Dhurandhar 2 | ధురంధ‌ర్ 2 థియేట‌ర్‌లో తెలుగు, హిందీ ఫ్యాన్స్ మ‌ధ్య గొడవ – వీడియో వైర‌ల్‌

Dhurandhar 2 |  ప్ర‌స్తుతం దేశ‌వ్యాప్తంగా ధురంధ‌ర్ 2 మూవీ హ‌వా కొన‌సాగుతోంది. ఈ స్పై యాక్ష‌న్ థ్రిల్ల‌ర్ సినిమాపై సినీ, రాజ‌కీయ వ‌ర్గాల‌తో పాటు ఆడియెన్స్ ప్ర‌శంస‌ల వ‌ర్షాన్ని కురిపిస్తోన్నారు. క‌లెక్ష‌న్ల ప‌రంగా అద‌ర‌గొడుతోంది. కాగా ధురంధర్ 2 సినిమా ప్ర‌ద‌ర్శిస్తున్న థియేట‌ర్‌లో ఆస‌క్తిక‌ర సంఘ‌ట‌న చోటుచేసుకుంది. తెలుగు, హిందీ ఆడియెన్స మ‌ధ్య వాగ్వివాదం చోటుచేసుకోవ‌డం పోలీసులు రంగ‌ప్ర‌వేశం చేయాల్సివ‌చ్చింది. హైద‌రాబాద్‌లో ఈ సంఘ‌ట‌న చోటుచేసుకుంది.

తెలుగు వ‌ర్సెస్ హిందీ...

హైదరాబాద్ పంజాగుట్టలో పీవీఆర్ నెక్స్ట్ గ‌లెరియా మాల్‌లో ధురంధ‌ర్ 2 సినిమా చూసేందుకు ప‌లువురు ఆడియెన్స్ బుక్ మై షో యాప్ ద్వారా టికెట్స్ బుక్ చేసుకున్నారు. ఒకే స్క్రీన్‌కు సంబంధించి ఒకే టైమ్‌లో తెలుగు, హిందీ వెర్ష‌న్ల టికెట్లు బుక్క‌య్యాయి. తెలుగుతో పాటు హిందీ వెర్ష‌న్ బుక్ చేసుకున్న‌వారు థియేట‌ర్‌కు వ‌చ్చారు. పీవీఆర్‌ యాజ‌మాన్యం మాత్రం హిందీ వెర్ష‌న్ స్క్రీనింగ్ చేయ‌డానికి రెడీ కాగా...తెలుగు టికెట్స్ బుక్ చేసుకున్న‌వారు అభ్యంత‌రం వ్య‌క్తం చేశారు. తాము ముందుగా టికెట్ల‌ను బుక్ చేసుకున్నాం కాబ‌ట్టి....తెలుగులోనే సినిమాను ప్ర‌ద‌ర్శించాల‌ని థియేట‌ర్ యాజ‌మాన్యంతో గొడ‌వ‌కు దిగారు. హిందీలో సినిమా చూడాల‌ని వ‌చ్చిన వారు అందుకు అంగీక‌రించ‌లేదు. ఏ భాష‌లో సినిమాను స్క్రీనింగ్ చేయాల‌నే విష‌యంలో అయోమ‌యం నెల‌కొంది. మ‌రోవైపు ఓకే సీట్‌ను తెలుగు, హిందీ వెర్ష‌న్స్ బుక్ చేసుకున్న ఇద్ద‌రికీ కేటాయించారు. సీట్ల విష‌యంలో గొంద‌ర‌గోళం నెల‌కొంది. థియేట‌ర్‌లోనే మెట్ల‌పై కూర్చొని ప్రేక్ష‌కులు నిర‌స‌న‌కు దిగారు. ప‌రిస్థితి అదుపు త‌ప్ప‌డంతో యాజ‌మాన్యం పోలీసుల‌కు పిలిపించారు.

నెటిజ‌న్ వీడియో...

పోలీసులు థియేట‌ర్‌లోకి ఎంట్రీ ఇచ్చి ఆడియెన్స్‌కు స‌ర్ధిచెప్పారు. చివ‌ర‌కు థియేట‌ర్‌లో హిందీ వెర్ష‌న్‌ను స్క్రీనింగ్ చేశారు. తెలుగు టికెట్లు బుక్ చేసుకున్న‌వారు మాత్రం అస‌హ‌నం వ్య‌క్తం చేశారు. థియేట‌ర్ యాజ‌మాన్యం నిర్ల‌క్ష్యాన్ని ప్ర‌శ్నిస్తూ ఓ నెటిజ‌న్ పెట్టిన వీడియోతో ఈ సంఘ‌ట‌న వెలుగులోకి వ‌చ్చింది. ఈ వీడియో సోష‌ల్ మీడియాలో వైర‌ల్ అవుతోంది.

500 కోట్లు...

కాగా ధురంధ‌ర్ 2 మూవీ మూడు రోజుల్లోనే ఐదు వంద‌ల కోట్ల వ‌సూళ్ల‌ను ద‌క్కించుకుంది. ఆదిత్య ధ‌ర్ ద‌ర్శ‌క‌త్వం వ‌హించిన ఈ సినిమాలో ర‌ణ‌వీర్‌సింగ్‌, సారా అర్జున్ హీరోహీరోయిన్లుగా న‌టించారు. సంజ‌య్ ద‌త్‌, అర్జున్ రాంపాల్‌, మాధ‌వ‌న్ కీల‌క పాత్ర‌ల్లో న‌టించారు.

 

View this post on Instagram

 

A post shared by keerthi yerneni (@keerthi_yerneni)