Bomb Threat | బేగంపేట వాతావ‌ర‌ణ కార్యాల‌యానికి బాంబు బెదిరింపు..

Bomb Threat | త్రినేత్ర‌.న్యూస్‌: హైద‌రాబాద్ బేగంపేట‌లో బాంబు బెదిరింపు (Bomb Threat) క‌ల‌క‌లం సృష్టించింది. వాతావ‌ర‌ణ శాఖ కార్యాల‌యానికి (IMD) బెదిరింపు రావ‌డంతో పోలీసులు అప్ర‌మ‌త్త‌మ‌య్యారు. వెంట‌నే కార్యాల‌యంలో త‌నిఖీలు చేప‌ట్టారు. డాగ్ స్క్వాడ్ (Dog Squad), బాంబ్ స్క్వాడ్ (Bomb Squad) బృందాలు కార్యాలయం అంతటా క్షుణ్నంగా తనిఖీలు నిర్వ‌హించారు. నిత్యం వాతావరణ సమాచారంతో బిజీగా ఉండే అధికారులు, సిబ్బంది ఆందోళ‌న‌కు గుర‌య్యారు. త‌నిఖీల అనంత‌రం ఎలాంటి ప్ర‌మాద‌క‌ర వ‌స్తువులు లేవ‌ని గుర్తించారు.

కాగా, ఇటీవల కాలంలో ఫేక్ బాంబ్ బెదిరింపులు ఎక్కువ‌డంతో ప్ర‌జ‌లు అప్ర‌మ‌త్తంగా ఉండాల‌ని పోలీసులు సూచించారు. నిందితులను గుర్తించేందుకు సైబర్ క్రైమ్ విభాగం రంగంలోకి దిగినట్లు తెలుస్తున్న‌ది.