Mohanlal | ముఖ్య‌మంత్రిని ఇంట‌ర్వ్యూ చేసిన మోహ‌న్‌లాల్‌..!

Mohanlal | సాధారణంగా సినీ హీరోలను రాజ‌కీయ ప్ర‌ముఖుల‌ను జర్నలిస్టులు ఇంట‌ర్వ్యూల‌ను చేయ‌డం చూసే ఉంటారు. కానీ, ఓ రాజ‌కీయ నాయ‌కుడిని స్టార్ హీరో ఇంట‌ర్వ్యూ చేయ‌డం ఆస‌క్తిక‌రంగా మారింది. మలయాళ సూపర్ స్టార్, దాదాసాహెబ్ ఫాల్కే అవార్డు గ్రహీత మోహన్‌లాల్ కేరళ సీఎం పిన‌ర‌యి (Pinarayi Vijayan)ని ఇంట‌ర్వ్యూ చేశారు. ఆస‌క్తిక‌ర‌మైన విష‌యం ఏంటంటే.. ఎప్పుడూ జ‌ర్న‌లిస్టుల‌కు స‌మాధానం ఇచ్చే ఈ న‌టుడు.. ఆ పాత్ర‌లోకి మారి.. ప్ర‌శ్న‌లు అడ‌డం క‌నిపించింది. ప్ర‌స్తుతం ఈ వీడియో నెట్టింట వైర‌ల్‌గా మారింది. ఈ ఇంట‌ర్వ్యూ సీఎం అధికారిక నివాసం క్లిఫ్ హౌస్‌లో జ‌రిగింది. మోహన్‌లాల్ రెండురోజుల పాటు తిరువ‌నంత‌పురంలో ఉండి.. ఒకరోజు చర్చలు జ‌రిపారు.

ఆ త‌ర్వాత ఇంట‌ర్వ్యూ చిత్రీక‌రించారు. ఇందులో సీఎం వ్యక్తిగత జీవితం, రాజకీయ ప్రస్థానం, ప్రభుత్వ విధానాలపై ప్ర‌శ్న‌లున్నాయి. ఇందుకు సంబంధించిన టీజ‌ర్ విడుద‌ల కాగా.. త్వ‌ర‌లోనే పూర్తిస్థాయి ఇంట‌ర్వ్యూను విడుద‌ల చేసేందుకు ప్ర‌భుత్వం ఏర్పాట్లు చేస్తోంది. త్వ‌ర‌లో కేర‌ళ‌లో అసెంబ్లీ ఎన్నిక‌లు జ‌రుగ‌నున్నాయి. ఈ క్ర‌మంలోనే విజ‌య‌న్‌ స‌ర్కారు ఇంట‌ర్వ్యూ.. కేవ‌లం పీఆర్ స్టంట్‌గా ప‌లు పార్టీలు వ్యాఖ్యానించాయి. అయితే, మోహన్‌లాల్ ఇలా సీనియర్ రాజకీయ నేతలను ఇంటర్వ్యూ చేయడం కొత్తేం కాదు. గతంలో మాజీ ముఖ్యమంత్రి ఉమెన్ చాందీని ఇంటర్వ్యూ చేశారు. ఇంటర్వ్యూకి సంబంధించిన ఫొటోలు సోషల్ మీడియాలో వైరల్‌గా మారాయి.

https://x.com/iprdkerala/status/2026281797303296302