Mouni Roy | భ‌ర్త‌తో విడాకుల వార్త‌లు.. ఎట్ట‌కేల‌కు మౌనం వీడిన మౌనిరాయ్‌..!

Mouni Roy | బాలీవుడ్ న‌టి మౌని రాయ్ వ్య‌క్తిగ‌త జీవితంపై ఇటీవ‌ల సోష‌ల్ మీడియాలో ఊహాగానాలు చక్కర్లు కొడుతున్నాయి. వ్యాపారవేత్త సూరజ్ నంబియార్‌తో ఆమె వివాహ బంధం ముగిసిందని, ఇద్దరూ విడిపోయి వేర్వేరుగా ఉంటున్నారని వార్త‌లు వ‌చ్చాయి. ఈ వార్త‌లు వైర‌ల్‌గా మార‌డంతో ఎట్ట‌కేల‌కు మౌని రాయ్ స్వ‌యంగా స్పందించింది. బుధ‌వారం ఇన్‌స్టాగ్రామ్ వేదిక‌గా స్టోరీ షేర్ చేసింది. తప్పుడు వార్తలను ప్రచారం చేయొద్దని అభిమానులు, మీడియాకు విజ్ఞప్తి చేసింది.

“దయచేసి ఎలాంటి అసత్య వార్తలను వ్యాప్తి చేయవద్దు. మాకు కొంత ప్రైవసీ, స్పేస్ ఇవ్వండి” అని ఆమె పేర్కొంది. చివరగా ఫోల్డెడ్ హ్యాండ్స్ ఎమోజీని జ‌త చేసింది. అయితే, ఈ విష‌యంలో పూర్తిస్థాయిలో క్లారిటీ రాలేదు. నిజంగా ఇద్ద‌రూ విడిపోయారా.. వేర్వేరుగా ఉంటున్నారా అన్న దానిపై మౌని నుంచి స్పష్టమైన వివరణ లేదు. గత కొంతకాలంగా మౌని సూర్‌తో కలిసి ఉన్న ఫొటోలు కూడా సోషల్ మీడియాలో షేర్ చేయకపోవడం అభిమానులు అనుమానిస్తున్నారు.

ఇటీవల మౌని, సూరజ్ ఇద్దరూ ఒకరినొకరు ఇన్‌స్టాగ్రామ్‌లో అన్‌ఫాలో చేసుకున్నారు. అలాగే, పెళ్లి ఫొటోలు కూడా సోషల్ మీడియా నుంచి తొల‌గించ‌డం చ‌ర్చ‌నీయాంశంగా మారింది. ఈ పరిణామాల తర్వాత సూరజ్ నంబియార్ తన సోషల్ మీడియా అకౌంట్‌ను డీయాక్టివేట్ చేయడం గమనార్హం. ఈ వార్త‌లు ఇద్ద‌రు విడిపోయార‌న్న వార్త‌ల‌కు బ‌లం చేకూరిన‌ట్ల‌య్యింది. మౌని రాయ్, సూరజ్ నంబియార్ 2022 జనవరి 27న గోవాలో బెంగాలీ, మలయాళీ సంప్రదాయాల ప్రకారం వివాహం చేసుకున్నారు. 2019లో ప‌రిచయం ఏర్ప‌డింది. ఆ త‌ర్వాత ప్రేమ‌లో ప‌డ్డారు. కొద్దిరోజుల‌కే పెళ్లితో ఒక్క‌ట‌య్యారు. అప్పటినుంచి వీరిద్దరూ తరచూ కలిసి ఉన్న ఫొటోలు షేర్ చేస్తూ అభిమానుల్లో మంచి క్రేజ్ సంపాదించుకున్నారు.