Virosh Wedding | విరోష్ వెడ్డింగ్‌.. బ‌య‌ట‌కు వ‌చ్చిన తొలి ఫొటో

Virosh Wedding | విజ‌య్ దేవ‌ర‌కొండ (Vijay Deverakonda), ర‌ష్మిక మంద‌న్న (Rashmika Mandanna) వివాహ‌బంధంతో ఒక్క‌టి కాబోతున్నారు. రాజ‌స్థాన్ ఉద‌య్‌పూర్‌లోని ఐటీసీ మెమోంటోస్ హోట‌ల్‌లో వీరి వివాహం జ‌రుగ‌నుంది. ఇప్ప‌టికే ప్రీ వెడ్డింగ్ వేడుక‌లు పూర్త‌య్యాయి. అస‌లు పెళ్లి నేడే. ఈ సంద‌ర్భంగా ప్రీ వెడ్డింగ్ వేడుక‌ల్లో విరోష్ (Virosh Wedding) సంద‌డి చేసింది. ఇందుకు సంబంధించిన ఫొటో ఒక‌టి ప్ర‌స్తుతం బ‌య‌ట‌కు వ‌చ్చింది. ఆ ఫొటోలో.. విజ‌య్‌-ర‌ష్మిక ఇద్ద‌రూ చేతులు ప‌ట్టుకుని క‌నిపించారు. ఆ ఫొటోలో రష్మిక సిల్వ‌ర్ క‌ల‌ర్ డిజైన‌ర్ డ్రెస్‌లో మెరిసిపోతూ క‌నిపించారు. ఇక రౌడీబాయ్ సంప్ర‌దాయ బ్లాక్ కుర్తా ధ‌రించారు. ఇద్ద‌రూ ఒక‌రి చేయి ఒక‌రు పట్టుకుని వెళ్తూ క‌నిపించారు. ఈ ఫొటో నెటిజ‌న్ల‌ను విశేషంగా ఆక‌ట్టుకుంటోంది.

రెండు ప‌ద్ద‌తుల్లో..

హిందూ సంప్ర‌దాయ ప‌ద్ద‌తిలో ఉద‌యం 10.10 నిమిషాల‌కు విజ‌య్‌, ర‌ష్మిక పెళ్లి జ‌రుగ‌నుంది. ఆ త‌ర్వాత సాయంత్రం 4.10 నిమిషాల‌కు కొడ‌వ‌ ఆచారం ప్ర‌కారం మ‌రోసారి వీరిద్ద‌రు వివాహ వేడుక జ‌రుగ‌నుంది. పెళ్లి ఫొటోల‌ను సాయంత్రం రిలీజ్ చేసే అవ‌కాశం ఉన్న‌ట్లు ప్ర‌చారం జ‌రుగుతోంది.

బుధ‌వారం రాత్రి సంగీత్ వేడుక (Sangeet ceremony) జ‌రిగింది. ఇందులో విజ‌య్‌, ర‌ష్మిక క‌లిసి డ్యాన్స్ చేశారు. గీత‌గోవిందం, డియ‌ర్ కామ్రేడ్ సినిమాల్లోని పాట‌ల‌కు వీరిద్ద‌రు క‌లిసి వేసిన స్టెప్పులు వేశార‌ట‌. ఈ పాట‌ల‌తో త‌మ ల‌వ్‌జ‌ర్నీని మ‌రోసారి వీరిద్ద‌రు గుర్తుచేసుకున్నార‌ట‌. పుష్ప 2 సాంగ్స్ సంగీత్ వేడుక‌కు ఫుల్ జోష్‌ను తెచ్చిన‌ట్లు స‌మాచారం.