్ : హైదరాబాద్ నగరంలో ఆగస్టు 30, ఆదివారం నాడు నీట్-పీజీ (NEET-PG) ప్రవేశ పరీక్ష రాయబోతున్న అభ్యర్థులకు సైబరాబాద్ ట్రాఫిక్ పోలీసులు అత్యవసర ట్రాఫిక్ అడ్వైజరీ (Traffic Advisory) జారీ చేశారు. అదే రోజు నగరంలో 15వ ఎడిషన్ 'ఎన్ఎండీసీ హైదరాబాద్ మారథాన్ 2026' (NMDC Hyderabad Marathon) జరగనుండటంతో ఐటీ కారిడార్‌లోని ప్రధాన రహదారుల్లో ట్రాఫిక్ ఆంక్షలు, డైవర్షన్లు అమలులో ఉంటాయని స్పష్టం చేశారు.

ఆదివారం ఉదయం 5:00 గంటల నుంచి ఉదయం 11:30 గంటల వరకు మారథాన్ రన్ కొనసాగనుంది. ఈ నేపథ్యంలో విద్యార్థులు ట్రాఫిక్ జామ్‌లలో చిక్కుకోకుండా ఉండేందుకు ప్రయాణాన్ని ముందుగానే ప్లాన్ చేసుకోవాలని పోలీసులు కోరారు. మారథాన్ సాగే మార్గాలను నివారించి, ఎగ్జామ్ సెంటర్లకు చేరుకోవడానికి ఆల్టర్నేట్ (Alternative) రూట్లను ఎంచుకోవాలని సూచించారు.

ఈ ప్రధాన మార్గాల్లో ఆంక్షలు (Avoid These Routes)

మారథాన్ జరిగే కింది రూట్లలో రాకపోకలను తగ్గించాలని లేదా నివారించాలని పోలీసులు అభ్యర్థులకు సూచించారు.

రూట్ 1: కేబుల్ బ్రిడ్జ్ ➔ ఐటీసీ కోహినూర్ ➔ మై హోమ్ అభ్ర ➔ ఐకియా (మైండ్‌స్పేస్ రోటరీ) ➔ బయోడైవర్సిటీ జంక్షన్ / ఎన్‌సీబీ ➔ గచ్చిబౌలి ఫ్లైఓవర్ ➔ ఇందిరా నగర్ ➔ ట్రిపుల్ ఐటీ (IIIT) జంక్షన్ ➔ గచ్చిబౌలి స్టేడియం & హెచ్‌సీయూ (HCU) గేట్ నం.2.

రూట్ 2 (10K రన్): హైటెక్స్ (HITEX) ➔ ఎన్ఏసీ (NAC) మెయిన్ గేట్ ➔ ఖానామెట్ జంక్షన్ ➔ మెటల్ చార్మినార్ ➔ టెక్ మహీంద్రా ➔ లెమన్ ట్రీ హోటల్ ➔ రాయదుర్గం మెట్రో స్టేషన్ ➔ ఐకియా అండర్‌పాస్.

పరీక్ష సమయానికి ఎలాంటి ఆటంకం కలగకుండా ముందే సెంటర్లకు చేరుకోవాలని, ప్రశాంతమైన వాతావరణంలో పరీక్ష రాయాలని సైబరాబాద్ ట్రాఫిక్ పోలీసులు నీట్-పీజీ అభ్యర్థులకు ఆల్ ది బెస్ట్ తెలిపారు.

🚨 TRAFFIC ADVISORY | NEET-PG EXAMINATION
In view of the NMDC Hyderabad Marathon 2026 on 30.08.2026 (Sunday), 5:00 AM–11:30 AM, traffic restrictions/diversions are expected along major routes in Madhapur–HITEC City–Raidurg–Gachibowli.

🎓 NEET-PG candidates are advised to:
•… pic.twitter.com/2xpb5TVVU2

— Cyberabad Traffic Police (@CYBTRAFFIC) August 28, 2026