Mrunal Thakur | పెద్ది మూవీలో ఐట‌మ్ సాంగ్ చేస్తోందా? స‌మాధానం దాట‌వేసిన‌ మృణాల్..!

Mrunal Thakur | సీతారామం ఫేమ మృణాల్ ఠాగూర్ ప్ర‌స్తుతం తెలుగులో అడివి శేష్‌తో డెకాయిట్ మూవీలో న‌టిస్తున్న‌ది. ఈ మూవీకి సంబంధించిన ట్రైల‌ర్ ఇటీవ‌ల విడుద‌లైంది. ఈ కార్య‌క్ర‌మానికి హాజ‌రైన మృణాల్ ఠాగూర్ సినిమా విశేషాల‌తో పాటు త‌న కెరీర్‌పై స్పందించింది. అయితే, ఇటీవ‌ల ఐట‌మ్ సాంగ్ చేయ‌బోతున్న‌ట్లుగా వ‌చ్చిన వార్త‌ల‌పై ప్ర‌శ్నించ‌గా త‌ప్పించుకునే ప్ర‌య‌త్నం చేసింది. గ్లోబ‌ల్ స్టార్ రాంచ‌ర‌ణ్ న‌టిస్తున్న పెద్ది చిత్రంలో ఓ ఐట‌మ్ సాంగ్ క‌నిపించ‌నుంద‌ని ప్ర‌చారం జ‌రుగుతున్న విష‌యం తెలిసిందే. కెరీర్‌లో తొలిసారిగా ఐట‌మ్ సాంగ్ చేయ‌బోతున్న‌ట్లుగా పెద్ద ఎత్తున చ‌ర్చ సాగుతోంది. ఐట‌మ్ సాంగ్‌పై మీడియా ప్ర‌శ్నించ‌గా.. మృణాల్ స‌మాధానం ఇవ్వ‌కుండా దాట వేసింది.

హిందీ ప్రేక్ష‌కులు తాను తెలుగు అమ్మాయిగా భావిస్తార‌ని.. స్థానిక భావ‌జాలంతో ఉన్న క‌థ‌ల్లో న‌టించ‌డం త‌న‌కు ఇష్ట‌మ‌ని తెలిపింది. ఐట‌మ్ సాంగ్‌లో న‌టిస్తున్నారా లేదా అని అడిగితే మాత్రం ధ్రువీక‌రించ‌క‌పోవ‌డం గ‌మ‌నార్హం. ఇదిలా ఉండ‌గా.. పెద్ది మూవీలో ఐట‌మ్ సాంగ్ ఇంకా చిత్రీక‌రించాల్సి ఉంద‌ని స‌మాచారం. హిందీ సీరియ‌ల్స్‌తో కెరీర్ ప్రారంభించిన మృణాల్ ఆ త‌ర్వాత హిందీ సినిమాల్లో న‌టించింది. సీతారామంతో టాలీవుడ్‌కు ప‌రిచ‌య‌మైంది. ఆ త‌ర్వాత తెలుగులో హాయ్ నాన్న‌, ది ఫ్యామిలీ స్టార్‌, క‌ల్కి 2898 ఏడీ మూవీలో అతిథి పాత్ర‌లో న‌టించింది. ప్ర‌స్తుతం డెకాయిట్‌లో జులియ‌ట్ పాత్ర‌లో న‌టిస్తోంది. ఈ మూవీ రిలీజ్‌కు సిద్ధ‌మైంది. ప్ర‌స్తుతం తెలుగులో అల్లు అర్జున్‌, అట్లీ కాంబోలో వ‌స్తున్న ఏఏ22xఏ6 కీల‌క‌పాత్ర‌లో న‌టిస్తోంది. అలాగే, హిందీలో హే జ‌వానీ తో ఇష్క్ హో హేతో పాటు పూజా మేరీ జాన్‌లోనూ క‌నిపించ‌నుంది.