KCR | కేసీఆర్ సీఎం కావాల‌ని పాద‌యాత్ర‌.. బీఆర్ఎస్ అధినేత‌ను క‌లుసుకున్న‌ పాల‌మూరు అభిమాని

KCR | త్రినేత్ర న్యూస్‌: కేసీఆర్ (KCR) మళ్లీ ముఖ్యమంత్రి కావాలని ఆకాంక్షిస్తూ మహబూబ్ నగర్ జిల్లా కోయిలకొండ మండలం అంకెల్ల గ్రామానికి చెందిన అభిమాని కావలి రాంచందర్ పాద‌యాత్ర (Foot March) చేప‌ట్టారు. సిద్దిపేట జిల్లాలోని ఎర్ర‌వ‌ల్లి (Erravalli) ఫామ్‌హౌస్‌కు ఆదివారం చేరుకుని కేసీఆర్‌ను క‌లిశారు. ఈ సంద‌ర్భంగా ఆశీస్సులు తీసుకున్నారు. స‌ద‌రు అభిమానితో కేసీఆర్ ముచ్చ‌టించి శుభాకాంక్ష‌లు తెలియ‌జేశారు.

కాగా ఇటీవ‌ల పెద్ద‌ప‌ల్లి జిల్లా మంథ‌ని నుంచి ముగ్గురు యువ‌కులు పాద‌యాత్ర చేస్తూ ఎర్ర‌వెల్లిలోని కేసీఆర్ నివాసానికి చేరుకున్నారు. ఈ సంద‌ర్భంగా మంథ‌ని బెన్నిపాల్, బూర్ల వెంక‌టేశ్, కొండ వెంక‌టేశ్‌ను కేసీఆర్ అభినందించి, కాసేపు ముచ్చటించారు. తనపట్ల వారు చూపించిన అభిమానానికి కృత‌జ్ఞ‌త‌లు తెలిపారు.