Eesha Rebba | సోష‌ల్ మీడియాలో దారుణంగా కామెంట్స్‌..! పోలీసుల‌కు ఫిర్యాదు చేసిన ఈషా రెబ్బ‌

Eesha Rebba | టాలీవుడ్ హీరోయిన్ ఈషా రెబ్బ పోలీసుల‌ను ఆశ్ర‌యించింది. సోష‌ల్ మీడియాలో అస‌భ్యంగా కామెంట్స్ చేసిన వ్య‌క్తిపై చ‌ర్య‌లు తీసుకోవాల‌ని బంజారాహిల్స్ పోలీసుల‌కు ఫిర్యాదు చేసింది. ఇటీవ‌ల ఈషా ఇన్‌స్టాలో ఓ పోస్ట్ పెట్టింది. ఓ యూజ‌ర్ దారుణంగా అస‌భ్యంగా, వ్య‌క్తిత్వాన్ని కించ‌ప‌రిచేలా కామెంట్స్ పెట్టాడు. దాన్ని సీరియ‌స్‌గా తీసుకున్న ఆమె.. ప్రొఫైల్ ఐడీ, కామెంట్స్ స్క్రీన్ షాట్స్‌ను తీసి పోలీసుల‌కు ఫిర్యాదు చేసింది. స‌ద‌రు వ్య‌క్తిపై క‌ఠిన చ‌ర్య‌లు తీసుకోవాల‌ని విజ్ఞ‌ప్తి చేసింది. ఈ మేర‌కు పోలీసులు కేసు న‌మోదు చేసి విచార‌ణ చేప‌ట్టారు. ఈ సంద‌ర్భంగా ఓ వ్య‌క్తి ఫేక్ అకౌంట్‌ని క్రియేట్ చేసి కామెంట్స్ చేస్తున్న‌ట్లుగా గుర్తించారు. ఇక ఈషా రెబ్బ సినిమాల విష‌యానికి వ‌స్తే.. ఓం శాంతి శాంతిః మూవీలో హీరోయిన్‌గా న‌టించింది.