ABN Radhakrishna Family Dispute | ఏబీఎన్ ఆర్కే కుటుంబంలో లీడర్‌షిప్ మార్పుల కలకలం.. అల్లుడు కోగంటి భాను సంచలన ట్వీట్, ఆపై క్లారిఫికేషన్!

• ఏబీఎన్ సంస్థలో కీలక మార్పులు
• కొత్త బాధ్యతలు
• వైరల్ అయిన అల్లుడి ట్వీట్
• తరువాత స్పష్టత

ABN Radhakrishna Family Dispute | త్రినేత్ర న్యూస్ : ప్రముఖ తెలుగు మీడియా సంస్థ 'ఏబీఎన్ ఆంధ్రజ్యోతి' (ABN Andhra Jyothy) మాతృసంస్థ అయిన ఆమోద బ్రాడ్‌కాస్టింగ్ కంపెనీలో (Aamoda Broadcasting Company Pvt. Ltd.) చోటుచేసుకున్న టాప్ మేనేజ్‌మెంట్ మార్పులు ఇప్పుడు రాజకీయ, మీడియా వర్గాల్లో హాట్ టాపిక్‌గా మారాయి. సంస్థలో వచ్చిన నాయకత్వ మార్పుల నేపథ్యంలో ఆర్కే అల్లుడు కోగంటి భాను ప్రకాష్ చేసిన ట్వీట్లు తీవ్ర చర్చనీయాంశంగా మారాయి.

మేనేజింగ్ డైరెక్టర్ నుంచి చైర్మన్‌గా ఆర్కే.. కొత్త బాధ్యతలు

అక్టోబర్ 9, 2026న ఏబీఎన్ సంస్థ ఇంటర్ ఆఫీస్ కమ్యూనికేషన్ ద్వారా వెలువరించిన వివరాల ప్రకారం.. సంస్థ అధినేత వి. రాధాకృష్ణ (V. Radhakrishna) ఇప్పటివరకు నిర్వహిస్తున్న మేనేజింగ్ డైరెక్టర్ (MD) హోదా నుంచి చైర్మన్ స్థాయికి మారారు.

అలాగే బోర్డు నిర్ణయం మేరకు ఆయన కుమారుడు ఆదిత్య వేమూరి (Aditya Vemuri) కొత్త మేనేజింగ్ డైరెక్టర్‌గా, కుమార్తె అనూష వేమూరి (Anusha Vemuri) జాయింట్ మేనేజింగ్ డైరెక్టర్‌గా (JMD) నియమితులయ్యారు. అయితే, అక్టోబర్ 9 నాటి ఈ రీస్ట్రక్చరింగ్‌లో భాగంగా ఇన్నాళ్లూ డైరెక్టర్‌గా కొనసాగిన ఆర్కే అల్లుడు కోగంటి భాను ప్రకాష్‌ను ఆ పదవి నుంచి తప్పించి, ఆయన స్థానంలో శ్రుతి కీర్తికి డైరెక్టర్ బాధ్యతలు అప్పగించారు. అక్టోబర్ 11 నుంచి అధికారిక ఉత్తరప్రత్యుత్తరాలన్నీ కొత్త ఎండీ ఆదిత్య వేమూరి పేరు మీదే జరగాలని సంస్థ స్పష్టం చేసింది.

"సొంతింట్లో ఏం జరుగుతుందో చూడండి" - భాను కొగంటి వైరల్ ట్వీట్

కుటుంబ సంస్థలో జరిగిన ఈ పరిణామాల నేపథ్యంలో కోగంటి భాను ప్రకాష్ ఎక్స్ (X) వేదికగా చేసిన ఒక పోస్ట్ పెను దుమారానికి దారితీసింది.

#OwnHouse
Some in the media stay busy watching other houses while ignoring what’s happening inside their own.
#Media #Accountability #Introspection

— BHANU KOGANTI (@BKOGANTI) October 24, 2026

"కొంతమంది మీడియా వారు పక్కింటి విషయాలు చూడటంలో బిజీగా ఉంటూ, తమ సొంతింట్లో ఏం జరుగుతుందో పట్టించుకోవడం లేదు" అంటూ ఆయన చేసిన ఈ ట్వీట్ క్షణాల్లో వైరల్ అయింది. ఏబీఎన్ కొత్త భవన్ ప్రారంభోత్సవానికి అల్లుడు దూరంగా ఉండటం, మేనేజ్‌మెంట్ పదవుల నుంచి తప్పించడం వల్లే ఆయన ఈ వ్యాఖ్యలు చేశారంటూ సోషల్ మీడియాలో పెద్దఎత్తున చర్చ నడిచింది.

"నా ట్వీట్‌ను తప్పుగా అర్థం చేసుకున్నారు" - క్లారిఫికేషన్ ఇచ్చిన భాను

ఈ వ్యవహారంపై సోషల్ మీడియాలో రకరకాల ఊహాగానాలు చెలరేగడంతో కోగంటి భాను ప్రకాష్ స్పందించాల్సి వచ్చింది. తాను చేసిన పాత ట్వీట్‌పై క్లారిఫికేషన్ ఇస్తూ మరో పోస్ట్ చేశారు.

"సోషల్ మీడియా అనలిస్టులు, వెబ్‌సైట్లు, పొలిటికల్ ఎంతుజియాస్ట్స్ అందరికీ ధన్యవాదాలు. నేను ఇప్పటికీ ఆమోద బ్రాడ్‌కాస్టింగ్ ప్రైవేట్ లిమిటెడ్ (ABN) లో భాగస్వామినే.. కేవలం హైరార్కీ (నిర్మాణ క్రమం) మాత్రమే మారింది. నా గత ట్వీట్‌ను కొందరు తప్పుగా అర్థం చేసుకున్నారు. దాని ఉద్దేశం వేరు.. అది మా మీడియా గురించి కాదు. ఏ మీడియా సంస్థకు చేరాల్సి ఉందో ఆ సందేశం అక్కడికి చేరింది" అంటూ ఆయన స్పష్టం చేశారు.

#WeReportYouDecide

Thank you to all the social media analysts, websites, and political enthusiasts for the rise in followers. I remain part of Aamoda Broadcasting Pvt Ltd (ABN); only the hierarchy has changed.
My earlier tweet was misinterpreted. The intent was different—it was not regarding our media. The message was conveyed to the media house where it should have been.
#abntelugutv #AamodaBroadcasting #Clarification #StillWithABN #HierarchyChange #FactCheck #Broadcasting #NewsMedia #Transparency #MediaUpdate

— BHANU KOGANTI (@BKOGANTI) October 25, 2026

ఏదేమైనప్పటికీ, తెలుగు మీడియా ప్రముఖుడి కుటుంబంలో జరిగిన ఈ పదవుల మార్పులు, అల్లుడి ట్వీట్ల వ్యవహారం ప్రస్తుతం మీడియా సర్కిళ్లలో తీవ్ర చర్చనీయాంశంగా మారింది.

పక్కింట్లోకి తొంగి చూడడం కాదు, సొంతింట్లో ఏం జరుగుతుందో చూడండి!

ABN రాధాకృష్ణకు అల్లుడి చురకలు

ABN సంస్థ నుంచి రాధాకృష్ణ అల్లుడు అవుట్

తనను డైరెక్టర్ పదవి నుంచి తప్పించి మరో మహిళకు డైరెక్టర్ పదవి కల్పించడంతో సంస్థను వీడిన రాధాకృష్ణ అల్లుడు కోగంటి భాను.

రాధాకృష్ణ మేనేజింగ్ డైరెక్టర్ పదవి నుంచి చైర్మన్ హోదాకు మారగా, కొడుకు ఆదిత్య వేమూరికి మేనేజింగ్ డైరెక్టర్ బాధ్యతలు, కుమార్తె అనూష వేమూరికి జాయింట్ మేనేజింగ్ డైరెక్టర్ బాధ్యతలు కల్పిస్తూ నిర్ణయం.

అయితే అక్టోబర్ 9న విడుదల చేసిన కొత్త పదవుల జాబితాలో, ఇన్నాళ్లూ డైరెక్టర్‌గా కొనసాగుతున్న సొంత అల్లుడు కోగంటి భాను ప్రకాశ్‌ను ఆ హోదా నుంచి తప్పించి, శ్రుతి కీర్తి అనే మరో మహిళకు అవకాశం కల్పించిన రాధాకృష్ణ.

దీంతో పక్కింట్లోకి తొంగి చూడడంలో బిజీగా ఉంటూ, సొంతింట్లో ఏం జరుగుతుందో చూసుకోవడం మానేశారంటూ రాధాకృష్ణపై పరోక్ష విమర్శలు చేస్తూ ABN సంస్థను వీడిన కోగంటి భాను.

— Telugu Scribe (@TeluguScribe) October 25, 2026