Shruti Haasan | నాన్సెన్స్ అంటూ పాప‌రాజీల‌పై ఆగ్ర‌హం వ్యక్తం చేసిన శృతి హాస‌న్‌..!

Shruti Haasan | పాప‌రాజీల వ్య‌వ‌హార‌శైలిపై ఇటీవ‌ల ప‌లువురు హీరోయిన్లు గ‌ళం విప్పారు. ఇప్ప‌టికే ప‌లువురు హీరోయిన్లు అసౌక‌ర్యానికి గురైయ్యారు. ఫోటోలు, వీడియోల కోసం అనవసర వ్యాఖ్యలు చేయడం, వ్యక్తిగత హద్దులు దాటడం వంటి చర్యలపై పలువురు నటీమణులు అసహనం వ్యక్తం చేస్తున్నారు. తాజాగా ఈ క్ర‌మంలోనే పాప‌రాజీల‌తో సౌత్ బ్యూటీ శృతి హాస‌న్ సైతం ఇబ్బందులు ఎదుర్కోవాల్సి వ‌చ్చింది. ఇటీవ‌ల ముంబ‌యిలో రెస్టారెంట్ నుంచి బ‌య‌ట‌కు వ‌స్తున్న స‌మ‌యంలో ఫొటోగ్రాఫ‌ర్లు ఫొటోలు, వీడియోలు తీశారు.

అదే స‌మ‌యంలో ఓ ఫొటోగ్రాఫ‌ర్ మ‌మ్మా అంటూ సంభోధించ‌గా.. శృతి అస‌హ‌నం వ్య‌క్తం చేసింది. ఎవరు మమ్మా? నేను నీ తల్లినా? ఏమంటున్నావు? నాన్సెన్స్! అంటూ ఆమె కాస్త గట్టిగానే స్పందించింది. ఇందుకు సంబంధించిన వీడియో నెట్టింట వైర‌ల్‌గా మారింది. నెటిజన్లు పాప‌రాజీల ప్రవర్తనపై విమర్శలు గుప్పించారు. పాపులారిటీ కోసం అమ్మాయిలను ఇబ్బంది పెట్టడం స‌రికాదు.. కొంచెమైనా సిగ్గు ఉండాలి అంటూ ఆగ్ర‌హం వ్య‌క్తం చేశారు. కొంద‌రు ఉద్దేశ‌పూర్వ‌కంగానే ప్రోవోక్ చేస్తారంటూ మ‌రికొంద‌రు నెటిజ‌న్లు అభిప్రాయం వ్య‌క్తం చేశారు. ఇక శృతి సినిమాల విష‌యానికి వ‌స్తే.. ఆకాశంలో ఒక తారా మూవీతో కాల్ మీ బే2 ఓటీటీ సిరీస్‌లో న‌టిస్తోంది.

Shruti Hasan was going to a party. Someone called her Mumma, She got angry and replied brutally 😭 pic.twitter.com/gl6EQa0vOE

— Chota Don (@choga_don) April 18, 2026