Sobhita Dhulipala | థాంక్యూ బంగారం – చైతూ ఎమోష‌న‌ల్ బ‌ర్త్‌డే విషెస్‌కు శోభిత క్యూట్ రిప్లై

Sobhita Dhulipala |  పెళ్లి త‌ర్వాత సినిమాల ఎంపిక‌లో త‌న పంథాను మార్చేసింది శోభిత ధూళిపాళ‌. గ్లామ‌ర్ పాత్ర‌ల‌కు దూరంగా ఉండాల‌ని నిర్ణ‌యించుకుంది ఈ అక్కినేని కోడ‌లు. ట్రెడిష‌న‌ల్‌, ఛాలెంజింగ్ పాత్ర‌ల‌కు ఎక్కువ‌గా ప్రాధాన్య‌మిస్తోంది. ఇటీవ‌లే చీక‌టిలో పేరుతో ఓ లేడీ ఓరియెంటెడ్ థ్రిల్ల‌ర్ మూవీ చేసింది. అమెజాన్ ప్రైమ్‌లో రిలీజైన ఈ సినిమాలో జ‌ర్న‌లిస్ట్ పాత్ర‌లో చ‌క్క‌టి న‌ట‌న‌ను క‌న‌బ‌రిచింది.
ప్ర‌స్తుతం త‌మిళంలో పా రంజిత్ ద‌ర్శ‌క‌త్వంలో ఓ సినిమా చేస్తూ బిజీగా ఉంది.
ఆదివారం శోభిళ ధూళిపాళ బ‌ర్త్‌డే. ఈ సంద‌ర్భంగా భార్య‌కు సోష‌ల్ మీడియా వేదిక‌గా నాగ‌చైత‌న్య ఎమోష‌న‌ల్ బ‌ర్త్‌డే విషెస్ చేశారు. "హ్యాపీ బ‌ర్త్‌డే మై లేడీ. నీతో క‌లిసి జీవితాన్ని పంచుకోవ‌డం అదృష్టంగా భావిస్తున్నాను" అంటూ ఇన్‌స్టాగ్రామ్‌లో ఓ పోస్ట్ పెట్టాడు. భార్య శోభిత‌తో క‌లిసి దిగిన ఓ ఫొటోను ఈ పోస్ట్‌కు జోడించాడు. భ‌ర్త విషెస్‌కు శోభిత కూడా స్వీట్ రిప్లై ఇచ్చింది. థాంక్యూ బంగారం అంటూ పేర్కొన్న‌ది. వీరిద్ద‌రి పోస్ట్‌లు సోష‌ల్ మీడియాలో వైర‌ల్ అవుతోన్నాయి.

 

 https://www.instagram.com/p/DY_REbmDAoC/?utm_source=ig_web_copy_link&igsh=NTc4MTIwNjQ2YQ==