Kriti Sanon | లెస్బియ‌న్‌గా మ‌హేష్‌బాబు హీరోయిన్ – ఇద్ద‌రు హీరోయిన్ల ప్రేమ‌క‌థ‌తో బాలీవుడ్ సీక్వెల్

Kriti Sanon | ప్ర‌స్తుతం బాలీవుడ్‌, టాలీవుడ్‌తో పాటు అన్ని ఇండ‌స్ట్రీల‌లో సీక్వెల్ సినిమాల ట్రెండ్ న‌డుస్తోంది. స్టార్ హీరోలు న‌టించిన ప‌లు సూప‌ర్ హిట్ సినిమాల‌కు సీక్వెల్స్ ప్రేక్ష‌కుల ముందుకు రాబోతున్నాయి. ఈ సీక్వెల్స్ సినిమాల్లో కాక్ టెయిల్ 2 కూడా ఒక‌టి. సైఫ్ అలీ ఖాన్‌, దీపికా ప‌దుకొనే జంట‌గా న‌టించిన కాక్ టెయిల్ మూవీ 2012లో రిలీజై బిగ్గెస్ట్ బ్లాక్‌బ‌స్ట‌ర్‌గా నిలిచింది. ఆ ఏడాది హ‌య్యెస్ట్ క‌లెక్ష‌న్స్ రాబ‌ట్టిన హిందీ సినిమాల్లో ఒక‌టిగా నిలిచింది. ట్ర‌యాంగిల్ ల‌వ్‌స్టోరీగా డైరెక్ట‌ర్ హోమీ అద్జానియా ఈ సినిమాను తెర‌కెక్కించారు.

14 ఏళ్ల త‌ర్వాత‌...

ప‌ధ్నాలుగేళ్ల త‌ర్వాత కాక్‌టెయిల్ 2 మూవీకి సీక్వెల్ రాబోతుంది. ఈ సీక్వెల్‌లో షాహిద్‌క‌పూర్‌, ర‌ష్మిక మంద‌న్న‌, కృతి స‌న‌న్ హీరోహీరోయిన్లుగా న‌టిస్తున్నారు. కాక్‌టెయిల్‌ను తెర‌కెక్కించిన డైరెక్ట‌ర్ హోమీ అద్జానియా ఈ సీక్వెల్‌కు ద‌ర్శ‌క‌త్వం వ‌హిస్తున్నాడు. ఈ సీక్వెల్ షూటింగ్ ఇటీవ‌లే పూర్త‌య్యింది.

లెస్బియ‌న్ క‌పుల్‌...

లెస్బియ‌న్ ల‌వ్‌స్టోరీతో కాక్ టెయిల్ 2 తెర‌కెక్కుతోన్న‌ట్లు బాలీవుడ్‌లో ప్ర‌చారం జ‌రుగుతోంది. ఇందులో ర‌ష్మిక మంద‌న్న‌, కృతి స‌న‌న్ లెస్బియ‌న్ క‌పుల్‌గా క‌నిపిస్తార‌ని అంటున్నారు. ఇద్ద‌ర‌మ్మాయిల మ‌ధ్య ఏర్ప‌డిన ప‌రిచ‌యం ఎలా ప్రేమ‌బంధంగా మారింద‌ని, వారి మ‌ధ్య‌లోకి ఓ యువ‌కుడు ఎలా వ‌చ్చాడ‌నే పాయింట్ చుట్టూ ఈ సీక్వెల్ క‌థ సాగుతోంద‌ని అంటున్నారు.

పోస్ట‌ర్లు లీక్‌...

ఈ సినిమా నుంచి ఇప్ప‌టివ‌ర‌కు లీకైన ఫొటోల్లో ర‌ష్మిక మంద‌న్న‌, కృతి స‌న‌న్ చాలా క్లోజ్‌గా క‌నిపించారు. వారిద్ద‌రి ఇంటిమేట్ పోస్ట‌ర్లు కొన్ని సోష‌ల్ మీడియాలో చ‌క్క‌ర్లు కొడుతున్నాయి. ఈ పోస్ట‌ర్స్‌తో వీరిద్ద‌రు స్వలింగ సంపర్కులుగా క‌నిపించ‌నున్న‌ది నిజ‌మేన‌ని అంటున్నారు. ర‌ష్మిక‌, కృతి స‌న‌న్ క్యారెక్ట‌ర్స్ ఛాలెంజింగ్‌గా ఉంటాయ‌ట‌.

అచ్చిరాలేదు...

లెస్బియ‌న్ కాన్సెప్ట్ బాలీవుడ్‌కు అంత‌గా అచ్చిరాలేదు. ఈ త‌ర‌హా క‌థాంశాల‌తో గ‌తంలో హిందీలో బ‌దాయ్ హో, ఏక్ లడ్కీ కో దేఖా తో ఐసా లగాతో పాటు మ‌రికొన్ని సినిమాలు వ‌చ్చాయి. ఆడియెన్స్‌ను మాత్రం ఈ సినిమాల‌ను పెద్ద‌గా ప‌ట్టించుకోలేదు. దాంతో కాక్ టెయిల్ 2 రిజ‌ల్ట్ ఎలా ఉండ‌బోతుంది అన్న‌ది బాలీవుడ్ వ‌ర్గాల్లో ఆస‌క్తిక‌రంగా మారింది.

తెలుగు సినిమాల‌తో...

కాక్ టెయిల్ 2 మూవీ సెప్టెంబ‌ర్‌లో ప్రేక్ష‌కుల ముందుకు రాబోతుంది. ఈ సీక్వెల్‌లో న‌టిస్తున్న ర‌ష్మిక మంద‌న్న‌, కాక్ టెయిల్ 2 ఇద్ద‌రూ తెలుగు సినిమాల‌తోనే స్టార్స్‌గా మారారు. మ‌హేష్‌బాబు వ‌న్ నేనొక్క‌డినే మూవీతోనే కృతి స‌న‌న్ యాక్టింగ్ జ‌ర్నీ మొద‌లైంది. పుష్ప‌, పుష్ప 2, గీత‌గోవిందంతో పాటు మ‌రికొన్ని టాలీవుడ్ బ్లాక్‌బ‌స్ట‌ర్స్‌తో ర‌ష్మిక పాన్ ఇండియ‌న్ హీరోయిన్‌గా మారింది.