Balakrishna | బాల‌కృష్ణ హీరో – మాధురీ దీక్షిత్ హీరోయిన్ – అనౌన్స్‌మెంట్ వ‌ర‌కు వ‌చ్చి ఆగిపోయిన బాలీవుడ్ మూవీ

Balakrishna |  పాన్ ఇండియ‌న్ క‌ల్చ‌ర్‌తో సినిమాల ప‌రంగా భాష‌ప‌ర‌మైన హ‌ద్దులు తొల‌గిపోయాయి. ఓ భాష‌కు చెందిన యాక్ట‌ర్లు మ‌రో లాంగ్వేజ్‌లో సినిమాలు చేయ‌డం కామ‌న్‌గా మారింది. త‌మిళ‌, మ‌ల‌యాళంతో పాటు బాలీవుడ్‌కు చెందిన న‌టులు టాలీవుడ్‌లో ఫుల్ బిజీగా ఉన్నారు. కానీ తెలుగు హీరోలు మాత్రం ఇత‌ర భాష‌ల్లో అంత‌గా అవ‌కాశాల‌ను అందుకోలేక‌పోతున్నారు.

చిరంజీవి...నాగార్జున‌....

పాన్ ఇండియ‌న్ ట్రెండ్ మొద‌లుకాక‌ముందే నాగార్జున‌, చిరంజీవి, వెంక‌టేష్ బాలీవుడ్‌లో సినిమాలు చేశారు. కానీ బాల‌కృష్ణ మాత్రం టాలీవుడ్‌కు ప‌రిమిత‌మ‌య్యారు. యాభై ఏళ్ల సినీ ప్ర‌యాణంలో ఇత‌ర భాష‌ల్లో ఒక్క సినిమా చేయ‌లేక‌పోయారు.

స్ట్రెయిట్ మూవీ....

1990 ద‌శ‌కంలో స్ట్రెయిట్ బాలీవుడ్ మూవీలో బాల‌కృష్ణ న‌టించాల్సింది. హీరో, డైరెక్ట‌ర్‌తో పాటు స్టోరీ రెడీ అయిన త‌ర్వాత ఈ సినిమా ఆగిపోయింది. బాల‌కృష్ణను బాలీవుడ్‌కు ప‌రిచ‌యం చేయాల‌ని సీనియ‌ర్ ప్రొడ్యూస‌ర్ ఏఎమ్ ర‌త్నం ప్లాన్ చేశారు. 1992లో ఓ హిందీ మూవీని అనౌన్స్‌చేశాడు. బాల‌కృష్ణ బాలీవుడ్ డెబ్యూ మూవీకి ద‌ర్శ‌కుడిగా ఎన్ చంద్ర ఫిక్స‌య్యాడు. హీరోయిన్‌గా మాధురీ దీక్షిత్‌ను ఫైన‌ల్ చేశారు.

మాధురీ దీక్షిత్‌...

తేజాబ్‌, న‌ర‌సింహా విజ‌యాల‌తో ఎన్ చంద్ర మంచి ఫామ్‌లో ఉండ‌టంతో ఈ మూవీపై భారీగా అంచ‌నాలు నెల‌కొన్నాయి. బాల‌కృష్ణ ఇమేజ్‌కు త‌గ్గ‌ట్లుగా ఓ ప‌వ‌ర్‌ఫుల్‌ స్క్రిప్ట్‌ను కూడా ఎన్ చంద్ర రెడీ చేశారు. ఆ టైమ్‌లో బాల‌కృష్ణ‌తో పాటు మాధురీ దీక్షిత్ బిజీగా ఉండ‌టంతో ఈ బాలీవుడ్ మూవీ షూటింగ్ డిలే అవుతూ వ‌చ్చింది. ఒక‌రి డేట్స్ అడ్జెస్ట్ అయితే మ‌రొక‌రి డేట్స్ దొర‌క్క‌పోవ‌డంతో ఈ బాలీవుడ్ డెబ్యూ మూవీని ఏఎమ్‌ర‌త్నం ప‌క్క‌న‌పెట్టేశారు.
బాల‌కృష్ణ మూవీ స్థానంలోనే ఎన్ చంద్ర ద‌ర్శ‌క‌త్వంలో విజ‌య‌శాంతి క‌ర్త‌వ్యం సినిమాను తేజ‌స్విని పేరుతో రీమేక్ చేశారు. అలా బాల‌కృష్ణ బాలీవుడ్ డెబ్యూ మూవీ మిస్స‌య్యింది.