Rihanna | అంబానీ ఇంట్లో పాప్ సింగర్ రిహానా సంద‌డి..! నెట్టింట ఫొటోలు వైర‌ల్‌..!

Rihanna | ప్ర‌ముఖ పాప్ సింగ‌ర్ రిహానా ముంబ‌యిలోని అంబానీ ఇంట్లో సంద‌డి చేసింది. ఈ సందర్భంగా ఇషా అంబానీ, శ్లోక అంబానీ, రాధిక అంబానీ, అనంత్ అంబానీ ఆమెకు ఆత్మీయంగా స్వాగ‌తం ప‌లికారు. అంబానీ కుటుంబ సభ్యులు రిహానాను సంప్రదాయ పద్ధతిలో ఆహ్వానించారు. ముఖ్యంగా ఇషా అంబానీ, రాధిక అంబానీలు ఆమె రాకపై ఆనందం వ్యక్తం చేశారు.

భారతీయ సంప్రదాయాల మేర‌కు అంబానీ కుటుంబంతో రిహానా హార‌తి కార్య‌క్ర‌మంలో పాల్గొన్న‌ది. భారతీయ సంస్కృతి, ఆధ్యాత్మిక ఆచారాలపై ఆసక్తిని వ్య‌క్తం చేసింది. హార‌తి అనంత‌రం అంబానీ కుటుంబ సభ్యులతో కలిసి రిహానా పుష్పాలతో హోలీ వేడుకల్లో పాల్గొంది.

ఇషా అంబానీతో కలిసి ఆమె ప్రత్యేకంగా పూలతో హోలీ ఆడింది. ఈ సందర్భంగా భారతీయ కళ, సంస్కృతి, నృత్య రూపాల గురించి రిహానా ఆస‌క్తిగా వివ‌రాలు తెలుసుకుంది. అనంత‌రం రిహానాకు స్పెష‌ల్ విందు ఏర్పాటు చేశారు. ఇషా అంబానీ రిహానాకు ఓ విలువైన కానుక‌ను అంద‌జేయ‌గా ఆనందం వ్య‌క్తం చేసింది.

ఆస‌క్తిక‌ర విష‌యం ఏంటంటే.. ఈ పాప్ సింగ‌ర్ రియ‌ల్స్ యాజ‌మాన్యంలోని సౌంద‌ర్య ఉత్ప‌త్తుల బ్రాండ్ 'ఫెంటి బ్యూటీ' వేడుకల కోసం భార‌త్‌కు వ‌చ్చింది. ఈ బ్రాండ్ ఉత్పత్తులు భారత్‌లో ప్రత్యేకంగా 'టిరా', 'సెఫోరా' స్టోర్స్‌లో అందుబాటులో ఉన్నాయ‌ని కంపెనీ తెలిపింది. గ‌తంలో రిహాన్ 2024లో ముంబ‌యికి వ‌చ్చింది. అనంత్ అంబానీ- రాధిక మ‌ర్చంట్ వివాహ వేడుక‌లో పాల్గొన్న విష‌యం తెలిసిందే.