US NRI Returning To India | NRIలు ఇండియాకు ఎందుకు తిరిగి రారు? ఈ నిజాలు తెలిస్తే షాక్!

US NRI Returning To India | త్రినేత్ర.న్యూస్ : అమెరికా (US) లేదా ఇతర దేశాలకు వెళ్లే చాలామంది భారతీయుల ప్లాన్ ఒక్కటే.. అక్కడ బాగా డబ్బు సంపాదించి, ఓ మంచి కార్పస్ ఫండ్ సెట్ చేసుకుని తిరిగి ఇండియాకు వచ్చేసి సెటిల్ అవ్వాలని! కానీ, రియాలిటీలో ఇది సాధ్యమేనా? విదేశాలకు వెళ్లిన వారు నిజంగానే తిరిగి సొంత గడ్డకు వస్తున్నారా? ఈ ప్రశ్నలపై ఇప్పుడు సోషల్ మీడియాలో పెద్ద చర్చే జరుగుతోంది. అమెరికాలో ఉంటున్న నితిన్ అనే ఎన్ఆర్ఐ (NRI) షేర్ చేసిన ఓ వీడియో నెట్టింట వైరల్‌గా మారింది.

నెక్స్ట్ టు ఇంపాజిబుల్

గడిచిన 15 ఏళ్లుగా విదేశాల్లోనే ఉంటున్న నితిన్ తన సొంత అనుభవాలను ఈ వీడియోలో పంచుకున్నాడు. "నేను ఒక రూ. 5 నుంచి రూ. 8 కోట్లు సంపాదించిన తర్వాత ఇండియాకు వెళ్లిపోతాను అని చాలామంది అనుకుంటారు. కానీ బ్రదర్.. ఇది దాదాపు అసాధ్యం. నేను అమెరికాకు వచ్చి ఈ రోజుతో 15 ఏళ్లు అవుతోంది. 8 కోట్లు బ్యాంక్‌లో వేసుకుని వెళ్లిపోదాం అని నేను అనుకున్న ప్రతీసారీ ఆ లక్ష్యం వాయిదా పడుతూనే వస్తోంది. ఇది నెక్స్ట్ టు ఇంపాజిబుల్ (Next to impossible)" అని ఆయన కుండబద్దలు కొట్టాడు.

లైఫ్‌స్టైల్‌కు అలవాటు పడితే అంతే

ఒకసారి ఫారిన్ కంట్రీస్‌లో ఉండే ఎక్కువ జీతాలు, మెరుగైన కొనుగోలు శక్తి, ఫైనాన్షియల్ స్టెబిలిటీకి అలవాటు పడ్డాక.. ఆ లక్ష్యాలు మారిపోతాయని నితిన్ తెలిపాడు. అమెరికాలో ఎంట్రీ లెవల్ లేదా గిగ్ ఎకానమీ (Gig-economy) జాబ్స్ చేసేవాళ్లు కూడా నెలకు వేల డాలర్లు సంపాదిస్తారు. రెంట్, ఇన్సూరెన్స్, ఇతర ఖర్చులు పోను మంచి మొత్తాన్ని సేవ్ చేసి ఇండియాకు పంపగలరు. అదే ఇండియాలో చూసుకుంటే, అలాంటి ఉద్యోగాలకు చాలా తక్కువ జీతాలు వస్తాయి. ఆ తక్కువ జీతంతో ఫారిన్‌లో ఉన్నప్పటి లైఫ్‌స్టైల్‌ను మెయింటైన్ చేయడం చాలా కష్టమని ఆయన వివరించాడు.

రూ.8 కోట్లున్నా గ్యారెంటీ లేదు

నితిన్ చేసిన ఈ వీడియో ఇప్పుడు ఎన్ఆర్ఐ కమ్యూనిటీలో హాట్ టాపిక్‌గా మారింది. 'రిటర్న్ టు ఇండియా' (Return to India) ప్లాన్‌పై చాలామంది తమ అభిప్రాయాలను పంచుకుంటున్నారు. ఇండియాలో ఇప్పుడు కాస్ట్ ఆఫ్ లివింగ్, ఖరీదైన రియల్ ఎస్టేట్, ప్రైవేట్ ఎడ్యుకేషన్ ఖర్చులు ఆకాశాన్ని అంటుతున్నాయని.. ఈ రోజుల్లో రూ. 5 కోట్ల నుంచి 8 కోట్ల కార్పస్ ఫండ్ ఉన్నా కూడా లాంగ్ టర్మ్ ఫైనాన్షియల్ సెక్యూరిటీకి గ్యారెంటీ లేదని చాలామంది ప్రొఫెషనల్స్ కామెంట్స్ చేస్తున్నారు.

అయితే, దీనిపై భిన్నమైన వాదనలు కూడా వినిపిస్తున్నాయి. జీవితంలో కేవలం డబ్బు మాత్రమే ముఖ్యం కాదని.. వయసు పైబడిన తల్లిదండ్రులకు దగ్గరగా ఉండాలని, తమ కల్చర్‌కు, ఇండియాలో ఉండే సపోర్ట్ సిస్టమ్‌కు కనెక్ట్ అవ్వాలనుకునే కొందరు ఎన్ఆర్ఐలు.. ఆర్థిక లాభాలను వదులుకుని మరీ ఇండియాకు తిరిగి వస్తున్నామని బదులిస్తున్నారు.