Ma Inti Bangaram | జూన్ 19న రానున్న స‌మంత ‘మా ఇంటి బంగారం’..

Ma Inti Bangaram | స్టార్ హీరోయిన్ సమంత నటిస్తూ, నిర్మిస్తున్న చిత్రం ‘మా ఇంటి బంగారం’ రిలీజ్ డేటా మారింది. మొద‌ట మే 15న ప్రపంచవ్యాప్తంగా విడుదల చేయనున్నట్లు ప్ర‌క‌టించారు. తాజాగా సినిమాను జూన్ 19కి వాయిదా వేసినట్లు చిత్ర బృందం అధికారికంగా వెల్లడించింది. ఈ సందర్భంగా సమంత గన్ పట్టుకున్న రగ్డ్ లుక్ పోస్టర్‌ను కూడా విడుదల చేశారు. నిర్మాణ సంస్థ ట్రలాలా మూవింగ్ పిక్చర్స్ విడుదల చేసిన ప్రకటన ప్రకారం.. ప్రస్తుతం కొనసాగుతున్న ఐపీఎల్ 2026 సీజన్ కారణంగానే ఈ నిర్ణయం తీసుకున్నట్లు తెలిపింది. ముఖ్యంగా తెలుగు రాష్ట్రాల్లో ప్రేక్షకులు, అలాగే సన్‌రైజర్స్ హైదరాబాద్ అభిమానులు టోర్నమెంట్‌ను పూర్తిగా ఆస్వాదించేందుకు అవకాశం కల్పించేందుకే సినిమా విడుదలను మార్చినట్లు వివరించింది.

డిస్ట్రిబ్యూటర్ల సూచనలతో పాటు ఐపీఎల్ ఉత్సాహాన్ని దృష్టిలో ఉంచుకుని ఈ మార్పు చేసినట్లు పేర్కొంది. ‘ఓ బేబీ’ తర్వాత నందిని రెడ్డి దర్శకత్వంలో సమంత నటిస్తున్న ఈ సినిమాపై ఇప్పటికే మంచి అంచనాలు నెలకొన్నాయి. రాజ్ నిడిమోరు ఈ ప్రాజెక్టుకు క్రియేటర్‌గా వ్యవహరిస్తున్నారు. సమంత తన సొంత నిర్మాణ సంస్థ ట్రలాలా మూవింగ్ పిక్చర్స్ బ్యానర్‌పై ఈ చిత్రాన్ని నిర్మిస్తుండటం విశేషం. సంతోష్ నారాయణన్ సంగీతం అందిస్తున్న ఈ చిత్రం ఫ్యామిలీ యాక్షన్ డ్రామాగా తెరకెక్కుతోంది. ఇందులో సమంత పాత్ర ఇంటెన్స్ యాక్షన్ సన్నివేశాలతో కూడి ఉంటుందని సమాచారం.

 

View this post on Instagram

 

A post shared by Nandini Reddy (@nandureddyy)