Alia Bhatt | బోల్డ్ లుక్‌లో అలియా భ‌ట్‌ – భ‌ర్త సినిమాలో క్యాబ‌రే డ్యాన్స‌ర్‌గా బాలీవుడ్ బ్యూటీ

Alia Bhatt |  భ‌ర్త ర‌ణ‌భీర్‌క‌పూర్‌తో క‌లిసి అలియాభ‌ట్ న‌టిస్తున్న లేటెస్ట్ మూవీ ల‌వ్ అండ్ వార్‌. బాలీవుడ్ స్టార్ డైరెక్ట‌ర్ సంజ‌య్ లీలా భ‌న్సాలీ ద‌ర్శ‌క‌త్వం వ‌హిస్తున్న ఈ సినిమాలో విక్కీ కౌశ‌ల్ మ‌రో హీరోగా న‌టిస్తున్నాడు. పీరియాడిక‌ల్ ల‌వ్ డ్రామాగా తెర‌కెక్కుతోన్న ఈ మూవీ వ‌చ్చే ఏడాది జ‌న‌వ‌రి 21న థియేట‌ర్ల‌లోకి రాబోతుంది.

ఫ‌స్ట్ లుక్‌...

ల‌వ్ అండ్ వార్ ప్ర‌మోష‌న్స్‌ను మేక‌ర్స్ అఫీషియ‌ల్‌గా మొద‌లుపెట్టారు. ఈ సినిమా నుంచి గురువారం ర‌ణ‌భీర్‌క‌పూర్ ర‌గ్గ్‌డ్ లుక్ పోస్ట‌ర్‌ను అభిమానుల‌తో పంచుకున్నారు. తాజాగా శుక్ర‌వారం ఈ ల‌వ్ డ్రామా మూవీ నుంచి అలియాభ‌ట్ ఫ‌స్ట్ లుక్‌ను విడుద‌ల చేశారు.

బోల్డ్ లుక్‌...

బోల్డ్ లుక్‌లో అలియా భ‌ట్ క‌నిపిస్తున్న ఈ పోస్ట‌ర్ సోష‌ల్ మీడియాలో వైర‌ల్ అవుతోంది. రెట్రో పోస్ట‌ర్ చూస్తుంటే అలియాభ‌ట్ క్యాబ‌రే డ్యాన్స‌ర్‌గా ఈ బాలీవుడ్ సినిమాలో క‌నిపించ‌బోతున్న‌ట్లు తెలుస్తోంది. ఆమె జ్వాల లాంటిది. అంద‌రి గుండెల్లో ప్రేమ‌ను పుట్టిస్తుంది అంటూ పోస్ట‌ర్‌పై ఉన్న క్యాప్ష‌న్ ఆస‌క్తిని పంచుతోంది. ల‌వ్ అండ్ వార్‌లో అలియా భ‌ట్ రోల్ చాలా గ్లామ‌ర‌స్‌గా ఉండ‌బోతున్న‌ట్లు ఈ ఫ‌స్ట్ లుక్‌ పోస్ట‌ర్‌తో డైరెక్ట‌ర్ క్లారిటీ ఇచ్చాడు.

రీసెర్చ్‌....

కాగా ఈ క్యాబ‌రే డ్యాన్స‌ర్ పాత్ర కోసం అలియాభ‌ట్ చాలానే రీసెర్చ్ చేసిన‌ట్లు స‌మాచారం. 1970 - 80 టైమ్‌లో జాజ్ సింగ‌ర్స్ బాడీలాంగ్వేజ్, వారి వ‌స్త్ర‌ధార‌ణ ఎలా ఉంటుంది అన్న‌ది తెలుసుకొని నటించిన‌ట్లు చెబుతున్నారు. అలియాభ‌ట్ కెరీర్‌లో మోస్ట్ ఛాలెంజింగ్ రోల్స్‌లో ఒక‌టిగా ఈ పాత్ర నిలుస్తుంద‌ని అంటున్నారు. సంజ‌య్ లీలా భ‌న్సాలీ స్వ‌యంగా ఈ సినిమాను నిర్మిస్తున్నారు. దాదాపు 450 కోట్ల బ‌డ్జెట్‌తో ఈ మూవీ రూపొందుతోంది.

Sitaare toh hazaar, par chamak iski hai! ✨

Sanjay Leela Bhansali's Love & War on 21st January 2027 ❤️

See you at the movies! 🎬#LoveAndWar@saregamaglobal #RanbirKapoor @vickykaushal09 @aliaa08 #PrernaSingh pic.twitter.com/QOan0QdWlQ

— BhansaliProductions (@bhansali_produc) September 25, 2026